راخىت كېسىلى

راخىت كېسىلى

راخىت كېسلى ۋىتامىن D كەملىك خاراكتېرلىك راخىت كېسىلىنىڭ قىسقارتىلمىسى بولۇپ، ۋىتامىنD يېتىشمەسلىككەلتۈرۈپ چىقارغان بىر خىل ئاستا خاراكتېرلىك ئوزۇقلۇق ماددا يېتىشمەسلىك كېسىلى.ئۈچ ئايلىقتىن ئىككى ياشقىچە بولغان كىچىك بالىلاردا كۆپ كۆرۈلىدۇ. دەسلەپكىمەزگىلىدە تۇغۇلۇپ ئۈچ ئاي ئەتراپىدا كېسەللىنىدۇ. ئاساسلىق ئىپادىسى غەيرىي خاسنېرۋا روھىي ئالامىتى مەسىلەن: تىت-تىت بولۇش، ياخشى ئۇخلىيالماسلىق، ئاسان چۆچۈش،كېچىدە ئاسانلا يىغلاش، مۇھىت بىلەن مۇناسىۋەتسىزلا كۆپ تەرلەش، بولۇپمۇ بوۋاقنىڭباش قىسمى كۆپ تەرلەپ، بېشىنى ياستۇققا تولا سۈركەپ، بېشىنىڭ كەينى تەرىپىدىكى بىرقىسىم چاچ ئازلاپ كېتىدۇ. بۇ تېبابەتتە گەجگىدە چاچ قالماسلىق دېيىلىدۇ. ھەرىكەتقىلغان مەزگىلىدىكى ئاساسلىق ئىپادىسى: سۆڭەك ئۆزگىرىش ۋە ھەرىكىتىنىڭ يېتىلىشىئارقىدا قېلىش بولۇپ، سۆڭەك ئۆزگىرىش ئاساسلىقى باش سۆڭىكى يۇمشىشىش، چېكەسۆڭىكى(تەيياڭ پەللىسىنىڭ كەينى ئۈستى تەرەپ) ياكى گەجگە سۆڭەك(ئارقا مېڭەدۆڭچىسى) نىڭ ئوتتۇرا قىسمىنى قول بىلەن يېنىك باسقاندا باش سۆڭىكى ئولتۇرۇشۇپكېتىۋاتقاندەك سەزگۈ بولىدۇ ھەمدە قويۇپ بېرىش بىلەن تەڭ ئەسلىگە قايتىدۇ. چاساباش. سۆڭەكسىمان توقۇلما ئۆسۈپ، ماڭلاي سۆڭەك ۋە چوققا سۆڭەكنىڭ ئىككى تەرىپىدىنقارىمۇ قارشى كۆتۈرۈلۈپ چىقىپ گىرىپتار بولغۇچىنىڭ بېشىنى چاسا شەكىلدە كۆرسىتىدۇ.مېڭە ئالدى لىپىلدىقى چوڭىيىپ، پۈتۈشى كەينىگە سۈرۈلۈش، چىشىنىڭ چىقىشى كەينىگەسۈرۈلۈش، توخۇ كۆكرەك ياكى ۋارونكا كۆكرەك، ياكى، تەنھەرىكەت ئىقتىدارىنىڭيېتىلىشى ئارقىدا قېلىش، ئاساسلىق ئىپادىسى باش بويۇن قىسمى ئاجىزلاش، ئولتۇرۇش،قوپۇش، مېڭىش قاتارلىقلارنىڭ يېتىلىشى ئارقىدا قېلىش، ئېغىر دەرىجىدە گىرىپتاربولغۇچىلاردا دائىم ئىممۇنىتېت كۈچى ئاجىزلاش ھەمدە ئاسانلا يۇقۇملىنىش، ھەزىمئىقتىدارى قالايمىقانلىشىش قاتارلىقلار بىللە كېلىدۇ. ئەگەر ۋاقتىدا داۋالاتمايئۈچ ياشتىن ئېشىپ كەتسە دائىم ئوخشاش بولمىغان دەرىجىدىكى سۆڭەك غەيرىيلىشىشكېسەللىك ئاسارىتى قالىدۇ.

راخىت كېسلىبالىنىڭ بەدىنىگە كالتسىي ۋە ۋىتامىن D قاتارلىقلار يېتىشمەسلىك، ئۈچ ياشتىن تۆۋەن بالىلاردا سۆڭىكى تەبىئىي يوسۇندا قېتىشماسلىق، بالىلارنىڭ باش سۆڭىكىنىڭ چاكلىرى پۈتمەسلىك، باش سۆڭىكى يۇمشاپ قەغەزدەك تاراقلايدىغان بولۇپ قېلىش، توخۇ كۆكرەك بولۇپ قېلىش، پۇتلىرى ئىچىگە ياكى سىرتىغا ئېگىلىپ قېلىش قاتارلىق سۆڭەكتىكى ئۆزگىرىشلەرنى ئاساس قىلغان ھالدا، يىغلاڭغۇ بولۇپ قېلىش، ياخشى ئۇخلىيالماسلىق، ئاشقازىنى ئاجىزلىشىش، كۆپ تەرلەش، باشنىڭ ئارقا تەرىپىنىڭ چېچى چۈشۈپ كېتىش قاتارلىقلاردىن باشقا يەنە تۆۋەندىكىدەك ئالامەتلەر بىلەنمۇ ئىپادىلىنىدۇ.

تارتىشىش

راخىت كېسلىتارتىشىش(دۆلىنىش) ئالامىتى: تۇيۇقسىز پۇت-قولى تارتىشىپ قېلىش، ئىككى كۆزى ئۈستىگە قايرىلىش، ئەس-ھوشىنى يوقىتىش، نەچچە سېكۇنت ياكى نەچچە مىنۇتقىچە داۋاملىشىدۇ. تۇتۇشتىن توختىغاندىن كېيىن ئەس-ھوشى ئەسلىگە كېلىپ روھى چۈشكۈنلىشىپ ئۇخلاپ قالىدۇ. ئويغانغاندىن كېيىن ھەممە خۇددى ئىلگىرىكىدەك بولىدۇ، تۇتۇش قېتىم سانى كۈندە بىر قېتىمىدىن ھەر كۈنى تۇتۇش قېتىم سانى ئوخشاش بولمايدۇ، ئادەتتە قىزىش بىللە كەلمەيدۇ، بۇ ئالامەت ئەڭ كۆپ كۆرۈلىدۇ. تۇيۇقسىز تۇتۇپ پۇت-قول يا شەكلىدە سپازمىلىنىپ، بىر جۈپ قول بېغىشى قايرىلىپ، بارماقلىرى تۈزلىنىدۇ. باش بارمىقى ئىچىگە ئىگىلىدۇ، پۇت بېغىشى تۈزلىنىپ پۇت بارماقلىرى تۆۋەنگە ئىگىلىدۇ.

كېكىردەك سپازمىلىنىش

كېكىردەك سپازمىلىنىش بوۋاقلاردا كۆپ كۆرۈلىدۇ. ئىپادىسى: كېكىردەك مۇسكۇل ۋە ئاۋاز قاپقىقى تۇيۇقسىز سپازمىلىنىپ، نەپەسلىنىش قىيىنلىشىدۇ ئېغىر بولغاندا تۇنجۇقۇشتىن ئۆلۈپ كېتىش كېلىپ چىقىدۇ. ئەگەر بوۋاق بالىلاردا تۇيۇقسىز تارتىشىش بولۇپ قىزىش بولمىسا ھەمدە دائىم قايتا-قايتا تۇتسا، تۇتۇپ بولغاندىن كېيىن ھەممە نورمال ھالىتىگە قايتسا، بوۋاقنىڭ بۇ كېسەلگە گىرىپتار بولغان-بولمىغانلىقىنى ئويلىشىپ، ۋاقتىدا دوختۇرخانىغا ئاپىرىپ داۋالىتىش كېرەك.

راخىت كېسلىراخىتلىق كالتسىي تۆۋەنلىكتىن تارتىشىش يەنە ۋىتامىن D كەملىك خاراكتېرلىك پۇت-قولى تارتىشىش كېسىلى دېيىلىپ، ۋىتامىن D كەملىك، قاندىكى كالتسىي ئىئونىنىڭ قويۇقلۇقى تۆۋەنلەش، نېرۋا، مۇسكۇللارنىڭ غىدىقلىنىشى ئارتىشتىن كېلىپ چىققان بولۇپ، كېسەللىك بالىلارنىڭ ئانا قورسىقىدىكى ۋاقىتتىن تارتىپلا ئوزۇقلۇق يېتىشمەسلىكى، تۆرەلمە تەرەققىياتىنىڭ ئاجىز بولۇشى، تۇغۇلغاندىن كېيىن ئانا سۈتىگە قانماسلىقى، ئۆسۈۋاتقان دەۋرىدە ئوزۇقلۇققا قانماسلىقى، مۇۋاپىق كۈن نۇرىغا قاقلىنىپ تۇرماسلىقى سەۋەبىدىن كېلىپ چىقىدۇ.

1-رېتسېپ

تەركىبى: تۇخۇم شاكىلى 10 گىرام، ھەسەل ئۈچ ھەسسە.

تەييارلاش ئۇسۇلى: تۇخۇم شاكىلىنى سەل سارغايغۇچە قورۇپ، ئاندىن يۇمشاق سوقۇپ، ھەسەل بىلەن ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا مۇۋاپىق مىقداردا ئىستېمال قىلىنىدۇ.

2-رېتسېپ

راخىت كېسىلىتەركىبى: تۇخۇم شاكىلى 20 گىرام، سۆڭەك 250 گىرام، سۇ مۇۋاپىق مىقداردا.

تەييارلاش ئۇسۇلى: تۇخۇم شاكىلىنى سەل سارغايغۇچە قورۇپ، دۈملەپ، ئاندىن سۆڭەكنى سۇدا قاينىتىپ شورپىسى بىلەن تۇخۇم شاكىلىنى ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا مۇۋاپىق مىقداردا ئىستېمال قىلىنىدۇ.

3-رېتسېپ

تەركىبى: زورەنبات، زەرچىۋە، جويۇز تەڭ مىقداردا، سۇ مۇۋاپىق مىقداردا.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، سۇدا نەمدەپ تەييارلىنىدۇ.

ئىشلىتىش مىقدارى: 3 ~ 4 كۈندە بىر قېتىم قۇلاقنىڭ ئالدى-كەينىگە چېپىلىدۇ.

پەرۋىش

راخىت كېسىلىراخىت كېسىلى بىلەن ئاغرىغان بالىلارنى ئىمكان قەدەر بالدۇرراق بايقاپ، كېسەللىكنىڭ تەرەققىي قىلىشىنىڭ ئالدىنى ئېلىش كېرەك. دىياگنوز قويۇلغاندىن كېيىن ئوزۇقلاندۇرۇش ۋە پەرۋىش قىلىشقا ئالاھىدە ئەھمىيەت بېرىش كېرەك. بۇنىڭ ئۈچۈن تازىلىققا ئەھمىيەت بېرىش، بالىلارنى پاكىز، ئازادە، ھاۋالىق مۇھىتتا بېقىش، شەخسىي تازىلىق، مۇھىت تازىلىقى، يېمەك ئىچمەك تازىلىقىغا ئەھمىيەت بېرىش كېرەك. ھاۋا ئوچۇق كۈنلىرى بالىلارنى كۈن نۇرىغا قاقلاپ بېرىش ھەمدە بالىلارنىڭ ئوزۇقلىنىشىغا ئېتىبار بېرىپ، ھەرخىل قۇۋۋەتلىك تاماقلار بىلەن مۇۋاپىق ئوزۇقلاندۇرۇپ تۇرۇش كېرەك.

سوغۇق ئۆتۈپ كېتىشتىن، كۆپ ھەرىكەت قىلىشتىن ساقلىنىش، ئۇزۇن ئولتۇرغۇزماسلىق، ئۇزۇن ئۆرە تۇرغۇزماسلىق، مېڭىشقا مەجبۇرلىماسلىق لازىم .

پەرھىز

تەستە ھەزىم بولىدىغان، يەل پەيدا قىلىدىغان، غىدىقلىغۇچى، سوغۇق تەبىئەتلىك يېمەك – ئىچمەكلەردىن پەھىز قىلدۇرۇلىدۇ. ^[0]