جامالتېرەك يېزىسى

جامالتېرەك يېزىسى جامالتېرەك يېزىسى شىنجاڭ ئۇيغۇر ئاپتونوم رايونى قىزىلسۇ قىرغىز ئاپتونوم ئوبلاستىنىڭ ئاقتۇ ناھىيەسىگە جايلاشقان. يېزىغا قاراشلىق 6 مەمۇرىي كەنت، بىر دېھقانچىلىق مەيدانى، 35 كەنت ئاھالە گۇرۇپپىسى بار، ئومۇمىي نوپۇسى 2314 ئائىلە، 10418 ئادەم. يېزا بويىچە 1600.4 گېكتار تېرىلغۇ يەر بار، 2033.5 گېكتار يەرگە ئاشلىق زىرائىتى تېرىلىدۇ. 

جامالتېرەك يېزىسىجامالتېرەك يېزىسىغا قاراشلىق ئالتە كەنت ئاھالە كومىتېتى بار: قوشئېرىق بەك كەنتى، باغلا كەنتى، سەككىز ئېرىق كەنتى، كونا ھويلا كەنتى، ۋۇكې كەنتى، قاشبويى كەنتى. 

جامالتېرەك يېزىسىشەرق، جەنۇبىي قەشقەر ۋىلايىتى يېڭىشەھەر ناھىيەسى بىلەن چېگرىداش، غەربىي پىلال يېزىسى، كۆتۈرمە مۇنارى بويىچە دېھقانچىلىق مەيدانى بىلەن تۇتىشىدۇ، شىمالىي تەرىپى يوپۇرغا دەرياسىنى چېگرا قىلىپ شىنجاڭ ئىشلەپچىقىرىش-قۇرۇلۇش بىڭتۇەنى يېزا ئىگىلىك 3-شىسىنىڭ 41 ـ تۈەنى بىلەن قارىشىپ تۇرىدۇ. رايون شەرقتىن غەربكە ئۇزۇنلۇقى 10 كىلومېتىر، جەنۇبتىن شىمالغا كەڭلىكى ئالتە كىلومېتىر، ئومۇمىي كۆلىمى 44 كۋادرات كىلومېتىر بولۇپ، يېزىلىق ھۆكۈمەت تۇرۇشلۇق جاي بىلەن بولغان ناھىيە بازىرىنىڭ ئۇدۇل ئارىلىقى 15 كىلومېتىر كېلىدۇ.

جامالتېرەك يېزىسىجامالتېرەك يېزىسىنىڭ دېڭىز يۈزىدىن ئوتتۇرىچە ئېگىزلىكى 1302 مېتىر، يەر ئۈستى تۈزۈلۈشى تەكشى، يەر ئاستى سۇ ئورنى يۇقىرى؛ ھاۋارايى مۆتىدىل، ھۆل-يېغىن ئاز، يىللىق ئوتتۇرىچە ھاۋا تېمپېراتۇرىسى ℃17.5، قىروسىز مەزگىلى 220 ~ 180 كۈنگە يېتىدۇ.^[0]