لىمۇن

لىمون بولسا سوزاپ ئائىلىسىدىكى توپلىشىپ ئۆسىدىغان قاقىر كەلگەن چاتقال ئۆسۈملۈك  لىموننىڭ پىشقان مىۋىسى بۇلۇپ،مېۋىسى يۇمىلاق، سېرىق ۋە ئاچ قىزىل رەڭدە،پوستى نېپىز، ئاسان سويىلىدۇ ھەم يېپىشقاق، دەرەخنىـڭ قاتتىـق تىكىنـى بار، يوپۇرمىقـى نۆۋەتـلىشىپ ئۆسىـدۇ.7-8- ئايلاردا مىۋىسى پىشقاندىن كىيىن يىغىۋىلىپ قۇرۇتۇپ ئىشلىتىلىدۇ، قېلىـن بولىدۇ،مەملىكىتىمىزنىڭ جەنۇبى ئۆلكلىرىدىن چىقىدۇ. ھەمدە ھىندىستان، پاكىستان، ئەرەبىستان قاتارلىق دۆلەتلەردىنمۇ چىقىدۇ.

ئاساسلىقى قۇرۇق ئىسسىق كەيپىياتلارنى تەڭشەش. سەپرانىڭ ئۆتكۈرلۈكىنى پەسەيتىش، ئۇسسۇزلۇقنى پەسەيتىش، يۈرەكنى قۇۋۋەتلەش ئىشتىھانى ئېچىپ، ھەزىمنى ياخشىلاش، غەيرى تەبىئىي خىلىتلارنى تازىلاش ۋە تېرىنى پارقىرىتىش قاتارلىق خۇسۇسىيىتى بار.

خاس تەسىرى

خىلىتسىز قۇرۇق ئىسسىق كەيپىياتنى تەڭشىگۈچى دورىلار

ئەكىس تەسىرى

سوغۇق مىجەزلىك كىشىلەرگە، پەي نېرۋىلارغا زىيان قىلىدۇ.

ئاپىلسىن مېۋە پوستىنىڭ تەركىبىدە ھېسپېرىدىن (Hesperidin)، تىئو ھېسپېرىدىن(Neo esperidin)،نوبېلتېن (Nubeletin) ناركوتىن، نۇر ئادىرنالىن (Naradrenalin)، تىرامىن  (Tyramin) قاتارلىقلار بار.

لىموننىڭ سىقىلغان سۈيىنى قاينىتىپ ھەسەل قوشۇپ ئىستېمال قىلسا قىزىتما قايتۇرىدۇ.

دورىلىق ئورنى

لىمون سۈيى ، پوستى ۋە ئۇرۇقى.

مىقدارى 

لىمون سۈيى 6 گرام، پوستى ۋە ئۇرىغىدىن 3–10 گرامغىچە.

تۈزەتكۈچىسى

ئاپىلسىن، كاپۇر

ئورۇنباسارى 

 ھەسەل، ناۋات

لىمون شەربىتى

 ئىسسىقتىن بولغان باش ئاغرىقى، گال ئاغرىقى. نەزللىك زۇكام، غەيرى تەبىئىي سەۋدادىن بولغان يۈرەك رىتىمسىزلىقى، ئاشقازان كۆپۈش، غەيرى تەبىئىي سەپرادىن بولغان قۇسۇش قىزىتما، كۆڭۈل ئېلىشىش، كۆپ ئۇسساش، ئىشتىھاسىزلىق، داغ، سەپكۈن، دانىخورەك قاتارلىقلارغا ئىشلىتىلىدۇ.

ئۇيغۇر تېبابىتى خام دورىلار ئىلمى بىرىنچى توم (سىناق نۇسخا) شىنجاڭ تېببىي ئۇنىۋېرسىتېتى.^[0]