سېرىق بېھى

سېرىق بېھى سورتى ئاقسۇ رايۇنىدا كۆپىرەك ئۆستۈرىلىدۇ ، مېۋە شەكلى ئامۇت شەكلىدە بولغاچقا ، يەنە ئامۇت بېھى دەپمۇ ئاتايدۇ ، مېۋىسىنىڭ دىئامېتىرى cm 5.77 * 6.65 ، مېۋە پوستى سېرىق ، مېۋە يۈزىدە يۇمشاق تۈكچىلەر بار ، ساپىقىدىن ئاسان ئاجرىمايدۇ، 

 6 -8 يىلدا تولۇق مېۋىگە كىرىدۇ ، 14 يىل بولغان دەرەخنىڭ ئېگىزلىكى 4.6 مېتىر ، دەرەخ تاجى دىئامېتىرى 3.6 * 2.3 مېتىر كېلىدۇ. بىر يىلدا 62.9 سانتېمىتىر ئەتراپىدا ئۆسىدۇ . 

شەكلى ۋە تەمى 

بۇ خىل سورتنىڭ دەرەخ تاجىسىنىڭ شەكلى يۇمىلاق، نوتىلىرى قىزغۇچ سۆسۆن رەڭدە، تۈكچىلىرى بىرقەدەر شالاڭ، يوپۇرمىقى يۇمىلاق، چېچەك بىخلىرى كىچىك، شەكلى تۇخۇمسىمان بولىدۇ. مېۋە ئىتى سېرىق بولۇپ خۇشپۇراق، چۈرۈك، شىرنىلىك، تەمى چۈچۈمەل، تەركىبىدىكى ئېرىشچان ماددا، قىزغۇچ قوڭۇر رەڭدە بولىدۇ. بىر تال بېھىدىن ئوتتۇرا ھېساب بىلەن 25-26 تال ئۇرۇق چىقىدۇ. ^[0]