ئىت ئۈزۈمى

ئىت ئۈزۈمىئىت ئۈزۈمى بولسا  ئەنگورشىپانىڭ پىشقان مېۋىسى بۇلۇپ ، رەڭگى قارامتۇل قىزىل يـاكـى قـىـزغـۇچ يېشىـل رەڭـدە كـېـلـىـدۇ.پۇرىـقـى سۇس كېلـىـدۇ. تەمـى قېرىـق، شىنجاڭنىڭ ھەممە يېرىدىن چىقىدۇ. 

ياللۇغ قايتۇرۇش، ئىششىق ياندۇرۇش، غەيرى تەبىئىي قان ۋە سەپرا خىلتىـنـى، قـۇرۇق ئىسسىـق، ھـۆل ئىسسىق كەيپىياتنى تەڭشـەش، ئۇسسۇزلۇق ۋە ھارارەت پەسەيتىش، قان تازىلاش ۋە چوڭ تەرەتنى راۋان قىلىش خۇسۇسىيىتى بار.

خاس تەسىرى

غەيرى تەبىئى قان خىلىتىنى تەڭشىگۈچى دورا،

ئەكىس تەسىرى

ئاشقازانغا زىيان قىلىدۇ.

فارماكولوگىيلىك تەسىرى

 ئالكالوئىدلار قاندىكى قەنت ماددىسىنى ئۆرلىتىدۇ. مېۋىسى يۆتەل توختىتىش، بەلغەم بوشۇتۇش تەسىرىگە ئىگە.

مېۋىسـى ئالكالوئىـد يەنـى ئەنـگۇر شىـپـا ئىشقارى (Solanine)، سولاسوتىن (Solanine)، سولا مارگىن (Solanine) قاتارلىق كۆپ خىل ئالكالوئىتلار ۋە گىلىكوزىد شەكىللىرىمۇ بار. ئۇنىڭدىن باشقا (vitCa) لار ساپوتىن قاتارلىقلار بار.

ئىت ئۈزۈمى1. ئىت ئۈزۈمى5 گرام، ئىكىلىلمىلىك5 گرام، ئاق لەيلى ئۇرۇقى5 گرام، ھەمشىباھار ئۇرۇقى5 گرام دورىلارنى قائىدە بويىچە قايناتما تەييارلاپ بەرسە سۈيدۈك يولىدىكى ئىششىق، ياللۇغقا شىپا بولىدۇ. ئۇسسۇزلۇق پەسەيتىپ قىزىتما قايتۇرىدۇ.

2. كاكىنەچ، ئىت ئۈزۈمى، شاھەررە، ئوغرى تىكەن، تاۋۇز ئۇرۇقى10 گرامدىن ئېلىپ قاينىتىپ ئىچسە سۆزنەك ۋە سىزلامغا مەنپەئەت قىلىدۇ.

3. تەمىرى ھىندى10 گرام، ئەينۇلا، ئەنگور شىپا15 گرامدىن ئېلىپ قاينىتىپ ئىچسە گال ئاغرىقىغا مەنپەئەت قىلىدۇ.

4. ئىت ئۈزۈمى، قىزىل گۈل، ئەپتىمۇن10 گرامدىن ئېلىپ قاينىتىپ ئىچسە ئۈچەي ئىششىقىغا مەنپەئەت قىلىدۇ.

دورىلىق ئورنى

پىشقان مېۋە 

مىقدارى

5-7 گرامغىچە،

ساقلاش

 يىغىپ قۇرۇتۇپ ئىشلىتىلىدۇ.

تۈزەتكۈچىسى

پىننە بەدىيان، ھەسەل، شىكەر.

ئورۇنباسارى

كاكنەچ

جىگەر ياللۇغى، ئاشقازان ياللۇغى، ھەر خىل سۇلۇق ئىشـشـىق،  سـوزۇلـمـا كـانـاي يـالـلـۇغـى، ئۆتـكۈر بۆرەك ياللۇغى، گال ئاغرىقى، ئۈچەي ئىششىقى، قىچىشقاق، ئۆتكۈر قىزىتما، سەپراۋى تەپ، يۇقىرى قان بېسىم، سۆزنەك، سىزلام قاتارلىق كېسەللىكلەرگە ئىشلىتىلىدۇ.

كېلىش مەنبەسى (ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]