جۇڭگونىڭ دەسلەپكى كىتابلىرى

يېزىق شەكىللەنگەندىن كېيىن ،مەدەنىيەت تارقىتىش ئۈچۈن كىتابمۇ بارلىققا كەلدى. دەسلەپكى كىتاب شاڭ -جۇ دەۋرىدە بارلىققا كەلگەن بولۇپ، جيەنسې (تارىشا پۈتۈك ) دېيىلەتتى ،ھاىزىقى كىتابلار بىلەن تۈپتىن ئوخشىمايتتى. قەغەز ياساش تېخنىكىسى ئىجاد قىلىشتىن ئىلگىرى ، كىشىلەر بامبۇك ، ياغاچ ماتېرىياللىرىنى تار ،ئۇزۇن ، نېپىز ، پارچە قىلىپ يېرىپ ،قىرىپ ، سۈركەپ تەكشىلىگەندىن كېيىن موي قەلەم بىلەن خەت يازغان ئايرىم بامبۇك -ياغاچ پارچىسى <<جيەن>> دەپ ئاتالغان ؛ ئارغامچا بىلەن بىر قانچە بامبۇك ياكى ياغاچ پارچىلىرىنى چېتىپ بىرلەشتۈرگەندە بولسا ( تارىشا پۈتۈك ) دېيىلگەن . جيەنسې ئىنتايىن ئېغىر بولۇپ ، خەت يېزىشمۇ ئىلگىرى قۇرت يېيىش -چېرىشتىن ساقلىنىش ئۈچۈن ئوتقا قاقلاپ قۇرۇتۇلاتتى، ئاندىنقىلىناتتى ، يەنە خەت يازغاندا سىياھنىڭ بامبۇك پارچىسىغا ئورناپ قېلىشى ئۈچۈن بامبۇكنىڭ كۆك پوستىنى قىرىۋىتەتتى . كېيىن ، قەغەز مەيدانغا كېلىپ ،بارغانسېرى قەغەز كىتابلار جيەنسىنىڭ ئورنىنى ئالدى . جيەنسې كىتاب كېيىنكى كىتابلارغا بەلگىلىك تەسىر كۆرسەتتى . مەسىلەن بىر كىتابنى بىر توم دەپ ئاتىشىمىز جيەنسېي (策简)دىكى (策) دىن كەلگەن . ھازىرقى كىتابلارنىڭ مۇقاۋىلىرىمۇ قەدىمكى جيەنسېنىڭ ئۈستىدىكى كىتاب ياكى ئەسەر نامى يېزىلغان ئىككى بوش قالدۇرۇلغان بامبۇك پارچىسىدىن ئىبارەت ئۆزگىرىپ پەيدا بولغان .^[0]