يېڭىئۆستەڭ يېزىسى

يېڭىئۆستەڭ يېزىسىيېڭىئۆستەڭ يېزىسى شىنجاڭ ئۇيغۇر ئاپتونوم رايونى قەشقەر ۋىلايىتى كونا شەھەر ناھىيەسى قارمىقىدىكى يېزا-بازار دەرىجىلىك مەمۇرىي يېزا. ئورنى قەشقەر ۋىلايىتى كونا شەھەر ناھىيەسى شەرقى قىسمىدا. يېڭىئۆستەڭ يېزىسىنىڭ شەرقىي ئاققاش يېزىسى، غەرب تەرىپى قوغان يېزىسى، جەنۇبىي پاسىلى ياندۇما دەرياسى بىلەن يېڭىشەھەر ناھىيەسى ياندۇما يېزىسى، شىمالىي تەرىپى ئاۋات يېزىسى بىلەن قارىشىپ تۇرىدۇ. شەرق-غەرب ئارىلىقى 25 كىلومېتىر، جەنۇبتىن شىمالغا ئەڭ كەڭلىكى 15 كىلومېتىر، ئومۇمىي كۆلىمى 111.21 كۋادرات كىلومېتىر كېلىدۇ. يېزىلىق ھۆكۈمەتتىن ناھىيە بازىرىغىچە تۈز سىزىق ئارىلىقى 33 كىلومېتىر كېلىدۇ. يېڭى ئۆستەڭ يېزىسىغا قاراشلىق 19 كەنت ئاھالە كومىتېتى بار.

يېڭىئۆستەڭ يېزىسى 1953-يىلى تەشكىلي تۈزۈلۈشىنىڭ تەرەققىيات جەريانىدا ئاۋات رايون تەسىس قىلىنغان رايون، 1958-يىلى يېڭى ئۆستەڭ خەلق گۇڭشېسى قۇرۇلغان. 1975-يىلى قەشقەر شەھىرى باشقۇرۇش تەۋەلىكى ئۆتكۈزۈۋالغان. 1982-يىلى يەنە قەشقەر كونا شەھەر ناھىيەسىگە ئايرىلغان. 1984-يىلى يېڭىئۆستەڭ يېزىسى دەپ ئاتالغان.  

يېڭىئۆستەڭ يېزىسىيېڭى ئۆستەڭ يېزىسىغا قاراشلىق 19 كەنت ئاھالە كومىتېتى بار بۇلۇپ، ئۇلار: سەيپۇڭئېرىق كەنتى، توقايئېرىق كەنتى، دۆڭئېرىق كەنتى، خەزىنەبويى كەنتى، توقاي كەنتى، ھەرەمباغ كەنتى، گۇتسيا ئېرىق كەنتى، يىڭنەقاش كەنتى،  چېچەكلىك كەنتى، سوڭگۇلاج كەنتى، قاشبويى كەنتى، دۆڭكۆل كەنتى، لەڭگەر كەنتى، جىگدىلىك كەنتى، ئاۋات ئېرىق كەنتى، ئارامەھەللە كەنتى، يېڭىئېرىق كەنتى، ئوسمانتۇز كەنتى، بازار كەنتى قاتارلىقلار. كەنت ئاھالە گۇرۇپپىسى 138.  

يېڭىئۆستەڭ يېزىسى قىزىل دەرياسى تىنما تۈزلەڭلىكىگە جايلاشقان. دېڭىز يۈزىدىن ئېگىزلىكى 1250 مېتىر ئەتراپىدا، يەر شارائىتى غەربىي شىمالدىن شەرقىي جەنۇپقا قىيپاش كېلىدۇ. كۆپ يىللىق ئوتتۇرىچە ھاۋا تېمپېراتۇرىسى 12℃، قىروسىز مەزگىلى 217 كۈن. تۇپراقغەربىي قۇملۇق، شەرقىي تۇزلۇق، يەر ئاستى سۇ ئورنى يۇقىرى، شورلىشىش ئاپىتى ئېغىر. سۇ مەنبەسى بولسا تۈمەن دەرياسى.  

يېڭىئۆستەڭ يېزىسىدا ئىككى ئوتتۇرا مەكتەپ، 15 باشلانغۇچ مەكتەپ، ئوقۇتقۇچى، ئىشچى-خىزمەتچىلەر 239 ئادەم، ئوقۇغۇچىلار 6466 نەپەر. يېزىلىق مەدەنىيەت پونكىتىدا رادىئو ئۇزېلى، رادىئو پروگراممىسى، كىنو قويۇش ئەترىتى، دوختۇرخانا قاتارلىقلار بار. كەنت مەدەنىي كۆڭۈل ئېچىش ئۆيىدە تېلېۋىزور ئۆيى، كۇتۇپـخانا، تەنتەربىيە مەيدانى (تەنھەرىكەت مەيدانى)، ساقلىقنى ساقلاش پونكىتى قاتارلىقلار بار. يېزا بويىچە تېببىي خادىملاردىن 31 ئادەم، بۇنىڭ ئىچىدە دوختۇرلار 10 ئادەم، سېستىرا 12 ئادەم، 50 پارچە كارىۋات بار.^[0]