قارا كىشمىش ئۈزۈم

قارا كىشمىش ئۈزۈم ئاپتونۇم رايۇنىمىزنىڭ ئىلى رايۇنىدا ئۆستۈرۇلىدۇ ، يەنى « شىۋىرغان » دەپمۇ ئاتايدۇ . تۈپىنىڭ ئۆسۈشى ئوتتۇراھال كۈچلۈك ، مەھسۇلاتى يۇقىرى ، ئىلى رايۇنىدا 4 - ئاينىڭ ئاخىرلىرى بىخلىنىپ ، 6 - ئاينىڭ باشلىرى چېچەكلەيدۇ ، 9 - ئاينىڭ ئوتتۇرلىرى پىشىدۇ . 

يۇمران نوتىلىرى سۇس يېشىل رەڭدە ، تۈكچىلىرى ناھايىتى ئاز ، بىر يىللىق شاخچىلىرى سېرىق يېشىل بولۇپ ، پارقىراق ئەمەس ، بوغۇم ئارلىقى 10 سانتىمېتىر ، مېۋىسى ناھايىتى زىچ ھەم چىڭ ئورۇنلاشقان ، دانىسى تۇخۇم شەكىللىك ، ئوتتۇرىچە ئېغىرلىقى 2.19 گرام ، چوڭلىرى 3 گرام ، دىئامېتىرى 14 * 18 مىللىمېتىر كېلىدۇ ، مېۋە پوستى قارا سۆسۆن رەڭدە ، قېلىن ، يۇمشاق ، شىرنىلىك ، چۈچۈمەل ، قەنىت مىقدارى % 16 - 15 ، سۈپىتى ئەلا ، ئۇرۇقسىز . ^[0]