بوغۇم ئاغرىش

بوغۇم ئاغرىش ھەركەت ئەزا كېسەللىكلىرىدە ئەڭ كۆپ ئۇچرايدىغان ئالامەت بولۇپ ھەر خىل سەۋەبلەر تۈپەيلىدىن ئۇششاق- چوڭ بوغۇملاردا پەيدا بولغان يېقىمسىزلىنىشتىن ئىبارەت.بوغۇم ئاغرىشنىڭ سەۋەبى ۋە كېسەللىكنىڭ ئېغىر- يىنىكلىك دەرىجىسىگە ئاساسەن بوغۇم ئاغرىشنىڭ دەرىجىسىمۇ ئوخشاش بولمايدۇ.ئەرلەرگە قارىغاندا ئاياللاردا كۆپرەك كۆرلىدۇ. بوغۇم ئاغرىشنى كەلتۈرۈپ چىقىرىدىغان سەۋەپلەر ئىنتايىن كۆپ بولۇپ يىغىنچاقلىغاندا تۆۋەندىكى بىر قانچە سەۋەپتىن كېلىپ چىقىدۇ. ئۇيغۇر تېبابەت كلاسسىك ئەسەرلىرىدە « ۋەجئۇل مۇپاسىل » دىيىلىدۇ.

1. ئۆتكۈر سوغۇقلۇقنىڭ بوغۇملارغا تەسىر قىلىشىدىن كېلىپ چىقىدۇ.

1. ئۇپىنەتلەنگەن قان خىلىتىنىڭ بوغۇملارغا تەسىر قىلىشى بىلەن يەرلىك ئورۇندا كىسەللىك ئوچىغىنى شەكىللەندۈرۈپ بوغۇم ئاغرىشنى پەيدا قىلىدۇ.مەسىلەن: بوغۇم ياللۇغى ،بوغۇم سىلى، بوغۇم يىرىڭلىق ئىششىغى قاتارلىقلار.

 2. سەپرا خىلىتىنىڭ غەيرى تەبىئىي ئۆزگۈرىشىدىن بولۇپمۇ زەڭگار رەڭ سەپرا خىلىتىنىڭ تەسىرىدىن كىلىپ چىقىدۇ.

3. بەلغەم خىلىتىنىڭ غەيرى تەبىئىي ئۆزگۈرىشىدىن بولۇپمۇ بەلغەمى شورنىڭ بوغۇملارغا تەسىر قىلىشىدىن يەرلىك ئرۇننىڭ ماددا ئالماشتۇرىشى ۋە قان ئايلىنىشىنى ئاستىلىتىش نەتىجىسىدە بوغۇم ئاغرىشنى كەلتۈرۈپ چىقىرىدۇ.

4. سەۋدا خىلىتىنىڭ غەيرى تەبىئىي ئۆزگۈرىشىدىن بوغۇملاردا قېتىۋېلىشى بىلەن ھەركىتى توسقۇنلۇققا ئۇچراپ بوغۇم ئاغرىشنى كەلتۈرۈپ چىقىرىدۇ.

 5. ھەر خىل ئورۇلۇش ،سوقۇلۇش، بېسىلىش قاتارلىقلارنىڭ سەۋەبىدىن كىلىپ چىقىدۇ. كلىنىك ئىپادىسى يىنىك بولغانلاردا بولسا پەقەت بوغۇملاردا ئاغرىش، قىسمەن ھەركىتى توسقۇنلۇققا ئۇچراش ئالامىتى كۆرلىدۇ، ئېغىر بولغانلاردا بوغۇملاردا ئاغرىشتىن سىرت بوغۇملار قىزىرىش، قىززىش، ئىششىش، ھەركىتى توسقۇنلۇققا ئۇچراش، بەدەن تىمپۇراتۇرسى يۇقۇرى ئۆرلەش، يەرلىك ئورۇننى باسقاندا ئاغرىش قاتارلىق ئالامەتلەر كۆرلىدۇ،ھەتتا پۈتۈنلەي ھەركەت قىلالمايدىغان بولۇپ قالىدۇ. قان خىلىتى ۋە سەپرا خىلىتىنىڭ غەيرى تەبىئى ئۆزگۈرىشىدىن بولغاندا ئاغرىش چوقۇلۇپ ئاغرىش ياكى سانچىلىپ ئاغرىش خاراكتىردە بولىدۇ،ئىششىش، قىززىش ئېغىرراق بولىدۇ. بەلغەم ۋە سەۋدا خىلىتىنىڭ غەيرى تەبىئى ئۆزگۈرىشىدىن بولسا لوقۇلداپ ئاغرىش بولىدۇ، قىززىش ئانچە ئېغىر بولمايدۇ.شەكلى غەيرى بولۇپ قالىدۇ.

بوغۇم ئاغرىش 1. بوغـۇم ئاغرىـش بىـلەن قىززىش قوشۇلۇپ كىلىـدۇ. مەسـىـلـەن: ئۆتـكۈر قىزىتمىلىق،سىل خاراكتىرلىق كىسەللىكلەر، بوغۇم ياللۇغى، بوغۇم يىرىڭلىق ئىششىقى، بوغۇم سىلى قاتارلىقلار.

 2. بوغۇم ئاغرىش بىلەن بوغۇملاردا ئىششىش، قىزىرىش قوشۇلۇپ كىلىدۇ. مەسىلەن: مۇپاسىل، نۇقرەس قاتارلىقلار.

 3. بوغۇم ئاغرىش بىلەن بوغۇم ھەركىتى توسقۇنلۇققا ئۇچراش قوشۇلۇپ كىلىدۇ. مەسىلەن : ھەر خىل سۇنۇق، چىقۇق، بوغۇملار قېتىۋېلىش قاتارلىقلار. سوراپ تەكشۈرۈش بوغۇم ئاغرىشنىڭ پەيدا بولۇش ۋاقتى، ئورنى، داۋاملىشىش ۋاقتى، ئېغىر – يىنىكلىك دەرىجىسى، تارقاش ئورنى، خاراكتىرى، ئاغرىشنىڭ ھەركەت بىلەن بولغان مۇناسىۋىتى، ئاغرىشنى كۈچەيتكۈچى ۋە پەسەيتكۈچى ئامىللار، قوشۇمچە ئالامەتلەر قاتارلىقلارنى سوراپ تەكشۈرۈش لازىم.^[0]