كۆكيار ئېكولوگىيەلىك مەنزىرە رايونى

كۆكيار ئېكولوگىيەلىك مەنزىرە رايونى1986-يىلىدىن باشلاپ ھەر مىللەت شەھەر ئاھالىسى، ئورگان كادىرلىرى، ئىشچىلار، ئوقۇغۇچىلار ۋە تۇرۇشلۇق ئوفىتسېر-ئەسكەرلەر، ئومۇمىي خەلقنىڭ كەڭ كۆلەملىك كۆچەت تىكىش ئەمگىكى ئارقىلىق، جەمئىي 800 مىڭ ئەمگەك كۈچى  22 يىل سەرپ قىلىنغان، ھەر خىل دەرەخلەردىن 2 مىليون 600 مىڭ تۈپ تىكىلىپ، ئۇمۇمىي كۆلىمى 40 مىڭ مو يەردە ئورمان بىنا قىلىنغان. مەڭگۈلۈك چۆل-باياۋان، بىپايان شورلۇقلاردىن يېشىل سەددىچىن سېپىلى يېتىشتۈرۈپ چىقىلغان. قۇم بوران ئاپىتى زور دەرىجىدە ئازايتىلىپ، ئېكولوگىيەلىك مۇھىتى ياخشىلانغان شەھەر بارپا قىلىنغان. 

كۆكيار ئېكولوگىيەلىك مەنزىرە رايونى 1996-يىلى بىرلەشكەن دۆلەتلەر تەشكىلاتى مۇھىت بايلىقى كومىتېتى تەرىپىدىن «يەر شارى بويىچە 500 گۈزەل مەنزىرە» نىڭ بىرى قىلىنغان.

مەنزىرە رايونىدا 25 كىلومېتىر ئۇزۇنلۇقتا، 300 مېتىر كەڭلىكتە سۈنئىي ئىھاتە ئورمىنى ئاساس قىلىنغان؛ مەنزىرە رايونى ئىچىدە ياپيېشىل دەرەخلەر سايە تاشلاپ، قۇشلار يېقىملىق سايراپ تۇرغان بۇلۇپ، كۆك ئاسمان ئاستىدا كۆكيار روھىنىڭ سىمۋولى بولغان بىنەم بوز يەرلەر قەد كۆتۈرۈپ تۇرىدۇ؛ مەنزىرە رايونىدا يەنە گىرەلىشىپ كەتكەن مەھەللە، ئۈزۈم بارىڭى، شۇنىڭدەك كۆچەتخانا، مېۋىلىك باغلارغا تەبىئەت ۋە مەدەنىيەت مەزمۇنى چوڭقۇر سىڭگەن بۇلۇپ، مەنزىرە سىرتىدىكى بىپايان قاقاسلىق بىلەن روشەن سېلىشتۇرما بولغان.^[0]