iPad

ئەنگلىيەدە تۇغۇلغان جوناسىن ئايۋ (Jonathan Ive) باشچىلىقىدىكى گۇرۇپپا لايىھەلىگەن بۇ سىپتا، نېپىز مەھسۇلات، ئايۋنىڭ گېرمانىيەلىك لايىھە ماھىرى دىتىر رەمس (Dieter Rams)قا بولغان چوڭقۇر ھۆرمىتىنى ئىپادىلىگەن.

ARM قۇرۇلمىلىق بولغاچقا، ئادەتتىكى PC ۋە خاتىرە كومپيۇتېر پىروگراممىلىرى بىلەن سىغىشالمايدۇ، Apple تەمىنلىگەن iWork يۈرۈشلۈكى بىلەن خىزمەت قىلغىلى، iOS ئۈچىنچى تەرەپ دېتاللىرى بىلەن Office ۋە PDF ھۆججەتلىرىنى تەھرىرلىگىلى ھەم ئوقۇغىلى بولىدۇ.

2000-يىلىلا، "iPad" ئالمىنىڭ ئىچكى قىسمىدا ناھايىتى مۇھىم تۈر قاتارىغا كىرىپ بولغان، دەسلەپتە كۆپ نۇقتىلىق چەكمە تەتقىقاتى ھېسابىدا مەخپىي تۈر بولغان، جوبىسمۇ بۇ تۈرگە ناھايىتى كۆڭۈل بۆلگەن.

2010-يىلى 3-ئايدا، بىرىنچى ئەۋلاد iPad رەسمىي ئېلان قىلىنغان. ئەڭ دەسلەپكى نۇسخىدىن بازارغا سېلىنغىچە، iPad ئون يىللىق مۇساپىنى بېسىپ ئۆتكەن.

iPad

2010-يىلى 1-ئاينىڭ 27-كۈنى ئامېرىكىنىڭ سان فىرانسىسكودىكى يەربا بيۇنا سەنئەت مەركىزىدە ئۆتكۈزۈلگەن ئالما شىركىتىنىڭ مەھسۇلات ئېلان قىلىش يىغىنىدا ئېلان قىلىنغان.

iPad 2

2011-يىلى 3-ئاينىڭ 3-كۈنى ئېلان قىلىنىپ، 3-ئاينىڭ 11-كۈنى ئامېرىكىدا بازارغا سېلىنغان.

The new iPad

2012-يىلى 3-ئاينىڭ 8-كۈنى ئېلان قىلىنغان.

iPad display

تولۇق نامى iPad with Retina display 2012 2012-يىلى 10-ئاينىڭ 24-كۈنى ئېلان قىلىنغان.

iPad Mini

2012-يىلى 10-ئاينىڭ 23-كۈنى ئېلان قىلىنغان بولۇپ، iPad يۈرۈشلۈكى ئىچىدىكى تۇنجى 7.9 دىيۇم ئېكران سەپلەنگەن، تېخىمۇ ئەپلىك نۇسخىسى.

iPad Air

2013-يىلى 10-ئاينىڭ 23-كۈنى ئېلان قىلىنغان، 9.7 دىيۇم ئېكرانلىق، تېخىمۇ يېنىك، نېپىز.

iPad Mini 2

2013-يىلى 10-ئاينىڭ 22-كۈنى ئېلان قىلىنغان.

iPad Air 2

ئۈرۈمچى ۋاقتى 2014-يىلى 10-ئاينىڭ 17-كۈنى سەھەر سائەت 1دە، ئالما شىركىتى كالىفورنىيەدىكى باش ئىشتابىدا «ئۇزۇن بولدى» تېمىسىدىكى يېڭى مەھسۇلات ئېلان قىلىش يىغىنىدا ئاشكارىلىدى.

iPad mini 3

2014-يىلى 10-ئاينىڭ 16-كۈنى چۈشتىن كېيىن 1دە ئېلان قىلىنغان.

iPad Pro

2015-يىلى 9-ئاينىڭ 10-كۈنى ئېلان قىلغان.

iPad mini 4

2015-يىلى 9-ئاينىڭ 10-كۈنى ئېلان قىلىنغان.

9.7 دىيۇملۇق iPad Pro

2016-يىلى 3-ئاينىڭ 21-كۈنى ئېلان قىلىنغان.

The New iPad تىن كېيىن، تۆتىنچى ئەۋلاد iPad ۋە iPad Air لارغا Retina ئېكرانى سەپلەندى. بۇ ئېكران كۆچمە ئۈسكۈنىلەردىكى ئەڭ ئىلغار ئېكران بولۇپ، 3100000 پېكسېللىق. 

iPad تە يەنە ئېسىل ئۈن-سىن ئىقتىدارى بار. iPad سىن قويۇش ئىقتىدارى جەھەتتە ئالدىنقى قاتارنى ساقلاپ كەلمەكتە. iPad ھازىر مودا بولۇۋاتقان 1280 * 720 لىق، ھەتتا 1920 * 1080لىق تولۇق سۈزۈك ھالەتنى پۈتۈنلەي قوللايدۇ.ئالمىنىڭ سىنغا بولغان ئۆلچىمى ناھايىتى قاتتىق، تەلەپكە ئۇيغۇن بولمىغان سىنلارنى iP.adكە قەدەمداشلىغىلى بولمايدۇ، دېمەك مەخسۇس ئايلاندۇرغۇچ بىلەن iPad قوللايدىغان فورماتقا ئايلاندۇرغاندىن كېيىن قەدەمداشلىغىلى بولىدۇ.

Safari : بارماقلىرىڭىز بىلەن نۇرغۇن قولاي مەشغۇلاتلارنى قىلغىلى بولىدىغان ئېسىل زىيارەتچى.

ئېلخەت : چېكىم بىلەن ئېلخەت مەشغۇلاتى قىلغىلى بولىدۇ، نۇرغۇن ئېلخەت قوشۇمچىلىرىنى قوللايدۇ، مەسىلەن: .doc, .docx, .pdf, .ppt....

رەسىم : بارماقلىرىڭىز بىلەن رەسىملەرنى چوڭايتىپ كىچىكلەتكىلى، ئالبوم ھالەتتە كۆرگىلى ۋە ئاددىي تەھرىرلىگىلى بولىدۇ.

سىن : نۇرغۇن سىنلارنى كۆرگىلى بولىدۇ، تىك تۈز ھالەتكە ناھايىتى ئەركىن ئالمىشالايدۇ.

ئويۇن : چېكىم ۋە ئېغىرلىق سېزىم ئىقتىدارى بىلەن لايىھەلەنگەن نادىر ئويۇنلار سىزنى بەك جەلپ قىلىدۇ.

خاتىرە : iPad ئىچىدىن ۋە سىرتتىن توپلىغان ئۇچۇرلارنى ساقلىيالايسىز.

ناخشا-مۇزىكا : iPad نىڭ سىستېما تەمىنلىگەن مۇزىكا ئەپىنىڭ ئۆزىگە خاس بولغان مۇزىكا دېتالى ئىكەنلىكىنى بايقايسىز.

iTunes بازىرى : iTunes Store سىنبەلگىسىنى چېكىپ، ناخشا-مۇزىكا، كىنو، تىياتىر، قىسقا فىلىم قاتارلىقلارنى سېتىۋېلىپ كۆرەلەيسىز.

App Store : iPadتە 400 مىڭدىن ئارتۇق دېتالنى ئىجرا قىلغىلى بولىدۇ، بۇنىڭدىن100 مىڭدىن ئارتۇقى iPadكە خاس دېتاللار.

iBooks : ئېلكىتاب سېتىۋېلىپ ئوقۇيدىغان قولايلىق دېتال.

iWork : بۇ خۇددى مىكروسوفتنىڭ ئىشخانا دېتال يۈرۈشلۈكى بولغان Office دېتاللىرىغا ئوخشاش دېتال بولۇپ، iPadنى خىزمەتكە قولايلاشتۇرغان.

خەرىتە: يول باشلاش، زىيارەت قىلىش، يېقىننى ئىزدەش قاتارلىق ئىقتىدارلىرى بار بۇ خەرىتە بەك ياخشى ياردەمچى.

...

ئارتۇقچىلىقى

كىرگۈزۈش شەكلى كۆپ خىل، ئېلىۋېلىشقا ئەپلىك iPad كۇنۇپكا تاختىسى ۋە مائۇسنىڭ مۇقىم كىرگۈزۈش چەكلىمىسىگە ئۇچرىمىغاچقا، بارماقچە يېزىپ، چېكىپ مەشغۇلات قىلالايمىز، ئۆرە تۇرۇپ، مېڭىۋېتىپمۇ ئىشلەتكىلى بولىدۇ. تېخىمۇ نېپىز ھەم سىپتا.

توكى ئۇدا 10 سائەت يېتىدۇ، شۇڭا ئىنتايىن خاتىرجەملىك بېرىدۇ. كىتاب ئوقۇشقا، كىنو كۆرۈشكە ئىنتايىن ماس كېلىدۇ. سىمسىز تورغا ئۇلىنىشى ئىنتايىن تېز، مۇقىم، بىخەتەر، زىيارەت قولاي، ئەركىن.

كەمچىلىكى

ئامېرىكىدىكى داڭلىق IT ژۇرنىلى «ئۇلىنىش»تا iPadنىڭ 10 ئاجىزلىقى ئېلان قىلىنغان: Flash قوللىمايدۇ، OLED ئېكران، USB ئېغىز، GPSلار يوق، كۆپ ۋەزىپە قوللىمايدۇ، كونۇپكا تاختىسى، كامېراسى يوق، verizon كۆچمە بازىرىنى ئىشلەتمىگەن، ئېكرانى 16:9لىك ئەمەس، سۈزۈك مېدىيا ئېغىزى يوق.