قانىسە

قانىسە  بولسا ئۆي توخۇسىنىڭ تاشلىق خالتىسىنىڭ يۇيۇپ تازىلاپ قۇرۇتۇلغان ئىچكى پەردىسى بولۇپ،  بۇ ئادەتتە «توخۇ تاشلىقى پوستى» ياكى «قانىسە» نامىدا دورىغا ئىشلىتىلىدۇ، قانىسە  بولسا  قىرغاۋۇل ئائىلىسىدىكى ھايۋانات بۇلۇپ،ئۆلچەمسىز سوقىچاق شەكىللىك پۈرمە سىزىقچىلىرى بار، سىرتقى يۈزى سارغۇچ قوڭۇررەڭدە،تەمى ئاچچىق، ئازراق پۇراقلىق،شىنجاڭ ئۇيغۇر ئاپتونوم رايونىنىڭ ھەممە جايلىرىدىن چىقىدۇ.

خاس تەسىرى

ئاشقازان-ئۈچەينى قۇۋۋەتلىگۈچى دورا

ئەكىس تەسىرى

ئۈچەيگە قۇرۇقلۇق يەتكۈزىدۇ.

فارماكولوگىيىلىك تەسىرى

ئاشقازان سۇيۇقلۇقى مىقدارى، كىسلاتالىق دەرىجىسى ۋە ھەزىم قىلىش كۈچىنى ئاشۇرىدۇ.

ئۈنۈملۈك تەركىبى

ۋىنتسۇلىن بىلەن ئاقسىلدىن تەركىب تاپقان

 دورىلىق ئورنى

ئۆي توخۇسىنىڭ تاشلىق خالتىسىنىڭ يۇيۇپ تازىلاپ قۇرۇتۇلغان ئىچكى پەردىسى.

مىقدارى

12 ~ 4 گرام

ساقلاش

توخۇنى ئۆلتۈرۈپ، تاشلىقىنى ئېلىپ، تازىلاپ يۇيۇپ، ئىچكى پەردىسى سۇيۇپ ئېلىپ، قۇرۇتۇپ ساقلىنىدۇ.

تۈزەتكۈچىسى

كەتىرا، بادام يېغى

ئورۇنباسارى

ئۆردەك تاشلىقى پوستى

مەجۇنى قانىسە، سۇپۇپى قانىسە 

1. قانىسە، قاقىلە، بادىيان، كەشنىيىز 10 گرامدىن، ناۋات 50 گرام ئېلىپ سۇپۇپ تەييارلاپ ئىستېمال قىلسا ئاشقازان قۇۋۋەتلەشكە مەنپەئەت قىلىدۇ.

2. ئاقمۇچ، قانىسە، زىرە، بەدىيان، پىننە 10 گرامدىن قائىدە بويىچە سۇپۇپ قىلىپ ئىچسە، ئاشقازان مەنبەلىك ئىچى سۈرۈشكە مەنپەئەت قىلىدۇ.

3. قانىسەنى مۇۋاپىق مىقداردا ئېلىپ، سوقۇپ كىچىك بالىلارغا ئىچۈرسە، ھەزىم بۇزۇلۇش ۋە سىيگەكلىككە مەنپەئەت قىلىدۇ.

4. بەدىيان، قانىسە، بەسباسە، پىننە 10 گرامدىن، مەستىكى رۇمى 7 گرام قائىدە بويىچە چايلىق تەييارلاپ ئىچسە، ئىشتىھانى ئاچىدۇ

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]