شىنخۇ يېزىسى

شىنخۇ يېزىسىشىنخۇ يېزىسى، شىنجاڭ ئۇيغۇر ئاپتونوم رايونى سانجى خۇيزۇ ئاپتونوم ئوبلاستى مورى قازاق ئاپتونوم ناھىيەسى، مورى بازىرىنىڭ شىمالىغا ئىككى كىلومېتىر كېلىدىغان جايغا جايلاشقان. شەرقىي بەيياڭخې دەرياسى بىلەن چېگرالانغان، غەربىي جاۋبىشەن چۆلى بىلەن قوشنا، جەنۇبىي ناھىيە بازىرىغا تۇتاشقان، شىمالىي يۇلغۇن قۇدۇققىچە. ئومۇمىي كۆلىمى 361 كۋادرات كىلومېتىر.

شىنخۇ يېزىسىدا خەنزۇ، قازاق، ئۇيغۇرلارنى ئاساس قىلغان سەككىز مىللەت توپلىشىپ ئولتۇراقلاشقان، 2017 ئائىلىلىك بار، ئومۇمىي نوپۇسى 8613 ئادەم. بۇلار ئىچىدە، ئاز سانلىق مىللەتلەر 615 ئادەم، ئومۇمىي نوپۇسنىڭ %7.1 نى ئىگەللىگەن.

شىنخۇ يېزىسىنىڭ تېرىلغۇ يەر كۆلىمى 103 مىڭ مو، يىللىق ئەمەلىي تېرىلغۇ يەر كۆلىمى 90 مىڭ مو ئەتراپىدا بولۇپ، ھەممىسى سۇلۇق يەر، سۇ مەنبەسى ئاساسلىقى لۇڭۋاڭمياۋ سۇ ئامبىرىدىن كەلگەن.

ئاساسلىق دېھقانچىلىق زىرائەتلىرى كۈزگى بۇغداي، يازغى بۇغداي، قوناق، پۇرچاق، گازىر تاۋۇز، قىزىلگۈل، قىچا قاتارلىقلار. مورى ناھىيەسىنىڭ تېرىقچىلىق چوڭ يېزىسى.

شىنخۇ يېزىسى ناھىيەلىك پارتىكوم، ناھىيىلىك خەلق ھۆكۈمىتىنىڭ توغرا رەھبەرلىكىدە «تېرىقچىلىقنى ئاساس، چارۋىچىلىقنى تۈۋرۈك، ئەسلىھەلىك يېزا ئىگىلىكىنى مۇھىم نۇقتا، تۈر قۇرۇلۇشىنى ئاچقۇچ، ئەمگەك كۈچلىرىنى يۆتكەشنى قوشۇمچە قىلىش» تەرەققىيات پىكىر يولىدا چىڭ تۇرۇپ، ئىقتىساد ۋە تۈرلۈك ئىجتىمائىي ئىشلىرى پۇختا قەدەم بىلەن راۋاجلانغان.

2007-يىلىغا قەدەر، يېزا بويىچە يېزا ئىقتىسادىنى ئومۇمىي كىرىمى 86 مىليون 270 مىڭ يۈەن بولۇپ، 2006-يىلىدىكىدىن %9 ئاشقان، پۈتۈن يېزىدىكى دېھقان-چارۋىچىلارنىڭ ئوتتۇرىچە كىرىمى 4663 يۈەنگە يەتكەن.

شىنخۇ يېزىسى قارمىقىدا: شىنخۇ كەنتى، تۇچى كەنتى، سەنچى كەنتى، خوسجاڭ كەنتى، شىنگۇ كەنتى قاتارلىق 5 كەنت ئاھالە كومىتېتى بار.^[0]