سالاجىت

سالاجىت بولسا ئېگىزلىكى 10 ~ 20 مېتىر ئەتراپىدا بولىدىغان، يوپۇرماقلىرى نۆۋەتلىشىپ ئۆسىدىغان غوللۇق بىر خىل دەرەختىن ئېقىپ چىقىدىغان يىلىم دورا بولۇپ، پۇرىقى سۇس، رەڭگى قارا، تەمى بىر ئاز ئاچچىق كېلىدۇ .لائوس، ۋېيتنام، تايلاند قاتارلىق ئەللەردىن چىقىدۇ.

تەبىئەتنى قۇۋۋەتلەش، زەھەر قايتۇرۇش، خىلىتلارنىڭ بۇزۇلۇشىنى توسۇش، نەپەس يوللىرىنى راۋانلاشتۇرۇش، يۆتەل پەسەيتىش، يەل ھەيدەش، مەنىي ۋە سۈيدۈكنى تۇتۇش، باھنى قۇۋۋەتلەش، سۈيدۈك يوللىرىدىكى تاشنى ئېزىپ چىقىرىش، ئىچ سۈرۈشنى توختىتىش ۋە بارلىق ئەزالارغا قۇۋۋەت بېرىش، كۆڭۈلنى كۆتۈرۈش خۇسۇسىيىتىگە ئىگە.

ئەكىس تەسىرى

ئىسسىقچان كىشىلەرنىڭ بېشىنى ئاغرىتىدۇ.

فارماكولوگىيىلىك تەسىرى

جاراھەتلەرنى پۈتتۈرۈش تەسىرى بار.

ئاساسلىق تەركىبى سىمۇلادىن ئىبارەت، سىمۇلا بولسا سۇمارىسنوك كىسلاتاسى ۋە كونقىر يىلىمىدىن تەركىب تاپقان.

1. كۈندۈر، مەستىكىدىن 10 گرام، تۇخۇم سېرىقىدىن 2 دانە، سالاجىتتىن 5 گرام ئېلىپ، قائىدە بويىچە سۇپۇپ تەييارلاپ يېسە، بالدۇر مەنىي يۈرۈپ كېتىشكە مەنپەئەت قىلىدۇ. 2. ئەرەب يېلىمىدىن 5 گرام، رۇببۇسۇس، زۇپادىن 7 گرام، سالاجىتتىن 3 گرام ئېلىپ، قائىدە بويىچە قاينىتىپ ئىچسە، يۆتەل ۋە كاناي ياللۇغىغا مەنپەئەت قىلىدۇ. 3. پىننە، بادىيان، ئوغرىتىكەندىن 7 گرامدىن، سالاجىتتىن 5 گرام ئېلىپ، چايلىق تەييارلاپ بەرسە، سوغۇق يەللەرنى تارقىتىدۇ.

ئىشلىتىلىشى

زەھەرلىنىش، يۆتەل، كاناي ياللۇغى، قورساق ئېسىلىش، باھ ئاجىزلىقى، مەنىي ۋە سۈيدۈك تۇتالماسلىق، سۈيدۈك يوللىرىغا تاش پەيدا بولۇش، ئىچى سۈرۈش قاتارلىقلارغا ئىشلىتىلىدۇ.

مىقدارى

3~5 گرامغىچە

تۈزەتكۈچىسى

ئەينۇلا، قارىئۆرۈك.

ئورۇنباسارى

كۈندۈر.

مەجۈنى سالاجىت، ھەببى سالاجىت.

^[0]