بىنەپشە

غەيرى تەبىئىي سەپرا خىلتنى پوشۇرۇش، قىزىتما قايتۇرۇش، سەپرا ۋە قاننىڭ ھارارىتىنى پەسەيتىش، سۈرۈش، ئىششق قايتۇرۇش، تەرەتنى راۋانلاشتۇرۇش، مېڭىگە ھۆللۈك يەتكۈزۈش، ئۇيقۇ كەلتۈرۈش، ياللۇغ قايتۇرۇش، سۈيدۈك ھەيدەش، كۆكرەكنى سىلىقلاشتۇرۇش قاتارلىق خۇسۇسىيىتى بار.

ئائىلىسى

بىنەپشە ئائىلىسىدىكى كۆپ يىللىق سامان غوللۇق ئۆسۈملۈك 

ۋەكىل خاراكتېرلىك پىششىق دورا ياسالمىسى

ھەببى بىنەپشە، خىمىر بىنەپشە.

تەركىبىدە ئۇچۇچان ماي، فىلاۋونىلا (Fiavonoid)، ئامىنو كىسلاتاسى (Amino acid)،ئالكالوئىدلار (Alka Loid) ۋە شىلىمشىق ماددىلارنى تۇتىدۇ.

فارماكولوگىيىلىك تەسىرى

چىلانمىسى قىزىتما قايتۇرىدۇ. ئېرىتمىسى تېنچلاندۇرىدۇ.

خاس تەسىرى

غەيرى تەبىئى سەپرا خىلىتىنى پىشۇرغۇچى دورا.

ئەكىس تەسىرى

ئاشقازاننى سوۋۇتۇپ ھۆللۈكنى ئاشۇرىۋېتىدۇ.

1. بىنەپشە، چىلان، گۈلقەنت، تەمىرى ھىندى، ئەينۇلا قاتارلىقلاردىن15 گرامدىن ئېلىپ دەملەپ ئىچسە ئىسسىقتىن بولغان زۇكامغا مەنپەئەت قىلىدۇ.

2. بىنەپشە، چىلان، سەرىپىستان، ئاق لەيلى ئۇرۇقى، ھەمشىباھار ئۇرۇقى قىزىل گۈل قاتارلىقلاردـىن10 گـرامدىـن ئېلـىـپ دەمـلـەپ ئىچسە ئۆپكـە ئىششىقىغا مەنپەئەت قىلىدۇ.

3. بىنەپشە،مامىكاپ، ئوسما يوپۇرمىقى، ئوسما يىلتىزى، ئاق لەيلى گۈلى قاتارلىقلاردىن7 گرامدىن ئېلىپ ئېزىپ يەرلىك ئورۇنغا زىمات قىلسا ئۆتكۈر يىرىڭلىق ئىششىقلارغا مەنپەئەت قىلىدۇ.

4. بىنەپشە، ئارپا، ئەينۇلا قاتارلىقلاردىن مۇۋاپىق مىقداردا ئېلىپ قاينىتىپ ئىچسە دەم سىقىلىش، ئېغـىـزى قۇرۇپ كۆڭـۈل ئېلىشىـش، يۈرەك چـالاڭغۇراش قاتارلـىـقلارغا مەنپەئەت قىلىدۇ.

5. بىنەپشىدىن مۇۋاپىق مىقداردا ئېلىپ قاينىتىپ سۈيىنى ئىستېمال قىلدۇرسا بالىلاردىكى كۆك يۆتەلگە مەنپەئەت قىلىدۇ. قىزىتما، زۇكام كۆكرەك ئاغرىشلارغا مەنپەئەت قىلىدۇ.

يىغىش

8-،9-ئايـلاردا پۈتـۈن چـۆپنـى ئـوراپ يىغىـۋېلـىندۇ

ساقلاش 

 قـورۇتـۇپ ئىشلىتىلىدۇ.

قىزىتما، زۇكام، نەزلە، كۆكرەك پەردە ياللۇغى، يۆتەل، ئۇسسۇزلۇق ، سۈيدۈك تۇتۇلۇش، بۆرەك ئاغرىقى، گال قۇرۇش، قان قويۇلۇش، يۈرەك ئاجىزلىقى، ئۆپكە ياللۇغى، كۆز قاراـڭغـۇلـۇشۇش، ئىسسىقتىن بولـغـان بـاش ئاغرىقى، قـەۋزىيـەت قـاتـارلىقلارغا ئىشلىتىلىدۇ.^[0]