ياۋا بۆلجۈرگەن

شىنجاڭ ياۋا بۆلجۈرگىنى ئورمان بۆلجۈرگىنى ۋە يېشىل بۆلجۈرگەن دەپ ئىككى خىل بولىدۇ .

ئورمان بۆلجۈرگەن 

ياۋا بۆلجۈرگەنئورمان بۆلجۈرگىنىنىڭ ئېگىزلىكى 5 - 30 سانتىمېتىر كېلىدۇ ، غولىدا تۈكچىلىرى بولىدۇ ، گۈلى ئاق شىرنىلىك ، مېۋىسى تۇخۇم شەكىللىك بولۇپ ، ئوتتۇرىچە ئېغىرلىقى 0.34 گرام كېلىدۇ ، رەڭگى قىزىل ، قەنت مىقدارى % 7.87 ، ۋىتامىن C مىقدارى ھەر 100 گرامدا 24.2 مىللىگرام بولىدۇ . 

يېشىل بۆلجۈرگەن

يېشىل بۆلجۈرگەننىڭ ئېگىزلىكى 20 سانتىمېتىر ، گۈل رىتى چەكلىك كۈنلۈكسىمان ، گۈل رىتى ، 2 -5 گۈلى بار ، رەڭگى ئاق سېرىق ، مېۋىسى يۇمىلاق ، مېۋە تۈۋى يېشىل ياكى ئاق ، تۇمشۇقى قىزىل رەڭدە بولىدۇ.

ئىستېمال قىممىتى

يوپۇرمىقىنى دورىلىق ئۆسۈملۈكلەر چاي دەملەپ بىللە ئىچسە ئىچى سۈرۈشنى توختىتىدۇ، مېۋىسىنى تۆمۈر ماددىسىنى تولۇقلايدۇ، بۆلجۈرگەننىڭ ئوزۇقلۇق تەركىبى ، كۆپ خىل ئۈنۈملۈك تەركىبى مول، ياۋا بۆلجۈرگەن تەركىبىدە يەنە مول بولغان ۋىتامىن B 1 ،B 2 ، كالتسىي ، كالىي ، سىنىك قاتارلىق ئادەم بەدىنى زۆرۈر ئېھتىياجلىق بولغان مىنېرال ماددىلار بار .

ياۋا بۆلجۈرگەن بۇنىڭدىن باشقا يەنە ئاشقازان ياللۇغى پەسەيتىش ، جىگەر ياللۇغى ، چىش تېشى ياكى چىش سېرىق دېغىنى يوقىتىدۇ. 

دورىلىق قىممىتى

مېدىتسىنادا بۆلجۈرگەننىڭ ئىنتايىن زور دورىلىق قىممىتى بولۇپ ، ئۇنىڭ تەمى تاتلىق ، تەبىئىتى سوغۇق ، يۆتەلنى توختىتىش ، ئىسسىقنى قايتۇرۇش، ھۆللۈك پەيدا قىلىش ، تالنى ساغلاملاشتۇرۇپ ئاشقازاننى ئوزۇقلاندۇرغۇچى قان تولۇقلاش قاتارلىق ئىقتىدارلارغا ئىگە . مېدىتسىنا تەتقىقاتىدىن مەلۇم بولۇشىچە ياۋا بۆلجۈرگەن تاجسىمان ئارتېرىيەلىك يۈرەك كېسەللىكىنىڭ ئالدىنى ئېلىش ۋە ئۇنى داۋالاش ، مېڭىگە قان چۈشۈش ۋە ئارتېرىيە بوتقىسىمان قېتىش قاتارلىق كېسەللىك ئالامەتلىرىگە ناھايىتى چوڭ رولى بار .

سۈيدۈكنى راۋانلاشتۇرۇش ، جىگەر ، ئاشقازان، بۆرەك فۇنكىسىيەسىنىڭ راۋان بولماسلىقىنى تەڭشەش ، ئىچ سۈرۈش ،دوۋساق يەللىكى ، رېماتىزم ، قان ئازلىق كېسىلى قاتارلىقلارغا مەنپەئەت قىلىدۇ.

جىلىن، شەنشى ، گەنسۇ ، ﺷﯩﻨﺠﺎﯓ ، سىچۈەن ، يۈننەن ، گۇيجۇ ، جېجىياڭ ، گۇاڭشى ، گۇاڭدۇڭنىڭ شىمالىي مۆتىدىل بەلباغ رايۇنلىرىغىمۇ كەڭ تارقالغان ، ياۋرۇپا ، شىمالىي ئامېرىكا قىتئەسى ، كورىيە قاتارلىق دۆلەتلەرگىمۇ بار . فۇجيەن قاتارلىق جايلىرىدا، شىنجاڭنىڭ  ئاساسەن تەڭرىتاغلىرى ، ئالتاي تاغلىرىنىڭ يان باغرىدا ، يايلاقلار ، دەريا بويلىرى ۋە ئورمانلاردىكى ئوت -چۆپلەر ئارىسىدا ئۆسىدۇ .^[1][0]