كۈندۈر

كۈندۈر دەرىخىنىڭ ئېقىپ چۈشىدىغان يىلىمى

دورىلىق ئورنى

يىلىمى

ئۈنۈملۈك تەركىبى

تەركىـىـىـدە سىمـۇلا (rasin)  , %60~%70 گـىـچـە، دەرەخ يىلىمى %27~%35 گىچە، ئۇچۇچان ماي %3~%8 گىچە. سىمۇلانىڭ ئاساسلىق تەركىبى ئەركىنβ a (βa bosivelic) بوسىۋىلىك كىسلاتا، بىرلەشمە بوسۇۋېلىك كىسلاتا %1.5 ، ئولبانورزىن (olbanoresene)  %33 ، ئۇچۇچان ماي بولسا سۇس سېرىق رەڭدە ، پۇراقلىق.

كېسەللىك مىسالى

يۈرەك ئاجىزلىقى، كانايچە كېڭىيىش قاتارلىقلارغا ئىشلىتىلىدۇ . 

1.غەيرى لىمفا ھۈجەيرىلىك ئاققان كېسىلىگە بولغان تەسىرى كۈندۈرنىڭ ئاجراتمىسى جىددىي خاراكتېرلىك غەيرى لىمفا ئاققان ھۆجەيرىسىنىڭ ئۆلۈشىنى تېزلىتىدۇ.

2. ياللۇغقا قارشى تەسىرى : ھەرخىل بولسىۋىلىك كىسلاتاسى كۆپلىگەن جىددىى، ئاستا خاراكتېرلىك ياللۇغلارغا قارىتا ياللۇغ قايتۇرۇش تەسىرىگە ئىگە. 

3.كۈندۈر يەنە ئاغرىق توخىتىتىش، قاننى جانلاندۇرۇش تەسىرىگە ئىگە. 

خاس تەسىرى

ئېغىز بوشلۇقىدىكى ئەزالارنى قۇۋۋەتلەش، ياللۇغ قايتۇرۇش، ماددا ئالمىشىشنى ياخشىلاش

ئورۇنباسارى

مەستىكى

ئەكىس تەسىرى

ئىسسىق مىزاجلىق كىشىلەردە باش ئاغرىقى پەيدا قىلىدۇ.

تۈزەتكۈچىسى

شېكەر، زىخ

ۋەكىل خاراكتېرلىك پىششىق دورا ياسالمىسى 

جاۋارىش كۈندۈر

1.كۈندۈردىن مۇۋاپىق مىقداردا ئىلىپ، ھەسەل بىلەن ئارىلاشتۇرۇپ مەلھەم تەييارلاپ، يەرلىك ئورۇنغا مەلھەم قىلسا ياللۇغ قايتۇرىدۇ .

2.كۈندۈردىن مۇۋاپىق مىقداردا ئېلىپ تالقان تەييارلاپ، توغراق سۈيىدە مەلھەم تەييارلاپ باشقا چاپسا باش تەمرەتكە كېسىلىگە مەنپەئەت قىلىدۇ. 

3. كۈندۈردىن مۇۋاپىق مىقداردا ئېلىپ، تالقان تەييارلاپ ئۆردەك مېيى بىلەن ئارىلاشتۇرۇپ مەلھەم تەييارلاپ، يەرلىك ئورۇنغا چاپسا كۈيۈك يارىسىغا مەنپەئەت قىلىدۇ. 

4.كۈندۈرنى كۆيدۈرۈپ چىققان ئىسىغا ئىسلانسا كۆز تورلىشىشقا مەنپەئەت قىلىدۇ.

5. كۈندۈردىن مۇۋاپىق مىقداردا ئىلىپ سوقۇپ، سىركىگە قوشۇپ ئىستىمال قىلسا ئۈچەي مىنە قۇرىتىغا مەنپەئەت قىلىدۇ. 

6. كۈندۈر مۇرمەككى زەپەدىن شامچە تەييارلاپ، مەقەتقە كىرگۈزسە بەلغەم خىلىتىدىن كېلىپ چىققان بوۋاسىر، ئىسمال قاتارلىقلارغا شىپا قىلىدۇ.

يىغىش ۋە ساقلاش 

دەرىخىدىن ئېقىپ چۈشكەننى يىغىۋىلىنىپ، قۇرۇتۇپ قۇرغاق سالقىن جايدا ساقلىنىدۇ. 

دىققەت قىلىدىغان ئىشلار 

قان خىلىتى ۋە بەلغەم خىلىتىغا نىسبەتەن مىقدارى ئىشىپ كەتسە خىلىتلارنىڭ كۆپىيىشىنى پەيدا قىلىدۇ.^[0]