بېيجىڭ ۋاقتى

بېيجىڭ ۋاقتى باشقا ئاتىلىشى جۇڭگو ئۆلچەملىك ۋاقتى، جۇڭگو چوڭ قۇرۇقلىقىنىڭ ئۆلچەملىك ۋاقتى، ماس قەدەملىك دۇنياۋىي سائەتتىن 8 سائەت (يەنى UTC+8) ئىلگىرى. شياڭگاڭ، ئاۋمېن، تەيبېي، كۇئالالۇمپۇر، سىنگاپور قاتارلىق رايون ۋە شەھەرلەرنىڭ ئۆلچەملىك سائەتى ھەم بېيجىڭ ۋاقتى بىلەن ئوخشاش بولۇپ، بېيجىڭ شەھىرىنىڭ يەرلىك قۇياش سائىتى (شەرقىي ئۇزۇنلۇق °116.4) ئەمەس، بەلكى شەرقىي ئۇزۇنلۇق °120 گرادۇسنىڭ ۋاقتى، ئىككىسىنىڭ ئاراسىدا 14.5 مىنۇت پەرق بار. 

1902-يىل (گۇاڭشۈنىڭ 28-يىلى)، چىڭ سۇلالىسى دېڭىز تاموژنىسى ساھىل سائەتىنى شەرقىي ئۇزۇنلۇق 120 گرادوسنى ئۆلچەم قىلىپ بەلگىلىگەن. 1912-يىل جۇڭخۇا مىنگو قۇرۇلغاندىن سوڭرە، بېيجىڭغا جايلاشقان مەركىزى كۆزىتىش سۇپىسى پۈتۈن دۆلەتنى 5 ۋاقىت رايونىغا بۆلگەن. 1939-يىلى جۇڭخۇا مىنگو ئىچكى ئىشلار ۋازارىتى ئۆلچەملىك سائەت يېغىنى چاقىرىپ 1912-يىلى بۆلۈپ بەلگىلەنگەن ۋاقىت رايونلىرىنى جۇڭگونىڭ ئۆلچەملىك ۋاقتى دەپ تەستىقلغان. ئۇلار:

كوئىنلۇن ۋاقتى GMT+5.5 شىنجاڭ ئۇيغۇر ئاپتونوم رايوننىڭ غەربى ۋە شىزاڭنىڭ بىر قىسمى.

GMT+6 ۋاقتى شىنجاڭ ئۇيغۇر ئاپتونوم رايونى ۋە شىزاڭ.

گەنسۇ-سىچۇەن ۋاقىتى GMT+7 ئوتتۇرا جۇڭگو رايونى.

ئوتتۇرا تۈزلەڭلىك ئۆلچەملىك ۋاقتى GMT+8 جۇڭگو دېڭىز قىرغاقلىرىغىچە.

چاڭبەي ۋاقتى  5.GMT+8 جۇڭگونىڭ شەرقى شىمالى.

1947 يىلى، شەرقىي شىمال مەمۇرىي ھەيئەتلەر قۇرۇلتىيى قارار قىلىپ، شۇ كۈندىن ئىتىبارەن شەرقىي شىمال ئازاد رايونى بىردەك 120 گرادۇس شاڭخەي سائەتىنى قوللىنىشقا باشلىغان.

1949-يىلى، جۇڭخۇا خەلق جۇمھۇرىيىتى سىياسىي كېڭەش يىغىنى 1-نۆۋەتلىك ئومۇمىي يىغىنىدا، «بېيپىڭ» نىڭ نامىنى تەكرار «بېيجىڭ» غا ئۆزگەرتىلىشى قارار قىلىنغان. 1-ئۆكتەبىر جۇڭخۇا خەلق جۇمھۇرىيىتى قۇرۇلغان، UTC+8 ۋاقىت رايونى رەسمىي «بېيجىڭ ۋاقتى» (ئوتتۇرا تۈزلەڭلىك ئۆلچەملىك ۋاقتى بىلەن بىردەك) دەپ ئاتالغان. 

1952-يىلىغا كەلگەندە، شىنجاڭ ئۇيغۇر ئاپتونوم رايونى ۋە شىزاڭ ئۆلكىلىرىدىن باشقا، پۈتۈن مەملىكەتتە ئۆلچەملىك جۇڭگو ۋاقتى ئومۇملاشقان.

2000- يىلى ئوتتۇرا تۈزلەڭلىك ئۆلچەملىك ۋاقتى نامى دۆلەتلىك ئۆلچەملىك ۋاقتى قىلىپ ئۆزگەرتىلگەن.

ھازىر جۇڭخۇا خەلق جۇمھۇرىيىتى تەۋەسىدە بىردەك بېيجىڭ ۋاقتى (UTC+8) قوللىنىلماقتا. لېكىن شىنجاڭ ئۇيغۇر ئاپتونوم رايونى ۋە شىزاڭ قاتارلىق رايونلاردا، ھۆكۈمەت تارماقلىرى، شىركەت-گۇرۇھلارنىڭ ئىشلەش ۋە دەم ئېلىش ۋاقىتلىرى ھەمدە پوچتا-تېلگراف سائەتلىرى بېيجىڭ ۋاقتىغا توغىرلانغان. شۇنداقلا شىنجاڭ ئۇيغۇر ئاپتونوم رايونى دا UTC+6 ۋاقىت رايونى قوللىنىش ئۇمۇملاشقان (شىنجاڭ تەۋەسىدە قوللىنىلغان شىنجاڭ ۋاقتى بېيجىڭ ۋاقتىدىن ئىككى سائەت كېين). شىنجاڭ تېلېۋىزىيەسى خەنزۇچە ۋە ئۆسمۈرلەر قانىلى بېيجىڭ ۋاقتى، ئۇيغۇرچە، قازاقچە تىللىرى قانىلى شىنجاڭ ۋاقتى قوللىنىدۇ.