تاڭ تاۋ

تاڭ تاۋ- ئەسلى ئىسمى تاڭ رۈييى، ئەدەبىي تەخەللۇسى خۇيئەن. جېجياڭ ئۆلكىسىنىڭ جېنخەي  دېگەن يېرىدىن. بالىلىق دەۋرىدە تۇققانلىرىنىڭ ياردىمىدە، تۇلۇقسىز 2-يىللىقىغىچەئوقۇپ ئوقۇشتىن توختاشقا مەجبۇر بولغان.  16يېشىدا ئىمتىھان بېرىپ شاڭخەي پوچتا ئىدارىسىگە خەۋەرچىلىككە تاللانغان.1930-يىلىدىن كېيىن يەر ئاستى پارتىيە تەشكىلاتىنىڭ رەھبەرلىكىدە ئىشچىلارھەركىتىگە قاتناشقان ھەم پوچتا ئىدارىسىدە ئىشچى،پىركازچىك بولۇپ ئىشلىگەن. كىتاب ئوقۇش جەمئىيىتى تەشكىللىگەن. ئىشتىن سىرتقى ئەدەبىيات - سەنئەت پائالىيىتى بىلەن شۇغۇللانغان. ياپۇن باسقۇنچىلىرىغا قارشى ئۇرۇش غەلبە قىلغاندىن كېيىن پوچتا ئىدارىسىگە قايتىپ «ھەپتىلىك گېزىت» ۋە «ۋېنخۇي گېزىتى» قاتارلىقلاردا تەھرىر بولۇپ ئىشلىگەن. ئازاتلىقتىن كېيىن  شاڭخەي پوچتا ئىشچىلارئۇيۇشمىسى ، مەملىكەتلىك ئەدەبىيات - سەنئەتچىلەر  بىرلەشمىسىنىڭ شاڭخەي شۆبىسى ، فۇدەن ئۇنىۋېرسىتېتى قاتارلىق ئورۇنلاردا ۋەزىپە ئۆتىگەن . 1959 - يىلدىن باشلاپ بېيجىڭغايۆتكىلىپ ، جۇڭگو پەنلەر ئاكادېمىيەسى ئەدەبىيات تەتقىقات ئورنىنىڭ تەتقىقاتچىسى  بولۇپ ئىشلىگەن. 

 1933-يىلىدىن باشلاپ لۈشۈننىڭ تەسىرىدە پروزا ۋەنەسىر يېزىشقا باشلىغان. يازغان نەسىرلىرى ئىخچام ۋە چۈشىنىشلىك، مول مەزمۇنلۇقبولۇپ قابىلىيەتتە لۈشۈننى دورىغان.  ئۇھاياتىدا «ئىتتىرىش»، «دېڭىز ۋە ئاسمان» ، «سۈرەتكە تارتىش»، «غەيۋەت »قاتارلىق 10دىن ئارتۇق نەسىرلەر توپلىمى؛ «يەلكەن چۈشۈرمەك »ناملىق نەسىرىي شېئىرلار توپلىمى؛ «لۈشۈندىن ئۆگىنىش»، «لۈشۈن ئەدەبىياتى سېپىدە»، «لۈشۈن ئەسەرلىرىنىڭ تۇلۇقلىمىسى» قاتارلىق  ئونغا يېقىن ماقالىلەر توپلىمىنى  يازغان. « جۇڭگو ھازىرقى زامان ئەدەبىيات  تارىخى (1-3)»، «جۇڭگو ھازىرقى زامان ئەدەبىيات قىسقىچە تارىخى»  قاتارلىقلارنى تۈزۈشكە قاتناشقان. ^[0]