شېكەر قۇمۇشى

ئۆسۈملۈك شېكەر قۇمۇشى بولۇپ، بۇ ئۆسۈملۈكنىڭ غولى ۋە غولىدىن سىقىپ ئېلىنغان سۈيى «شېكەر قۇمۇشى» نامىدا دورىغا ئىشلىتىلىدۇ. شېكەر قومۇشى ئىككى خىل بولىدۇ، بىر ئاق، يەنە بىرى قىزىل، بەزىسى ئۇششاق، سۇلۇق، تاتلىق، بەزىسى قاتتىق، سۈيى ۋە تاتلىقىلىقى كەم، بەزىللىرى تۇزلۇق كېلىدۇ.

سۈپىتىنى ئېنىقلاش 

شېكەر قومۇشىنىڭ تاتلىق، سۇلۇق، يىپى ئاز بولغانلىرى ياخشى ھېسابلىنىدۇ.

دورىلىق ئورنى 

ئۆسۈملۈكنىڭ غولى ۋە غولىدىن سىقىپ ئېلىنغان سۈيى.

ئۈنۈملۈك تەركىبى 

ھەر 100گرام ئىستېمال قىلىنىدىغان قىسىمىدا 84گرام سۇ، 0.2 گرام ئاقسىل ماددىسى، 0.5 گرام ماي، 12گرام كاربون سۇ بىرىكمىلىرى 8 مىللىگرام كالتىسىي، 4 مىللىگرام فوسفۇر، 1-3 مىللىگرام تۆمۈر تۇتىدۇ. شېكەر قومۇشنىڭ شەربىتىدە كۆپ خىل ئامىنو كىسلاتاسى ، ئاسپاراگىن، ئاسپاگىن كىسلاتاسى، گلۇتامىك كىسلاتا، ئالما كىسلاتاس، لىمون كىسلاتاسى قاتارلىقلار بار. غول بوغۇملىرىدا يەنە ۋىتامىن 6B بولۇپ، بۇ ئۈستى تەرىپىدىكى يۇمران غولىدا كۆپرەك مىقداردا تۇتىدۇ. غولدا يەنە ۋىتامىن C بار.

چىقىش ئورنى 

ئېلىمىزنىڭ شەرقىي جەنۇنىي قىسمى، پاكىستان، ئافرىقا، لاتىن ئامېرىكىسى قاتارلىقلارغا ئوخشاش ئىسسىق ئىقلىملىق جايلاردىن چىقىدۇ.

ۋەكىل خاراكتېرلىك پىششىق دورا ياسالمىسى

 شېكەر قومۇشى شىرنىسى

قان كۆپەيتىش، جىگەرنى، ئومومىي بەدەننى قۇۋۋەتلەش، يۈرەكنى قۇۋۋەتلەش، چوڭ تەرەتنى يۇمشىتىش، سۈيدۈك ھەيدەش، ئۇسسۇزلۇق پەسەيتىش، چىش مىلكىنى چىڭىتىش ۋە تازىلاش، ئېغىزنى خۇش پۇراق قىلىش، توسالغۇلارنى ئېچىش.

خاس تەسىرى

قان خىلىتىنى كۆپەيتكۈچى دورا.

كېسەللىك مىسالى 

 شېكەر قومۇشى شىرنىسى

ئورۇنباسارى 

قىزىلچا

ئەكىس تەسىرى 

تاماقتىن كېيىن كۆپ ئىستېمال قىلسا قورساقنى ئېسىدۇ. يەل پەيدا قىلىدۇ. ئاشقازاننى بۇزىدۇ. ياشانغان، بەلغەم مىزاجلىق كىشلەرگە زىيان قىلىدۇ.

تۈزەتكۈچىسى 

رۇم بەدىيان ياكى شېكەر.

1. شېكەر قومۇشىدىن 10گرامنى ساپال كوزىغا سېلىپ، سىرتتا شەبنەمگە قويۇپ  ئەتىگىنى ئېلىپ ئىچسە، سۆزنەككە پايدا قىلىدۇ.

2. 15گرام شېكەر قومۇشىنىڭ شىرنىسىنى چىقىرىپ ئىچىپ بەرسە بۆرەك دوۋساقتىكى تاشنى چۈشۈرىدۇ.

3. شېكەر قومۇشى شىرنىسى 15گرام، تاتلىق ئانار سۈيى 20گرام، ئىككىسىنى ئارلاشتۇرۇپ، بۇنىڭغا 1.5گرام زەپەرنى سوقۇپ تالقىنىنى ئارىلاشتۇرۇپ ئىچسە قان ئازلىققا مەنپەئەت قىلىدۇ.

كۈزنىڭ ئاخىرىدا كېسىپ، يىغىۋېلىندۇ .

ساقلاش 

باغلاپ، ھاۋا ئۆتۈشىدىغان جايدا ساقلايمىز.^[0]