چىغىرتماق يىلتىزى

چىغىرتماق يىلتىزى بولسا ئۆسۈملۈك شورلۇق چىغىرتماقتىن ئىبارەت بولۇپ، بۇ ئۆسۈملۈكنىڭ يىلتىزى «ئىرسا» نامىدا دورىغا ئىشلىتىلىدۇ. يىلتىزىنىڭ سىرتقى يۈزى ساغۇچ ئاق رەڭلىك،ئىچكى قىسمى قوڭۇر رەڭلىك، سەل قاتتىق، شىرشىم كېلىدۇ، يىلتىزسىمان غولى ئازراق پۇراقلىق بولىدۇ.تەمى ئاچچىق،شىنجاڭدىن كۆپرەك چىقىدۇ ھەم رۇسىيە، ئوتتۇرا ئاسىيا، يۇنانىستان قاتارلىق جايلاردىن چىقىدۇ.

توسالغۇلارنى ئېچىش، ماددىلارنى يۇمشىتىش، بەدەننى قىزىتىش، تېرىنى پارقىرىتىش، ياللۇغ قايتۇرۇش، پەي، نېرىپلارنى قۇۋۋەتلەش، ئاغرىق پەسەيتىش.

خاس تەسىرى

ياللۇغ قايتۇرۇش، ئاغرىق پەسەيتىش.

ئەكىس تەسىرى

ئۆپكىگە قۇرۇقلۇق يەتكۈزىدۇ، بۆرەككە زىيانلىق.

ئۈنۈملۈك تەركىبى

يىلتىزسىمان غولىنىڭ تەركىبىدە فلاۋونلار، ئۇچۇچان ماي، كراخمال قاتارلىقلار بار.

1. مىكرو ئورگانىزم ۋە پارازىت قۇرۇتلارغا قارشى تەسىرگە ئىگە، 2. قان پىسلاستىنكىچىلىرىنىڭ توپلىشىشىغا قارشى تۇرۇپ، تىقىلمىلارنى ئېرىتىش رولىغا ئىگە. 3. قان شېكىرىنى تۆۋەنلىتىش ئۆسمىگە قارشى تۇرۇش تەسىرىگىمۇ ئىگە.

1. 1~5 گرام چىغىرتماق يىلتىزىنى ئېزىپ گۈل يېغى بىلەن ئارىلاشتۇرۇپ، باشقا چاپسا ياكى سوقۇپ تاماكا تەرىقىسىدە چەكسە، كونا باش ئاغرىقىنى يوقىتىدۇ.

2. چىغىرتماق يىلتىزى بىلەن يوپۇرمىقىنى قاينىتىپ ئىچسە، كۆز قاراڭغۇلىشىش، يۈرەك قوزغىلىش، پالەچ، لەقۋالارغا مەنپەئەت قىلىدۇ.

3. 5 گرام چىغىرتماق يىلتىزىنى ئېزىپ سىركە بىلەن قوشۇپ، يەرلىك ئورۇنغا زىمات قىلسا تال ئىششىقى، قورساققا سۇ چۈشۈشكە مەنپەئەت قىلىدۇ.

4. چىغىرتماقنىڭ گۈلى ۋە يىلتىزىدىن ياغ تەييارلاپ يەرلىك ئورۇننى ياغلىسا، پەيلەرنى يۇمشىتىدۇ.

دورىلىق ئورنى

ئۆسۈملۈكنىڭ يىلتىزى

مىقدارى

2 ~ 1 گرامغىچە

تۈزەتكۈچىسى

[ھەسەل، كەتىرا

ئورۇنباسارى

مازارىيۇن

زۇكام جەۋھىرى، شەربىتى زۇپا، زەرۇرە مامىرانچىنى، ھەببى مامۇرانچىنى.

كۆكرەك پەردە ياللۇغى، تىترىمە كېسەل، پالەچ، لەقۋا، بوغۇم ئاغرىقى، ئولتۇرغۇچ نېرۋا ئاغرىقى، تال ئىششىقى، بويۇن بەز سىلى، باشنىڭ يېرىمى ئاغرىش، زۇكام، يۈزدىكى داغ ئۈچۈن ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى ئىككىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]