زەيتۇن مېۋىسى

بۇ زەيتۇن دەرىخى ئائىلىسىدىكى دائىم كۆكىرىپ تۇرىدىغان، ئېگىزلىكى 10 مېتىردىن ئاشىدىغان، غولى تۈز دەرەخنىڭ مېۋىسى بولۇپ، «زەيتۇن مېۋىسى»، ئۇنىڭ مېغىزىدىن ئېلىنىدىغان ياغ «زەيتۇن يېغى» نامىدا دورىغا ئىشلىتىلىدۇ. مېۋىسى ئۇرچۇق شەكىللىك، ئىككى ئۇچى ئۇچلۇق، سىرتقى يۈزى سىرىققا مايىل قوڭۇر رەڭلىك، تەرتىپسىز چوڭقۇر پۈرمىلەر بار. مېۋە ئېتى قېلىن، كۈل رەڭگە مايىل قوڭۇر رەڭلىك ياكى قوڭۇر رەڭلىك بولىدۇ. مېۋە ئېتى سەل قېرىق تەمدە، ئۇزۇن تۇرغانلىرى سەل ئاچچىق بولىدۇ. پۇراقسىز، ئەتلىك، تەمى ئاۋۋال قېرىق كېيىن تاتلىق بولغانلىرى ياخشى ھېسابلىنىدۇ.

چىقىش ئورنى

مەملىكىتىمىزنىڭ فۇجيەن، تەيۋەن، گۇاڭدۇڭ، گۇاڭشى، يۈننەن، سىچۈەن قاتارلىق جايلىرىدىن چىقىدۇ. چەت ئەلدە ھىندىستان، پاكىستان قاتارلىق جايلارغا تارقالغان.

خىميىۋىلىك تەركىبى

مېۋىسىنىڭ تەركىبىدە %1.20 ئاقسىل، %1 ماي، %12 كاربون سۇ بىرىكمىلىرى، %0.20 كالتسىي،مەلۇم مىقداردا فوسفور، تۆمۈر، ۋىتامىنC تۇتىدۇ. ئۇرۇقىنىڭ تەركىبىدە %7 - %8 ياغ، ياغنىڭ ئاساسىي تەركىبى ئامىرىن (Amyrin) دىن ئىبارەت. مېغىزىنىڭ تەركىبىدە %20 ئەتراپىدا ياغ بار. ئۇچۇچان ماي، ماي كىسلاتاسى، ئۇندىن باشقا (Diflavonoid agathisflavone) مۇھىم تەركىبى بولۇپ ھېسابلىنىدۇ.

تەرەتنى يۇمشىتىش، قىزىتما قايتۇرۇش، تەرلىتىش، ئومۇمىي بەدەننى قۇۋۋەتلەش، ئۆپكە، كانايدىكى زەھەرلىك ماددىلارنى تارقىتىش، يۇمشىتىش، ھەزىمنى ياخشىلاش، ياللۇغ قايتۇرۇش، قان تازىلاش، ئۇسسۇزلۇقنى پەسەيتىش، ئاغرىق پەسەيتىش، باكتېرىيە ئۆلتۈرۈش خۇسۇسىيىتىگە ئىگە.

ئورۇنباسارى

بىلسان يېغى.

ۋەكىل خاراكتېرلىك پىششىق دورا ياسالمىسى

زەيتۇن يېغى،مەتبۇخى زەيتۇن.

جىگەرنى ئاسراش، مۇھاپىزەت قىلىش رولى بار. ئۇندىن باشقا ئوكسىدلىنىشقا قارشى تەسىرىمۇ بار.

ئەكىس تەسىرى

چىرىگەن جايغا سۈركىسە، قىچىشىش پەيدا قىلىدۇ. جىق ئىشلەتسە، ئۇيقۇنى قاچۇرۇپ، ئورۇقلاشنى كەلتۈرۈپ چىقىرىد، ئۆپكىگە زىيىنى بار. ئۇزاق ۋاقىت ئىشلەتسە خىلىتلارنىڭ كۆيۈشىنى كەلتۈرۈپ چىقىرىدۇ.

تۈزەتكۈچىسى

ھەسەل، بىنەپشە شەربىتى، ياڭاق مېغىزى، تاتلىق بادام مېغىزى، تاتلىق يېمەكلىكلەر.^[0]