ياپونىيە قۇيرۇقى يوق مۈشۈك

ياپونىيە قۇيرۇقى يوق مۈشۈكى پەقەت ياپونىيەگىلا تارقالغان، ئامېرىكىدا ئەتىۋارلىنىپ بازار تاپقان مىجەزى مۇلايىم، ئادەمگە ئامراق، ئەقىللىق بولغان داڭلىق ئەرمەك مۈشۈك. ياپونىيە قۇيرۇقى يوق مۈشۈكى تۇنجى قېتىم ئىككىنچى دۇنيا ئۇرۇشى مەزگىلىدە ياپونىيەگە كەلگەن مۈشۈكخۇمار بىر گېنېرال تەرىپىدىن بايقالغان بولۇپ، گېنېرال توشقانغا ئوخشاش قۇيرۇقى يوق مۈشۈكنى كۆرۈپ قۇيرۇقى كېسىۋېتىلگەن مۈشۈك ئوخشايدۇ دەپ قالغان ۋە كېيىن ياپونىيەدە بۇنداق قۇيرۇقى يوق مۈشۈكنىڭ كۆپ ئىكەنلىكىنى، قۇيرۇقى ئۇزۇن مۈشۈكلەرنىڭ ياۋا مۈشۈك دەپ قارىلىدىغانلىقىنى كۆرۈپ قىزىقىپ قالغان. ياپونىيە قۇيرۇقى يوق مۈشۈكىمۇ ئاخبارات خەۋەرلىرى بىلەن تەڭلا تېزلىكتە ئامېرىكا ۋە ياۋروپاغا تارقالغان. ياپونىيە قۇيرۇقى يوق مۈشۈكى ھازىر ياپونىيە تەرىپىدىن قايتىدىن ئېتىبارغا ئېرىشىپ دۆلەت ھايۋىنى سۈپىتىدە ئەتىۋارلىنىپ كەلمەكتە. 

باش قىسىمى

باش قىسمى ئۈچبۇلۇڭ شەكلىدە، ياڭاق سۆڭىكى ئىگىز؛ بۇرنى ئۇزۇن؛ قۇلىقى چوڭ، ياي شەكىللىك بولۇپ، كۆزى چوڭ، ئېللىپس شەكىللىك، كۆزىنىڭ رەڭگى بىلەن يۇڭى ماسلاشقان. 

تىنى 

بەدەن گەۋدىسى ئۇزۇن ھەم قاۋۇل، قۇيرۇقى بۈدۈرە، قۇيرۇقى تۈكلۈك چىرايلىق، پۇتلىرى ئۇزۇن، ئالدى پۇتىغا قارىغاندا كەينى پۇتى ئۇزۇن، پەنجىسىنىڭ چوڭ - كىچىكلىكى مۇۋاپىق، ئېللىپىس شەكىللىك.  

تېرىسى

يۇمشاق، پارقىراق، ئۇزۇنلىقى نورمال، قارا، قىزىل ۋە ئاق رەڭلىك. تۈكلۈك تۈرى تۆۋەندىكىلەرنى ئۆز ئىچىگە ئالىدۇ : كارتېتا رەڭ، ئاق رەڭلىك مۈشۈك، قارا مۈشۈك، ئاق مۈشۈك، قىزىل مۈشۈك، قارا ئىبىس ، ئاق مۈشۈك، قىزىل، ئاق رەڭلىك مۈشۈك. سىئام مۈشۈكى بىلەن ھەبەش مۈشۈكىنى ھېسابقا ئالمىغاندا، ساپ نەسىللىك مۈشۈك باشقا رەڭلىك مۈشۈككە قارىغاندا كارتېتا رەڭ، ئاق رەڭلىك تاغىل مۈشۈك ئەڭ قارشى ئېلىشقا ئېرىشكەن.

مىجەزى مۇلايىم، ئادەمگە ئامراق، ئەقىللىق بولغان داڭلىق ئەرمەك مۈشۈكى. 

ياپون مۈشۈكىنىڭ ئەڭ تىپىك ئالاھىدىلىكى قۇيرۇقىنىڭ زىيادە قىسقا ئىكەنلىكىدە بولۇپ بەدىنى ئادەتتىكى مۈشۈكلەردىن سېمىزراق، بۇرنى ئۇزۇنراق، كۆزى يۇمىلاق ۋە يوغان، قۇلىقى ئۈچ بۇرجەك شەكىلدە كېلىدۇ. ياپون مۈشۈكى باشقا ئاسىيا مۈشۈكلىرىگە ئوخشاشلا چاشقان تۇتۇش ماھىرى ئەمما، دەرەخكە يامىشىش ئىقتىدارى ياخشى ئەمەس. ئارىلاش ئوزۇقلىنىدۇ. كۆپىيىشى ئادەتتىكى مۈشۈكلەرگە ئوخشاش يىلدا بىر قېتىم، 2 دىن ئالتىگىچە بولىدۇ.^[0]