پەسىلسىز كۆكتاتلار

قىشتا تېرىلىپ ئۆستۈرۈلگەن پەمىدۇر بىلەن تەرخەمەكنى پەسىلسىز كۆكتات دەپ ئاتايمىز . كۆكتاتلارنىڭ تۈرى كۆپ ، ئۇزۇن مەزگىل سىرتقى مۇھىتتا ئۆسۈپ يېتىلىشكە ماسلىشىش جەريانىدا ئىسسىقىنى ياخشى كۆرىدىغان ، سوغۇقتىن قورقىدىغان ياكى سوغۇقنى ياخشى كۆرىدىغان ئىسسىقتىن قورقىدىغان ئالاھىدىلىك شەكىللىنىدۇ. شۇڭا كۆپ ساندىكى كۆكتاتلاردېگۈدەك قىش پەسلىدىكى قاتتىق سوغۇققا ۋە ياز پەسلىدىكى ئىسسىق تېمپېراتۇرىغا چىدىمايدۇ . كۆكتاتلارنىڭ مۇشۇ ئالاھىدىلىكىگە ئاساسەن ، تەبىئىي شارائىتتا كۆكتات ئۆستۈرۈلىدۇ . يەنە پەسلىگە ئاساسەن ئۇلارنىڭ تېرىلىش ۋاقتى ئورۇنلاشتۇرىلىدۇ . بۇ كۆكتات ئىشلەپچىقىرىشنىڭ پەسىلچانلىقىنى بەلگىلىگەن . پەن - تېخنىكا تەرەققىي قىلمىغان مەزگىلدە ، كىشىلەر تەبىئىي قانۇنىيەت بويىچە كۆكتات تېرىپ كەلگەن . بۈگۈنكى كۈندە بولسا كىشىلەر ئىلغار بولغان ئەسلىھە ۋە تېخنىكىلاردىن پايدىلىنىپ ، كىشىلەرنىڭ ئېھتىياجىغا ئاساسەن قىش پەسلىدە يازلىق كۆكتاتلارنى تېرىيالايدۇ .

بارلىق ئۆسۈملۈكلەر بەلگىلىك تېمپېراتۇرا ، يورۇقلۇق ، ئوزۇقلۇق ۋە سۇغا تايىنىپ ئۆسىدۇ ، كۆكتاتلارمۇ ئوخشاش . قىش كۈنلىرى تەبىئىي شارائىت كۆكتاتلارنىڭ ئۆسۈشىگە پايدىسىز . قانداق قىلىپ كۆكتاتلارنىڭ ئۆسۈشىگە ماس كېلىدىغان مۇھىت ياراتقىلى بولىدۇ ؟ ھازىر كىشىلەر يۇقىرى يېڭى تېخنىكىدىن پايدىلىنىپ، پارنىك، كىمىر ئۆي ياساپ كۆكتاتلارنىڭ ياخشى ئۆسۈشى ئۈچۈن سۈنئىي ئۇسۇلدا ياكى كومپىيوتىر ئارقىلىق پارنىك تېمپېراتۇرىسىنى، يورۇقلۇق، سۇ ۋە ئوغۇتنى كونتىرول قىلىپ ، پارنىك ئىچىگە كۆكتات تېرىماقتا . بۇنىڭ بىلەن قىشتىكى تۆۋەن تېمپېراتۇرىدا، يورۇقلۇقنىڭ يېتەرسىز بولۇشى قاتارلىق مەسلىلەر ھەل قىلىنىپ ، پەسىلسىز كۆكتاتلارنى تېرىپ ئۆستۈرمەكتە . 

سۈنئىي كونتىرول قىلىنىدىغان ئىلغار ئۆستۈرۈش ئۇسۇلىنى قوللىنىپ ، پەسىلسىز كۆكتات ئىشلەچىقىرىپلا قالماي ، يەنە پۈتۈن يىل بازارنى كۆكتات بىلەن تەمىنلىگىلى بولىدۇ . مەسلەن ، تەرخەمەك . تەرخەمەك ئىسسىقنى ياخشى كۆرىدىغان بىر خىل تىپىك كۆكتات . مەملىكىتىمىزنىڭ شىمالى ۋە غەربىدىكى سوغۇق رايۇنلاردا بىر يىلدا پەقەت بىر پەسىل تېرىلىدۇ . ئەتىيازدا گۈل ئېچىلغاندا تېرىلسا 5 - 10 ئايلارغىچە ھوسۇل ئالغىلى بولىدۇ . 11-ئايدىن ئىككىنچى يىلى 4 - ئايغىچە تەمىنلەش ئۈزۈلۈپ قالىدۇ . ھازىر دېھقانلار ئىلغار ئۆستۈرۈش ئۇسۇلىنى قوللىنىپ ، يىل بويى تەمىنلەش مەسلىسىنى ھەل قىلدى . باش باھاردا كۈن نۇرىلىق پارنىكقا تېرىلىپ 2 - 6 - ئايغىچە بازارنى تەمىنلەيدۇ . يازدا سايە چۈشۈرگىلى بولىدىغان كىمىرغا تېرىلىپ 7- 9 - ئايلارغىچە بازارنى تەمىنلەيدۇ . باش كۈزدە سولياۋ كىمىرغا تېرىلىپ 9 - 11 - ئايلارغىچە بازارنى تەمىنلەيدۇ . كۈزنىڭ ئاخىرىدا قۇياش نۇرىلىق پارنىكقا تېرىلىپ 11 - 12 - ئايلارغىچە بازارنى تەمىنلەيدۇ . قىشتا پارنىكقا تېرىلىپ 1 -2 - ئايغىچە بازارنى تەمىنلەيدۇ . بۇنىڭ بىلەن بىر يىل تۆت پەسىلنىڭ ھەممىسىدە تەرخەمەك بىلەن بازارنى تەمىنلىگىلى بولىدۇ .^[0]