مۇرچۇبە

مۇرچۇبەمۇرچۇبە بولسا گۈلسامساق ئائىلىسىدىكى كۆپ يىللىق يامىشىپ ئۆسىدىغان سامان غوللۇق،ئۆسۈملۈك مۇرچۇپىنىڭ تۈگۈنەك يىلتىزىدىن ئىبارەت بۇلۇپ، مەملىكىتىمىزنىڭ كۆپ قىسىم جايلىرىدىن جۈملىدىن يۈننەنىڭ تاغ باغرى ۋە ئورمانلىقلاردا ئۆسىدۇ.

ئۆپكە كاناينى قۇۋۋەتلەش، قىزىتما پەسەيتىش، يۆتەل توختۇتۇش، ئۆسسۇزلۇقنى پەسەيتىش، چوڭ تەرەتنى راۋانلاشتۇرۇش خۇسۇسىيىتى بار.

خاس تەسىرى

ئۆپكە -كاناينى قۇۋۋەتلىگۈچى دورا.

ئەكىس تەسىرى

ئاشقازان ۋە تالغا زىيان قىلىدۇ.

فارماكولوگىيلىك تەسىرى

مۇرچۇبە1.قاينىتىلمىسى كۆيدۈرگە تاياقچە باكتېرىيىسى، قان ئېرىتكۈچى زەنجىرسىمان شارچە باكتېرىيە، بوغما تاياقچە باكتېرىيىسى، ئۆپكە ياللۇغى زەنجىرسىمان شارچە باكتېرىيىسى، ئالتۇن رەڭلىك ئۈزۈمسىمان شارچە باكتېرىيە، سىبلىس تاياقچە باكتېرىيىسى قاتارلىقلارغا نىسبەتەن ئوخشاش بولمىغان دەرىجىدە تورمۇزلاش تەسىرىگە ئىگە.

2. ئۆسمىگە قارشى تۇرۇش تەسىرى بار.

3. سۈت بېزى ئۆسۈكچىلىرى ۋە ئىششىقنى قايتۇرۇش تەسىرى بار.

19خىل ئامىنو كىسلاتاسى. ,sparagus amid B-stosterol licid قاتارلىقلار بار.

مۇرچۇبە1. مۇرچۇبە 20 گرام، ھەلىيۇن يىلتىزى، نىلۇپەر، بىنەپشە 10 گرامدىن، ئاق لەيلى گۈلى 8 گرام قائىدە بويىچە قايناتما تەييارلاپ، بىر كۈندە 3 ۋاق، 100 مىللىلېتىردىن ئىچىپ بەرسە، قىزىتما قايتۇرىدۇ.

2. مۇرچۇنە، زۇپا 15 گرامدىن، ھەلىيۇن يىلتىزى، بادام مېغىزى 5 گرامدىن، ئەنجۈر قېقى 3 دانە، چىلغۇزا مېغىزى 10 گرام، شېكەر ئىككى ھەسسە، قائىدە بويىچە لوئوق تەييارلاپ ئىچىپ بەرسە، يۆتەل پەسەيتىدۇ، بەلغەم بوشىتىدۇ.

دورىلىق ئورنى

تۈگۈنەك يىلتىز

مىقدارى 

15 – 20 گرام

ساقلاش

ئۆسۈملۈكنى ياز ۋە كۈز پەسلىدە يىغىۋېلىپ، ئاپتاپتا قۇرۇتۇپ ساقلىنىدۇ .

تۈزەتكۈچىسى

پىننە

ئورۇنباسارى

كەرەپشە يىلتىزى

مۇرچۇبە شەربىتى

ياشانغانلاردىكى سوزۇلما خاراكتېرلىك كاناي ياللۇغى، ئۆپكە سىلى، بولۇپمۇ يۆتىلىپ بەلغەم چىقىرالمايدىغان كېسەللەرگە ئىشلىتىلىدۇ. يەنە سوزۇلما كېسەللەردىكى تۆۋەن قىزىتما، بەدەن ئاجىزلىقى، جىگەر مىزاجىنىڭ بۇزۇلۇشى، مەنىي بالدۇر كېتىش، گال ئاغرىقى، سۈت بېزى ئىششىقى ۋە ئۆسمىسى قاتارلىق كېسەللىكلەرگە ئىشلىتىلىدۇ.

كېلىش مەنبەسى (ئەسەر)

ئۇيغۇر تېباىتى خام دورىلار ئىلمى1 (شىنجاڭ تېببي ئۇنۋېرسېتىتى تولۇق كۇرۇس نۇسخسى)

^[1][0]