يېڭىئۆستەڭ يېزىسى

يېڭىئۆستەڭ يېزىسى شىنجاڭ ئۇيغۇر ئاپتونوم رايونى قەشقەر ۋىلايىتى مارالبېشى ناھىيەسىنىڭ جەنۇب تەرىپگە جايلاشقان. ناھىيە بازىرى بىلەن بولغان ئارىلىقى 110 كىلومېتىر، يېزىنىڭ يەر كۆلىمى 309.7 كۋادرات كىلومېتىر كېلىدۇ. شەرقتە سېرىقبۇيا بازىرى، جەنۇبىي تەرىپى مەكىت ناھىيەسى، غەربتە ئاۋات بازىرى ۋە يوپۇرغا ناھىيەسى، شىمالىي بىلەن چوڭقۇرچاق يېزىسى بىلەن قوشنا. بۇ يېزىغا قاراشلىق 19 كەنت ئاھالە كومىتېتى بار. يېزا بويىچە جەمئىي 5459 ئائىلە، 22 مىڭ ئادەم بار بۇلۇپ، بۇنىڭ ئىچىدە ئۇيغۇرلار 21928 ئادەم، ئومۇمىي نوپۇسنىڭ %99.6، خەنزۇ مىللىتى 68 بولۇپ، ئومۇمىي نوپۇسنىڭ %0.3، باشقا مىللىي مىللەتلەر 4 ئادەم، ئومۇمىي نوپۇسنىڭ %0.1 نى ئىگىلەيدۇ. 

يېڭىئۆستەڭ، ئۇيغۇر تىلىدا «يېڭى ئۆستەڭ»، چىڭ سۇلالىسىنىڭ 25-يىلى (1820-يىلى) نىڭ ئالدى-كەينىدە بىر يېڭى ئۆستەڭ قېزىش، بوز يەر ئېچىپ ئېتىز بىنا قىلغان كىشىلەر تەرپىدىن نام بېرىلگەن. 1961-يىلى ئاۋا رايونى قۇرۇلۇپ، ئۇنىڭ قارىمىقىدا يېڭىئۆستەڭ قاتارلىق تۆت گۇڭشې بولغان. رايونلۇق ھۆكۈمەت يېڭىئۆستەڭ بازار تەسىس قىلىنغان، 1984-يىلى يېڭىئۆستەڭ يېزىسى قىلىپ ئۆزگەرتىلگەن.

يېڭىئۆستەڭ يېزىسىيېڭىئۆستەڭ يېزىسىغا قاراشلىق 19 كەنت ئاھالە كومىتېتى بار بۇلۇپ، ئۇلار: جاغدا كەنتى، چىگە قۇدۇق كەنتى، قۇمۇشكۆل كەنتى، چىدىر كەنتى، شېكەرباغ كەنتى، زەيكۆل كەنتى، تېرەكلىك كەنتى، كونا ئۆستەڭ كەنتى، ئورمان كەنتى، ئاتچاپار كەنتى، يېڭىئۆستەڭ كەنتى، قۇمكۆل كەنتى، غىشلىق ئۆستەڭ كەنتى، بەشتام كەنتى، يۇمىلاقچۆل كەنتى،  قارائۈجمە كەنتى، ئاقدۆڭ كەنتى، يەتتە مەھەللە كەنتى، باش ئۆتەڭ كەنتى قاتارلىقلار.

يېقىنقى يىللاردىن بېرى يېڭىئۆستەڭ يېزىسى بازارنى يېتەكچى قىلىپ، ئۈنۈمنى مەركەز، پەن-تېخنىكىدا باشلامچى قىلىپ، ئەنئەنىۋى كەسىپلەرنىڭ ئىقتىدارىنى ئۆستۈرۈش ئارقىلىق ئۆزگىچە كەسىپلەرنى يېتىشتۈرۈپ، زامانىۋى يېزا ئىگىلىكىنى راۋاجلاندۇرۇپ، ئەۋزەل كەسىپلەرنى شەكىللەندۈرگەن. چىلاننى ئاساس قىلغان باغۋەنچىلىكى تاۋۇز-قوغۇن، ئۆرۈك ئاساس قىلغان مېۋە-چېۋە ئىشلەپچىقىرىش، دولان قويى، ئۆي توخۇسى، كەپتەر ئاساس قىلغان ۋە ئۇنىڭدىن باشقا  چۈچۈكبۇيا، موگو ئاساس قىلغان ئۆزگىچە كەسىپلەر ۋە يېزا ئىگىلىك قوشۇمچە مەھسۇلاتلىرىنىڭ مىقدارى 20 خىلغا يېقىن بۇلۇپ، ناھىيە بويىچە ئالدىنقى قاتاردا تۇرىدۇ. ئاپتونوم رايونىمىز ئىچىدىمۇ يۇقىرى ئىناۋەتكە ئىگە. كەسىپ ئالاھىدىلىكى كۈندىن-كۈنگە روشەن، كۆلىمى، ئۈنۈمى ۋە دېھقانلارنىڭ كىرىمىنى كۆرىنەرلىك ئاشۇرغان.^[0]