پىلىپىل يىلتىزى

پىلىپىل يىلتىزى  بولسا قارىمۇچ ئائىلىسىدىكى ئۆسۈملۈك پىل پىلنىڭ پىشمىغان غۇژمەك يىلتىزى تاشقى تەرىپى توپىرەڭ، ئىچى ئاق كېلىدۇ. پۇرىقى ئۆتكۈر، ۋەزنى ئېغىر، قاتتىق بۇلۇپ كۈز پەسلىدە يېغۋىلىنىدۇ. ئېلىمىزنىڭ يۈننەن، گۇاڭدۇڭ قاتارلىق جايلىرىدىن، ھەمدە ھېندىنوزىيە، ۋىيتنام، فىلىپىن قاتارلىق دۆلەتلەردىن چىقىدۇ.

خۇسۇسيىتى

ھۆل سوغۇق كەيپىياتنى، غەيرىي تەبىئىي بەلغەم خىلتنى تەڭشەش، ھەزىمنى ياخشىلاش، ئىشتىھانى ئېچىش، ئىششىق ياندۇرۇش سوغۇق يەللەرنى تارقىتىش، ئاغرىق پەسەيتىش، مېڭىنى تازىلاش قاتارلىق خۇسۇسىيىتى بار.

خاس تەسىرى

خىلىتسىز ھۆل سوغۇق كەيپىياتنى تەڭشىگۈچى دورا.

ئەكىس تەسىرى

ئىسسىق مىجەز كىشىلەرگە زىيان قىلىدۇ.

فارماكولوگىيىلىك تەسىرى

پىپېلارتىن قان بېسىمىنى چۈشۈرۈشتە كۆرۈنەرلىك ئۈنۈمگە ئىگە.

1. پىل پىل يىلتىزىنىڭ ئۆزىنى يالغۇز چاينىسا ياكى كىشمىش بىلەن قاينىتىپ غار غار قىلسا مېڭىنى تازىلايدۇ.

2. پىل پىل يىلتىزىنى ئېزىپ مۇۋاپىق مىقداردا يەپ بەرسە ئىشتىھانى ئاچىدۇ. ئاشقازاننى قىزىتىدۇ. ئۈچەي توسۇلۇش ۋە سوغۇق يەلدىن بولغان كېسەللىكلەرگە مەنپەئەت قىلىدۇ.

3. پىل پىل يىلتىزى، بەدىيان، زەنجىۋىل، دارچىن قاتارلىقلارنىڭ ھەر بىرسىدىن 10 گرامدىن ئېلىپ چاي دەملەپ بەرسە ھەزىم ياخشىلايدۇ. ئىشتىھانى ئاچىدۇ.

4. پىل  پىل  يىلتىزىنى يۇمشاق ئېزىپ قايناقسۇدا نەمدەپ يەرلىك ئورۇنغا چاپسا چوڭ – كىچىك بوغۇم ئاغرىقلىرى، بوغۇم ياللۇغىغا مەنپەئەت قىلىدۇ.

دورىلىق ئورنى

غۇژمەك يىلتىز.

مىقدارى

3– 5 گرامغىچە

ساقلاش

 قۇرۇتۇپ ساقلايمىز.

ئورۇنباسارى

قارامۇچ، تەڭ مىقداردا نامىشكى، ئۈچتىن بىر مىقداردا سۆرۈنجان، ئۈچتىن ئىككى مىقداردا زاراڭزا مېغىزى، دارى پىلپىل.

تۈزەتكۈچىسى

سېرىق ماي، سۈت.

جاۋارىش  پىلپىل، ماددە تۇلھايات.

ئاشقازان ئاجىزلىقى، ئىشتىھاسىزلىق، تال كېسەللىكى، يانپاش ئاغرىقى، ئۇششاق بوغۇملار ئاغرىقى، چوڭ بوغۇملار ئاغرىقى قاتارلىق كېسەللىكلەرگە ئىشلىتىلىدۇ.

يىلتىزى تەركىبىدە پىپېرىن (Piperine) پىپېللارتىن (Pipelartine)، پېپىرلونىگومنىن (Piperlonguminine) قاتارلىقلار بار. غولى تەركىبىدە پىپېلاتىن بار.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]