ماگنېزىت كېنى

ماگنېزىت كېنى ئاساسەن خېجىڭ–پىچان دولومىت كانى ھاسىل بولغان بەلۋاغقا جايلاشقان. كان بەلۋېغىنىڭ شەرقتىن غەربكە بولغان ئۇزۇنلۇقى 300 نەچچە كىلومېتىر كېلىدۇ. ئۇ ھازىر شىنجاڭنىڭ دولومىت چىقىدىغان ئاساسلىق كېنى. باشقا رايونلاردىن، مەسلەن، كېرىيە، چاقىلىق قاتارلىق جايلاردىنمۇ ئاز مىقداردا ماگنېزىت چىقىدۇ.

ھازىر خېجىڭ ناھىيەسى دىكى قارىقات ماگنېزىت كان ياتمىسىنىڭ ئېنىقلانغان زاپىسى 50 مىليون 485 مىڭ توننا بولۇپ، مەملىكەت بويىچە 4–ئورۇندا تۇرىدۇ. بۇ كان خېجىڭ ناھىيەسى دىن غەربىي شىمالغا 180 كىلومېتىر كېلىدىغان جايغا جايلاشقان. ئوتتۇرا دېۋون دەۋرى سائارمىڭ گۇرۇپپىسىنىڭ 2–كەنجى گۇرۇپپىسىدا ھاسىل بولغان، 30غا يېقىن كان گەۋدىسى بار، يەككە كان گەۋدىسىنىڭ ئۇزۇنلۇقى 20~750 مېتىرغىچە، كەڭلىكى 20~200 مېتىرغىچە كېلىدۇ: كان گەۋدىسى قاتلامسىمان، لىنزىسىمان، يېسىمۇقسىمان تۈس ئالغان. كان گەۋدىسىنىڭ يېتىش ھالىتى يەر قاتلىمىنىڭ يېتىش ھالىتى بىلەن بىردەك بولۇپ، ئەتراپ جىنىسلىرى بىلەن بولغان چىگرىسى ئېنىق.

رۇدىسى ئاق رەڭلىك، گۆش رەڭلىك، كرىستاللىق ماگنېزىت بولۇپ، ئاز مىقداردا دولومىت،تالىك ۋە مىكرو كرىستاللىق سېرىق تۆمۈر رۇدىسى ئارىلاشقان. رۇدا سۈپىتى بىر قەدەر ياخشى بولۇپ ،1–، 2–دەرىجىلىك مەھسۇلاتلار كۆپ، باشقا كان ئورۇنلىرى، مەسلەن، پىچان ناھىيىسىدىكى جيەنشەن ماگنېزىت كېنى قاتارلىقلارنىڭ قېزىلما بايلىق ئىستىقبالى بىر قەدەر ياخشى.^[0]