ئاق تاۋۇز

ئاق تاۋۇز جەنۇبىي شىنجاڭ ، شەرقىي شىنجاڭنىڭ قوغۇن - تاۋۇز ئىشلەپچىقىرىش رايۇنلىرىدا ۋە شىمالىي شىنجاڭنىڭ بىر قىسىم ناھىيەلىرىدە ئۆستۈرۈلىدۇ ،  پۈتكۈل ئۆسۈپ يېتىلىش ۋاقتى 90 -105 كۈن ، ھەر بىر تاۋۇزنىڭ ئېغىرلىقى 7.3 كىلوگرام كېلىدۇ . تاۋۇز مېۋە ساپىقىدىن ئاسالىقچە ئاجرىمايدۇ .  بۇ سورت توشۇشقا، ساقلاشقا چىداملىق ، ئىككىنچى يىلى 2 - ئايغىچە ساقلىغىلى بولىدۇ .

تۈپى 

 تۈپىنىڭ ئۆسۈشى كۈچلۈك ئاساسىي پىلەكنىڭ ئۇزۇنلۇقى 441.8 سانتىمېتىر ، توملۇقى 0.53 سانتىمېتىر ، بوغۇم ئۇزۇنلۇقى 6.2 سانتىمېتىر ، تۈپلىنىشى كۈچلۈك ، يوپۇرمىقى 2.9 * 4 سانتىمېتىر .

چېچىكى

بىرىنچى ئاتىلىق گۈل چېچىكى ئاساسىي پىلەكنىڭ بەشىنچى بوغۇمىدا ، ئانىلىق گۈل چېچىكى 14 - بوغۇمىدا ئۆسىدۇ . ھەر بىر ئانىلىق گۈلىنىڭ ئارلىقى تۆت بوغۇم كېلىدۇ ، گۈلى ئىككى جىنىسلىق . ئانىلىق گۈلى ئېچىلىپ 43 -58 كۈن بولغاندا مېۋىسى پىشىدۇ .

مېۋىسى 

ئاق تاۋۇزشاپىقى قېلىن قېلىنلىقى 1.9 سانتىمېتىر ، مېۋە ئېتى سۇس قىزىل ، يۇمشاق ، شىرنىسى كۆپ ، قەنت مىقدارى % 8.7 - 6.4 ، تەمى نورمال ، ئۇرۇقى ئېللىپىس شەكلىدە رەڭگى قارا ، ئۇرۇقىنىڭ ئۇزۇنلۇقى 1.4 سانتىمېتىر ، كەڭلىكى 0.8 سانتىمېتىر ، مىڭ تال ئۇرۇقىنىڭ ئېغىرلىقى 180 گرام ، ھەر بىر تاۋۇز ئېتى ئىچىدە 400 تال ئەتراپىدا ئۇرۇق بولىدۇ .^[0]