كۆز قوتۇرى

سەۋەبى: بۇ كېسەللىك، يۇقۇملىنىش ۋە كېسەل كىشىنىڭ ئىشلەتكەن لۆڭگە ۋە باشقا سايمانلىرىنى ئىشلىتىش سەۋەبىدىن كېلىپ چىقىدۇ.

ئالامىتى: دەسلەپتە كۆزگە بىر نەرسە كىرىۋالغاندەك سېزىلىش، كۆز قىچىشىش، چاپاقلىشىش، قاپاقلىرى چاپلىشىپ قالغاندەك، كۆزگە قۇم تىقىلغاندەك مەلۇم بولۇش، قاپاق ئىچى تەرىپىگە مۇدۇرلار پەيدا بولۇش، كېيىنچە مۇدۇرلار بىر-بىرىگە قوشۇلۇپ جاراھەت ھاسىل قىلىش، كۆز ياشاڭغىراش، كېيىنچە جاراھەتلەر كۆز ئالمىسىنى كاردىن چىقىرىپ تاشلاش قاتارلىق ئالامەتلەر بىلەن ئىپادىلىنىدۇ.

1-رېتسېپ

كۆز قوتۇرىتەركىبى: شادنەج، يۇيۇلغان ئەدەس 30 گىرامدىن، كۆيدۈرۈلگەن مىس 25 گىرام، كەتىرا، سەمغى ئەرەبى، مۇرمەككى ئالتە گىرامدىن، بىخ مارجان، كەھرىۋا، تېشىلمىگەن مەرۋايىت، سازەج ھىندى 12 گىرامدىن، خۇنسىياۋشان، زەپەر ئۈچ گىرامدىن.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، تۇخۇم ئېقى بىلەن ئارىلاشتۇرۇپ شىياف تەييارلىنىدۇ. 

ئىشلىتىش مىقدارى: كۈنىگە بىر قېتىم قاپاقنى ئۆرۈپ تۇرۇپ سۈركىلىدۇ.

2-رېتسېپ

تەركىبى: سەبرە سۇقۇترى 30 گىرام، تۇربۇت 20 گىرام، سېرىق ھېلىلە پوستى 15 گىرام، سوقمونىيا 10 گىرام، سۇ مۇۋاپىق مىقداردا.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، سۇدا يۇغۇرۇپ، پۇرچاقتەك چوڭلۇقتا كۇمىلاچ تەييارلىنىدۇ.

ئىشلىتىش مىقدارى: كۈنىگە بىر قېتىم، ھەر قېتىمدا ئالتە گىرامدىن ئاخشىمى ئىستېمال قىلىنىدۇ.

3-رېتسېپ

تەركىبى: تۇخۇم سېرىقى، گۈل يېغى مۇۋاپىق مىقداردا.

تەييارلاش ئۇسۇلى: تۇخۇم سېرىقى بىلەن گۈل يېغىنى ئارىلاشتۇرۇپ تەييارلىنىدۇ.

ئىشلىتىش مىقدارى: كۈنىگە بىر قېتىم قاپاق ئۈستىگە چېپىلىدۇ.