خىمىيىۋى گازدىن مۇداپىئە كۆرۈش قىسىملىرى

خىمىيىۋى گازدىن مۇداپىئە كۆرۈش قىسىملىرى خىمىيىۋى گازدىن مۇداپىئەلىنىشنى كاپالەتلەندۈرۈش ۋەزىپىسىنى ئۈستىگە ئالغان قىسىم تۈرى بولۇپ، خىمىيىۋى گازدىن مۇداپىئە كۆرۈش، ئوت پۈركۈش قاتارلىق شۆبە ئەترەتلىرىدىن تەشكىل تاپقان. ئۇلارنىڭ ئاساسلىق ۋەزىپىسى قىسىملارنىڭ ئاتوم، خىمىيىلىك قوراللاردىن مۇداپىئە كۆرۈشىگە يېتەكچىلىك قىلىش؛ يادرولۇق، خىمىيىلىك كۆزىتىش ۋە رازۋېدكا قىلىش، بۇلغىنىشنى تۈگىتىش؛ ئوت پۈركۈش شۆبە ئەترىتىنىڭ ۋەزىپىسى پىيادە ئەسكەرلەرگە ماسلىشىپ جەڭ قىلىپ، دۈشمەننىڭ مۇستەھكەم ئوت كۈچى نۇقتىسى ۋە جانلىق كۈچىنى يوقىتىش.

خىمىيىۋى گازدىن ساقلىغۇچى شۆبە ئەترىتى كۆزىتىش، رازۋېدكا قىلىش، دېزىنفېكسىيە قىلىش شۆبە ئەترەتلىرىدىن تەشكىل تاپقان. كۆزىتىش شۆبە ئەترىتىگە يادرو پارتلاشنى كۆزىتىش-ئۆلچەش ئاپپاراتى، رادىئاتسىيىنى ئۆلچەش ئەسۋابى، زەھەرلىك گازنى تەكشۈرۈش ئەسۋابى قاتارلىقلار سەپلەنگەن. ئۇنىڭ ۋەزىپىسى يادرو پارتلاشنىڭ سىرتقى كۆرۈنۈشىنى كۆزىتىش، يادرو پارتلىغان ۋاقىت، ئورۇن، پارتلاش شەكلى، ئېكۋىۋالېنتقا ئائىت مەلۇماتلارنى ئىگىلەش ۋە بېكىتىش، خىمىيىۋى ھۇجۇمنىڭ ئالامەتلىرىنى بايقاش، قىسىملارنىڭ مۇداپىئە كۆرۈشىنى ئاساس بىلەن تەمىن ئېتىش. رازۋېدكا شۆبە ئەترىتىگە رادىئاتسىيىنى ئۆلچەش ئەسۋابى، زەھەرلىك گازنى تەكشۈرۈش ئەسۋابى، خىمىيىلىك تەكشۈرۈش ساندۇقى قاتارلىق ئۈسكۈنىلەر ۋە خىمىيىۋى گازدىن مۇداپىئە كۆرۈش رازۋېدكا ئاپتوموبىلى سەپلەنگەن. ئۇنىڭ ۋەزىپىسى خىمىيىلىك رادىئاتسىيىنى رازۋېدكا قىلىش ۋە بۇلغىنىشنى تەكشۈرۈشتىن ئىبارەت. 

دىزىنفېكسىيە قىلىش شۆبە ئەترىتىگە پۈركۈگۈچ ئاپتوموبىل ۋە يۇيۇنۇش ئاپتوموبىلى سەپلەنگەن، ئۇنىڭ ۋەزىپىسى زەھەرلەنگەن خادىم، قورال-جابدۇق، مۇھىم نىشان ۋە يوللارنى دېزىنفېكسىيىلەش.

ئوت پۈركۈش شۆبە ئەترىتىگە ئوت پۈركۈگۈچ سەپلەنگەن. ئوت پۈركۈگۈچ يېقىن ئارىلىقتىكى جەڭدە ئىشلىتىلىدىغان قورال، بىر ئوت پۈركۈگۈچتە ئۇدا ئۈچ قېتىم ئوت پۈركۈگىلى بولىدۇ، پۈركۈش ئارىلىقى 70 مېتىرغا يېتىدۇ. ئوت پۈركۈلگەندە، ھارارىتى ℃800~℃1100 قا يېتىدىغان يالقۇن ئىستىھكام تېمىنىڭ يۆنىلىشىنى بويلاپ كۆيەلەيدۇ ھەمدە ئىستىھكامنىڭ سىرتىدىكى يوچۇقلىرىدىن ئىستىھكام ئىچىگە كىرەلەيدۇ، ئوت پۈركۈگۈچ بىلەن دۈشمەننىڭ مۇستەھكەم ئوت كۈچى نۇقتىسىنى يوقاتقىلى، ئىستىھكامدىكى ۋە ئاشكارىلىنىپ قالغان ئادەملەرنى تالاپەتكە ئۇچراتقىلى بولىدۇ. 

قەدىمكى زاماندىلا بىيولوگىيەلىك قوراللارنى ئىشلىتىشكە باشلىغان، خىمىيىلىك قورال ئىشلىتىش 1- دۇنيا ئۇرۇشىدا باشلانغان. بىرىنچى دۇنيا ئۇرۇشى مەزگىلىدە، ھەر قايسى ئۇرۇش قىلىۋاتقان دۆلەتلەر خىمىيىلىك قورال ئىشلىتىش ئۈچۈن مەخسۇس خىمىيەلىك قىسىم قۇردى. 

ياپون باسقۇنچىلىرىغا قارشى ئۇرۇش دەۋرىدە، 8 - ئارمىيە 1939 - يىلى جۇڭگو خەلق ياپون باسقۇنچىلىرىغا قارشى ھەربىي سىياسىي ئۇنىۋېرسىتېتى قۇرۇپ، ئەترەت مەشىقى مۇنتىزىملاشتۇرۇلدى.

 1. كۆزىتىش ئەسۋابلىرى، يادرو پارتلىتىش ئاپتوماتىك كۆزىتىش ئاپپاراتىنى ئۆز ئىچىگە ئالىدۇ، يادرو پارتلاشنى كۆزەتكۈچى قىلىدۇ.  

 2 . رازۋېدكا ئۈسكۈنىلىرى، زەھەرلىك گازنى تەكشۈرۈش ئەسۋابى، سىگنال گۈدۈكى، نۇر تارقاتقۇچ، خىمىيىلىك رازۋېدكا ماشىنىسى، خىمىيىلىك لاباراتورىيە قىلىش ئاپتوموبىلى، دېگەنگە ئوخشاشلاردىن ئىبارەت. 

3.  زەھەرسىزلەندۈرۈش سايمىنى، گاز ئېتىلىپ چىققان سۇ تازىلاش ئاپتوموبىلى، ئاپتوماتىك پۈركۈش ماشىنىسى، يۇيۇش ماشىنىسى قاتارلىقلارنى ئۆز ئىچىگە ئالىدۇ. 

4.  تاماق سايمانلىرى، يېنىك تىپتىكى ئوت چاچار، بىر كىشىلىك راكېتانى ئۆز ئىچىگە ئالىدۇ. ^[0]