سۆزلۈك ئىزدەڭ
تەھرىرلەيمەن ساقلاش
ساقلىۋالغانلىرىم

خۇرجۇن

تەھرىرلەيمەن
خۇرجۇن

خۇرجۇن-ئۇيغۇر لارنىڭ تۇرمۇشىدا ئىشلىتىش تارىخى ئۇزۇن بولغان، شۇنداقلا ئۇيغۇر مىللىتىگىلا خاس بولغان مۇھىم تۇرمۇش ۋاستىلىرىنىڭ بىرىدۇر. 

ئۇيغۇرچە نامى خۇرجۇن
خاسلىقى مىللىي خاسلىققا ئىگە قول ھۈنەر سەنئەت بۇيۇمى

چوڭ ئىشلار

سۆرەت ۋە ۋىدىيولار

سۆرەتلەر

ۋىدىيولار

تونۇشتۇرۇلىشى 

خۇرجۇن-ئۇيغۇر لارنىڭ تۇرمۇشىدا ئىشلىتىش تارىخى ئۇزۇن بولغان، شۇنداقلا ئۇيغۇر مىللىتىگىلا خاس بولغان مۇھىم تۇرمۇش ۋاستىلىرىنىڭ بىرىدۇر. مىللىي خاسلىققا ئىگە قول ھۈنەر سەنئەت بۇيۇمى.

توقۇش ئۇسۇللىرى 

 خۇرجۇن توقۇلۇش ئالاھىدىلىكىگە ئاساسەن ئاق خۇرجۇن، گۈللۈك خۇرجۇن ۋە گىلەم خۇرجۇن؛ خام ماتېرىيالغا ئاساسەن پاختا يىپ خۇرجۇن، يۇڭ يىپ خۇرجۇن، ئارىلاشما يىپ خۇرجۇنغا بۆلىنىدۇ. خۇرجۇننى مەخسۇس تەربىيەلەنگەن خالۋاپلار توقۇيدۇ. خۇرجۇن قىزىل، كۆك، يېشىل، سېرىق، سۆسۈن قاتارلىق رەڭلىك يىپلارنى گىرەلەشتۈرۈش ئۇسۇلى ئارقىلىق ھەرخىل گۈل نۇسخىلىرى چىقىرىلىپ توقۇلىدۇ. خۇرجۇن تۈز توقۇلۇپ، ئىككى تەرىپى كەينىگە ياندۇرۇلۇپ، يان تەرىپى تىكىلىپ ئاندىن شەكىلگە كەلتۈرۈلىدۇ. ئاندىن خۇرجۇننىڭ ئېغىزىغا چىرايلىق گىرۋەك چىقىرىلىپ ئىزما بېكىتىلىدۇ. ئىزما خۇرجۇندىكى نەرسىلەرنىڭ بىخەتەرلىكىنى ساقلاش رولىغا ئىگە.

ئالاھىدىلىكى 

خۇرجۇن ئىككى پاي بولۇپ، نەرسە-كېرەك يۆتكەشتە تەڭپۇڭلۇقنى ساقلايدىغان بولغاچقا، ئۇنىڭدىن قاچىلانغان نەرسىلەرنى مەيلى ئادەم دولىسىغا ئارتىپ ماڭسۇن ياكى ئېشەككە ئارتىپ ماڭسۇن، ئوخشاشلا تەڭپۇڭلۇقنى ساقلاپ كۈچنى تېجەپ قالغىلى بولىدۇ. ئۇ نەرسە - كېرەك قاچىلاپ يۆتكەشتە، بولۇپمۇ ئۇزۇن سەپەر جەريانىدا ئىشلىتىشكە ناھايىتى ئەپلىك. ئۇنىڭدىن ھاۋا ئۆتۈشۈپ تۇرىدىغان بولغاچقا، ئىچىگە سېلىنىدىغان نەرسە-كېرەكلەر ئاسان بۇزۇلۇپ قالمايدۇ ھەم ئۇنىڭدا نەرسە-كېرەكلەرنى پاكىز ساقلىغىلى بولىدۇ. 

ھازىرقى ئەھۋالى 

خۇرجۇنغا ئۇيغۇرلارنىڭ گۈزەللىك قارىشى، پاكىزلىق چۈشەنچىسى ۋە ئەخلاق ئېڭى مۇجەسسەملەنگەن. ئۇيغۇرلار خۇرجۇننى ناھايىتى پاكىز ساقلايدۇ، ئىشلىتىپ بولۇپلا ئېگىزگە ئېسىپ قويىدۇ، دائىم يۇيۇپ تۇرىدۇ. خۇرجۇنغا كىيىم–كېچەك سېلىشقا بولمايدۇ. خۇرجۇن ناھايىتى چىداملىق تۇرمۇش بۇيۇمى بولۇپ، ياخشى توقۇلغان خۇرجۇننى نەچچە ئون يىل ئىشلەتكىلى بولىدۇ. ئىچكىرى ئۆلكە ۋە چەت ئەللەردىن شىنجاڭغا كەلگەن ساياھەتچىلەر ئۇيغۇرلارنىڭ بۇ تۇرمۇش بۇيۇمىغا ئالاھىدە ھەۋەس قىلماقتا. دېمەك، خۇرجۇن ئادەتتىكى ئىستېمال بۇيۇمىدىن ھالقىپ، سەنئەت بۇيۇمى قاتارىدا ئەتىۋارلىنىۋاتىدۇ. جەمئىيەت تەرەققىياتىغا ئەگەشىپ كۈندىلىك تۇرمۇش ۋاستىسى ئورنىدىن ھالقىپ، سەنئەت بۇيۇمى قاتارىدا، ھازىر بىر قىسىم ئائىلىلەردە قىممەتلىك مىراس ۋە سەنئەت بۇيۇمى سۈپىتىدە ساقلانماقتا. خۇرجۇن ئۇيغۇرلارنىڭ تۇرمۇش، مەدەنىيەت، ئۆرپ-ئادەت، جۇغراپىيەلىك شارائىت قاتارلىقلارنى تەتقىق قىلىشتىمۇ مۇھىم تەتقىقات تېمىسى بۇلالايدۇ.[0]

ئىزدە قامۇسىنى قوللاپ قويۇڭ

asd

پايدىلانغان ماتېرىياللار:

0.

شىنجاڭ رادىئو تورى 

http://uygur.chinabroadcast.cn/7600/2012/05/29/1350@440681.htm

باشقا ئوقۇشلۇقلار :

1.

تەڭرىتاغ تورى

http://uy.ts.cn/wenhua/content/2014-06/06/content_356124.htm

خەتكۈچلەر:

خۇرجۇن مىللىي قول-ھۈنەر سەنئەت بويۇمى قول-ھۈنەر سەنئىتى مىللىي قول-ھۈنەر سەنئىتى مىللىي سەنئەت قول-ھۈنەر بۇيۇمى تۇرمۇش ۋاستىسى تۇرمۇش بۇيۇمى

مەنىداش سۆزلۈك:

ئىزدە قامۇسىدىكى مەزمۇنلارنى ئەزالار يوللىغان، بېكەتتىكى مەزمۇنلار ئىزدە تورىنىڭ مەيدانىغا ۋەكىللىك قىلمايدۇ. تېببىي، ئىقتىسادىي، پۇل-مۇئامىلە قاتارلىق ساھالەردە كەسپ ئەھلىلىرىدىن مەسلىھەت سوراڭ.

باھا بېرىڭ:
4 نومۇر (2 كىشى باھالىدى)
  • 5 يۇلتۇز(نوپۇزلۇق)：
    50%
  • 4 يۇلتۇز(كەسپىي)：
    50%
  • 3 يۇلتۇز(ئىسىل)：
    0%
  • 2 يۇلتۇز(ياخشى)：
    0%
  • 1 يۇلتۇز(ئادەتتىكىچە)：
    0%

يۇقارقى سۆزلۈك مەزمۇنىدا خاتا ئۇچۇرلارنى، ئىملا خاتالىقىنى بايقىغان ياكى تولۇقلاشقا تېگىشلىك دەپ قارىغان بولسىڭىز، ئىزدە قامۇسىغا ئەزا بولۇپ كىرىپ، تەھرىرلەپ قويسىڭىز بولىدۇ. ئىزدە قامۇسى ھەممە ئادەم يازالايدىغان، ھەممە ئادەم تەھرىرلىيەلەيدىغان ئۇچۇق ئىنىسكىلوپېدىيە.

تەھرىرلەشكە قاتناشقانلار:

تۇرسۇنگۈل
چىكىنىش

#title

#video#