قۇمۇل چوڭ چىلىنى

قۇمۇل چوڭ چىلىنى ئاپتونۇم رايونىمىز قۇمۇل شەھىرىنىڭ قارا دۆۋە ، راھەتباغ ، شەھەر ئىچى رايۇنلىرىغا تارقالغان ،  8 - ئاينىڭ ئوتتۇرلىرى پىشىدۇ . قۇمۇل چوڭ چىلىنى چىقىدىغان جاي شىنجاڭ قۇمۇل شەھىرى . قۇمۇل چوڭ چىلىنى 2000 يىلدىن ئارتۇق ئۆستۈرۈش تارىخىغا ئىگە ،  «قەدىمكى چىلان » دەپ قارىلىدۇ . قۇمۇل چوڭ چىلىنى ئىتى قېلىن ، تاشقى كۆرۈنۈش بېغىر رەڭ ، چىرايلىق پارقىراقلىققا ئىگە ، مەملىكەت بويىچە چىلان سورتىلىرى ئىچىدە داڭلىق بولغان مېۋە ، چىلاننىڭ مەھسۇلات سۈپىتى مەملىكەت بويىچە ھەتتا دۇنيا بويىچە ئالدىنقى قاتاردا تۇرىدۇ . 

مېۋە دانىسى چوڭ ، سوقىچاق ، مېۋە يۈزى سىلىق ، يالتىراق ، ھۆل يەككە مېۋىسىنىڭ ئوتتۇرىچە ئېغىرلىقى 17.6 گرام ، ئەڭ چوڭلىرى 33 -75 گرام كېلىدۇ . ئۇرۇقى كىچىك ، مېغىزى تويۇنمىغان ، مېغىز چىقىش نىسبىتى بەك تۆۋەن ، بىراق مېۋە سۈپىتى ياخشى. مېۋىسىنىڭ سۇ تەركىبىي تۆۋەن ، قۇرۇش نىسبىتى يۇقىرى بولۇپ ، %65 كە يىتىدۇ . ساقلاش توشۇشقا چىداملىق .

ﺷﯩﻨﺠﺎڭنىڭ كۈن نۇرى چۈشۈش ۋاقتى ئۇزۇن، ئىسسىقلىق مىقدارى مول ، ھۆل - يېغىن ئاز ، تۇپراق سۈپىتى ئەلا . ئۆزىنىڭ ئەۋزەل جۇغراپىيەلىك كىلىمات مۇھىتى ئالاھىدىلىكى بىلەن دۇنيادىكى داڭلىق شىنجاڭ چىلىنى بولغان.  شىنجاڭ قۇمۇل چىلىنىنىڭ ئوزۇقلۇق قىممىتى يۇقىرى . شىنجاڭنىڭ ئۆزگىچە تەبىئىي مۇھىتى ۋە كىلىماتى چىلان دەرىخىگە دورا پۈركۈش ئاز ياكى دېھقانچىلىق دورىسى چېچىش مىقدارىنى ئازلىتىدۇ ، بۇ  شارائىت قۇمۇل چىلىنىنىڭ  ئۆسۈشى ئۈچۈن ياخشى بولغان يېتىشتۈرۈش مۇھىتى ھازىرلاپ بېرىدۇ. 

دورىلىق قىممىتى 

قۇمۇل چوڭ چىلىنىقۇمۇل چوڭ چىلىنى جۇڭيى دورىسى قىلىنىدۇ ، ئاساسلىقى كەيپىياتنى تەڭشەش ، تال ، ئاشقازان قاتارلىقلارنى قۇۋۋەتلەش ئىقتىدارى بار . ئۇنىڭدىن باشقا يەنە دورىلىق تەركىبى تالنى قۇۋۋەتلەندۈرۈپ ، ئۆپكىدە  ھۆللۈك پەيدا قىلىش ، ھۆسننى گۈزەللەشتۈرۈش، ئۆمۈرنى ئۇزارتىش رولى بار .

ئىستىمال قىممىتى 

قۇمۇل چوڭ چىلىنىنى بىۋاستە ئىستىمال قىلىشقا ياكى قۇرۇتۇپ يىيىشكىمۇ  بولىدۇ، قۇرۇتۇش جەريانىدا دېھقانچىلىق دورىسى ئىشلىتىلمىگەن تەبىئى يېشىل يىمەكلىك، يەيدىغان  ۋاقىتتا پەقەت يۇيۋىتىپلا ئىستىمال قىلسا بولىدۇ . قۇمۇل چوڭ چىلىنىنى  يېمەكلىكلەرگە قۇشۇپ ئىستىمال قىلىشقىمۇ بولىدۇ. مەسلەن:  شوۋىگۈرۈچ ، ئۇماچ قىلغاندا بىر نەچچە تال چىلاننى سېلۋەتسە، شوۋىگۈرۈچ ۋە ئۇماچنىڭ تەمىنى مەززىلىك ھەم يىيىشلىك قىلىدۇ . ^[0]