ياغلىق

ياغلىق – ئاياللارنىڭ باش كىيىمى، باشقا ئارتىدىغان بۇرجەكلىك توقۇلما بۇيۇم. 

ئۇيغۇر ئاياللىرىدا قەدىمدىن تارتىپ ‹‹دوپپا ئۈستىگە ياغلىق چىگىش›› ئادىتى ئومۇملاشقان. ئۇيغۇر ئاياللىرىنىڭ ياغلىقىنىڭ خىلى كۆپ، رەڭگى ھەر خىل، جۇلالىق، ئادەتتە كۆپرەك ئىشلىتىدىغانلىرى تىۋىششال (يۇڭ ياغلىق)، غىجىما ياغلىق ، يىپەك ياغلىق، گىرىپ ياغلىق، ھىلىلە ياغلىق قاتارلىقلاردىن ئىبارەت. ئۇيغۇر ئاياللىرىقىشتا كۆپرەك تىۋىشال، يازدا كۆپرەك يىپەك ياغلىق چىگىدۇ. ياغلىق تاللاشتا، ياشىراق ئايال–قىزلارنىڭ ياغلىقى كىچىكرەك، رەڭگى ئوچۇق، بەزىلىرىگە گۈل–گىياھلارنىڭنۇسخىسى كەشتىلەنگەن، ئوتتۇرا ياش، ياشانغان ئاياللارنىڭ ياغلىقى سەل چوڭراق، رەڭگى، نۇسخىسى نەپىس ھەم كۆركەم كېلىدۇ.