لوڭجۇ تېغىدىكى لەخمە خارابىسى

ساياھەت قىزغىنلىقىنىڭ ئۈزلۈكسىز يۇقىرى كۆتۈرۈلۈشىگە ئەگىشىپ، 186–تۈەن ‹‹ھەربىيلەر بوز يەر ئۆزلەشتۈرۈش ساياھىتىگە تايىنىپ، مال سېتىۋېلىش ساياھىتىنى بەرپا قىلىش، باشتىن كەچۈرۈش ساياھىتىنى ئېچىش، چېگرا سىرتىدىكى ساياھەتچىلەرنى جەلپ قىلىش›› تىن ئىبارەت تەرەققىيات تەپەككۇرىنى ئوتتۇرىغا قويغان، مەزكۇر تۈەن لوڭجۇ تېغىدىكى لەخمە ئەۋزەللىكىنى تايانچ قىلىپ، 2013–يىلى 6 مىليون يۈەندىن كۆپرەك مەبلەغ سېلىپ لوڭجۇ تېغىدىكى لەخمە خارابىسىنىڭ ئەسلىي قىياپىتىنى ئەسلىگە كەلتۈرگەن. 2014–يىلى 5–ئايدا لوڭجۇ تېغى قىزىل ساياھەت مەنزىرە رايونى ساياھەتچىلەرگە ئېچىۋېتىلگەن، 2014–يىلى 11–ئاينىڭ ئاخىرىغا قەدەر 25 مىڭ ئادەم/ قېتىم ساياھەتچى كۈتۈۋالغان.

مەزكۇر تۈەن ساياھەت ئىدارىسىنىڭ باشلىقى لى پېيگېن مۇنداق دىگەن: 2015–يىلى 186–تۈەن لوڭجۇ تېغى مەنزىرە رايونى قۇرۇلۇشىغا يەنە 7 مىليون 500 مىڭ يۈەن مەبلەغ سېلىپ ساياھەتچىلەرنى كۈتۈۋېلىش مەركىزى، ئاپتوموبىل توختىتىش مەيدانى، كۆزىتىش مۇنارى ياساپ، ۋەتەنپەرۋەرلىك تەربىيە بازىسى قۇرۇشقا كۈچىدى.

ئىگىلىنىشىچە، جۇڭگو – سوۋېت جېنباۋ ئارىلى ئۇرۇشىدىن كېيىن، 186 – تۈەن چەت ئەل تاجاۋۇزچىلىرىنىڭ بېسىپ كىرىشىدىن مۇداپىئەلىنىش ئۈچۈن، ‹‹لەخمىنى چوڭقۇر كولاپ، ئاشلىق توپلاپ، زومىگەرلىك قىلماسلىق››، ‹‹ئۇرۇشقا تەييارلىق قىلىپ ئاشلىق توپلاش خەلق ئۈچۈندۇر›› دېگەن يوليۇرۇقنىڭ روھىغا ئاساسەن، پۈتۈن تۈەندىكى ئەر – ئايال، قېرى – ياش ئۇرۇشقا تەييارلىق قىلغان. 1970 – يىلى 1 – ئايغا قەدەر، ھاۋا مۇداپىئە ئۆڭكۈرىدىن 300 نەچچىنى، ئۇرۇشقا تەييارلىق قىلىش لەخمىسىدىن 2880 مېتىر كولىغان ۋە 20 نەچچە كىلومېتىر ئۇزۇنلۇقتىكى ئۆستەڭنى تازىلاپ ئۇرۇش ئاكوپى قىلغان، لەخمە لوڭجۇ تېغىغىچە كولانغان. بۇ لەخمىدە 200 دىن ئارتۇق كىشى پاناھلىنالايدۇ؛ ئۆڭكۈر ئىچىدە يەنە ئاشلىق ئامبىرى، خەلق ئەسكەرلىرى ئاشخانىسى، ئۇرۇشقا قوماندانلىق قىلىش ئىشخانىسى، خەلق ئەسكەرلىرى ياتىقى قاتارلىق توققۇز ئۆڭكۈر بار.^[0]