قىزىل مارشال

قىزىل مارشال ئالمىنىڭ  بىر خىل سورت تۈرى بۇلۇپ، بۇ خىل سورت يەنە قىزىل بانان ئالما دەپمۇ ئاتىلىدۇ . دەرىخىنىڭ رەڭگى قارا بېغىررەڭ ، مېۋە شاخچىلىرى قېلىنراق ، كۆپرەك كېڭىيىدۇ . نوتىلىرى كۈچلۈك راۋاجلىنىدۇ ، 7-8 يىلدا مېۋىگە كىرىدۇ ، 9-ئاينىڭ ئوتتۇرلىرىدا پىشىدۇ . 

بۇ خىل سورت ساقلاشقا ، توشۇشقا چىداملىق ، دانىسى يوغان ، چىڭ بولۇپ ، سۇغۇققا چىدامچانلىقى يۇقىرى . 

مېۋىنىڭ شەكلى 

قىزىل مارشالمېۋىسىنىڭ تۇمشۇقى بەش بۇرجەك شەكلىدە ، ساپاق تەرىپى چوڭراق ، تۇمشۇق تەرىپى يېغىنچاق ، ئېغىرلىقى 230 گرام ئەتراپىدا پوستى قېلىنراق ، رەڭگى قىزىل ، رەڭلىك سىزىقچىلىرى بار.

تەمى

 ئېتىنىڭ رەڭگى ئاق سېرىق ، چۈرۈك ، تاتلىق ، سۇلۇق ، شىرنىلىك ، خۇشبۇي ، سۈپىتى ياخشى . 

 مېدىتسىنا ئىلمىدە ئالما سۈيى ئارقىلىق ئۇسسۇزلۇقىنى بېسىش، ئۆپكە ۋە تالنى ساغلاملاشتۇرۇپ ئاشقازاننى ياخشىلاش ، يۈرەكنى قۇۋۋەتلەش، ئىچ سۈرۈشىنى توختىتىش، مەستلىكنى يېشىش قاتارلىق ئۈنۈمى بار. تەركىبىدىكى ماددىلار بالىلارنىڭ ئۆسۈپ يىتلشىنى ئىلگىرى سۈرۈشىگە پايدىلىق . ئالما تەركىبىدىكى سىنك بالىلارنىڭ ئەستە تۇتۇش پايدىلىق. 

قىزىل مارشال ئالما تەركىبىدىكى ئوكسىدلىنىشقا قارشى تۇرغۇچى دورىلار باشقا سورتلۇق ئالمىلارغا قارىغاندا بىر قەدەر يۇقىرى . ئوكسىدلىنىشقا قارشى تۇرغۇچى دورا ، مىۋە - چىۋە ۋە كۆكتاتلار ئىچىدە بەزىلىرى ئادەم بەدىنىنىڭ سوغۇققا قارشى تۇرشىغا ياردەم بېرەلەيدۇ. تەتقىقاتتا كۆرسىتىلىشىچە، ئالما قانچە قىزىل بولغانچە تەركىبىدىكى ئوكسىدلىنىشقا قارشى تۇرغۇچى دورا ئادەتتىكى سۇس رەڭلىك ئالما تەركىبىدىكىدىن يۇقىرى بولدىكەن. 

جۇڭگونىڭ بوخەي قولتۇقى، غەربىي شىمال سېرىق توپىلىق ئېگىزلىكى، خۇاڭخې دەريا بويلىرى ۋە غەربىي جەنۇب سوغۇق ئېگىزلىك تەرەپلىرى.^[0]