مەقئەت يېرىلىش

مەقئەت يېرىلىشسەۋەبى: بۇ كېسەللىك، مەقئەت ئەتراپى جىددىي ياللۇغلىنىش سەۋەبىدىن كېلىپ چىقىدۇ.

 بۇ مەقئەت ۋە مەقئەت ئەتراپىنىڭ جىددىي ياللۇغلىنىشى، قۇرۇق ئىسسىقلىقنىڭ ئېشىپ كېتىشىدىن مەقئەت پۇرىمەك مۇسكۇللىرىنىڭ يېرىلىپ كېتىشى، بوۋاسىردىن پەيدا بولىدىغان مەقئەت تېرىسىنىڭ زەخىملىنىشى، گەندە مۇنىكىنىڭ قاتتىق ھەم توم بولۇشى، مەقئەت ئەتراپى تازىلىقىنىڭ ياخشى بولماسلىقى قاتارلىقلار سەۋەبىدىن پەيدا بولىدۇ. 

ئالامىتى: مەقئەت ئەتراپى ئېرىقچە شەكىلدە يېرىلىش، قىزىرىپ ئىششىش، تەرەت قىلغاندا ئاغرىش، قاناش، ئېچىشىش قاتارلىق ئالامەتلەر بىلەن ئىپادىلىنىدۇ. 

بوۋاسىرغا ئوخشاش گەندىنىڭ ئۈستىگە بىرقانچە تامچىدىن بىرقانچە مىللىلىتىرغىچە قان تېمىپ قالىدۇ، ئۇزاققىچە ساقايمايدۇ. ئوفۇنەتلىنىش ئاسانلا تەكرارلىنىپ تۇرىدۇ. ئەگەر ھارارەت سەپرا ياكى قان خىلىتى تەسىرىدىن پەيدا بولغان بولسا شۇلارغا خاس ئالامەتلەر كۆرۈلىدۇ، مەقئەت ئېچىشىدۇ.

1-رېتسېپ

تەركىبى: سېرىق ھېلىلە، كابۇل ھېلىلىسى، بەلىلە، سەرپىستان، ئەينۇلا 30 گىرامدىن، قارا ھېلىلە، تەرەنجىبىن 20 گىرامدىن، بىنەپشە، نېلۇپەر، كاسىنە ئۇرۇقى، شاھتەررە، سانا 50 گىرامدىن، تەمرى ھىندى، بادام مېغىزى، خىيارشەنبەر 10 گىرامدىن، سۇ 800 گىرام.

تەييارلاش ئۇسۇلى: دورىلارنى سۇغا سېلىپ، 500 گىرام سۈيى قالغۇچە قاينىتىپ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا 100 مىللىلىتىردىن ئىستېمال قىلىنىدۇ.

2-رېتسېپ

مەقئەت يېرىلىشتەركىبى: زۇپا، مەدەستان، نىشاستە، مامرانچىنى، ئاق لەيلى، موزىلار تەڭ مىقداردا، گۈل يېغى مۇۋاپىق مىقداردا.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، گۈل يېغىدا مەلھەم قىلىپ تەييارلىنىدۇ.

ئىشلىتىش مىقدارى: كۈنىگە بىر قېتىم، يەرلىك ئورۇنغا چېپىلىدۇ.

3-رېتسېپ

تەركىبى: زۇپا، مەدەستان، كەھرىۋا، موزا، كۆپۈكى دەريا، چۆپچىنى تەڭ مىقداردا، گۈل يېغى مۇۋاپىق مىقداردا.

تەييارلاش ئۇسۇلى: دورىلارنى يۇمشاق سوقۇپ، ئەلگەكتىن ئۆتكۈزۈپ، گۈل يېغىدا مەلھەم تەييارلىنىدۇ.

ئىشلىتىش مىقدارى: كۈنىگە بىر قېتىم، مەقئەتنى يۇيۇپ تازىلىغاندىن كېيىن چېپىلىدۇ.