قاسىم تۇرسۇن

قاسىم تۇرسۇن

قاسىم تۇرسۇن، 1974-يىلى شىنجاڭ ئۇيغۇر ئاپتونوم رايونىنىڭ خوتەن شەھرىدە تۇغۇلغان تىپىك ئۇيغۇر يىگىتى.

 قاسىم تۇرسۇن 1987-يىلى بىليارت بىلەن ئۇچراشقان ۋاقتىدا قاسىم تۇرسۇن ئەمدىلا 13 ياشقا كىرگەن بولۇپ، تاقەتسىزلىك بىلەن ئەينى چاغدا ئۈرۈمچى شەھرىدە ئۆتكۈزۈلگەن بىليارت ئاشكارا مۇسابىقىسىگە قاتناشقان، بۇمۇ ئۇنىڭ بىليارتچىلىق كەسپىي ھاياتىنىڭ باشلىنىشى بولۇپ قالغان.

1991-يىلى تاسادىپىي پۇرسەتتە قاسىم تېلېۋىزوردىن بېيجىڭدا ئۆتكۈزۈلگەن ساغلاملىق لوڭقىسى خەلقئارا بىليارت مۇسابىقىسىنى كۆرۈپ قالىدۇ ھەمدە ئۆز كۆزى بىلەن قەلبىدىكى مەبۇدىسى سىتېۋې داۋىسنىڭ كارامىتىنى كۆرگەن.

قاسىم تۇرسۇن 1994-يىلىدىن باشلاپ قاسىم تۇرسۇن مەملىكەت ئىچىدىكى چوڭ تىپتىكى مۇسابىقىلەرگە قاتنىشىشنى باشلىغان. ئۇ ئىلگىرى-كېيىن مەملىكەت بويىچە شەھەر بىليارت ماھىرى تەكلىپ مۇسابىقىسى ۋە رى چىڭ لوڭقىسى بىليارت مۇسابىقىسىدە چېمپىيونلۇقنى قولغا كەلتۈرگەن.

1995-يىلى قاسىم تۇرسۇن گۇاڭجۇغا كېلىپ بىليارت مەشق قىلىشقا باشلىغان، شۇنىڭ بىلەن بىر ۋاقىتتا گۇاڭجۇدا ئۆتكۈزۈلگەن يېڭى ماھىرلار بىليارت مۇسابىقىسى، بىليارت تەكلىپ مۇسابىقىسى قاتارلىق مۇسابىقىلەردە چېمپىيونلۇقنى قولغا كەلتۈرگەن. شۇ يىلى يەنە مەملىكەت بويىچە بىليارت ماھىرلىرى مۇسابىقىسىدە ئىككىنچىلىكنى قولغا كەلتۈرىدۇ. ئۇنىڭ بۇ نەتىجىلىرىگە كۆزى چۈشكەن بېيجىڭ شىڭ ۋېي تەنتەربىيە بۇيۇملىرى چەكلىك شىركىتى ئۇنىڭ بىلەن توختاملاشقان، قاسىم شىڭ ۋېي شىركىتىنىڭ توختاملاشقان ماھىرى بولغان. 1996-يىلى قاسىم تۇرسۇن يەنە مەملىكەتلىك چوڭ تىپتىكى مۇسابىقىلەردە ياخشى نەتىجىلەرنى قولغا كەلتۈرگەن.

قاسىم تۇرسۇننىڭ 1997-يىلىدىكى نەتىجىلىرى تېخىمۇ كۆرۈنەرلىك بولدى. ئۇ ئاسىيا لەۋھە تالىشىش مۇسابىقىسىدە 16 كۈچلۈك قاتارىغا كىرىپلا قالماي، «چۇاڭ شې لوڭقىسى» خەلقئارا بىليارت مۇسابىقىسىدە 3-لىككە ئېرىشكەن، «كۈچ لوڭقىسى» مەملىكەتلىك بىليارت ئىنتېگرال مۇسابىقىسىدە ئىككىنچى بولغان، مەملىكەت بويىچە بىليارت ئىنتېگرال مۇسابىقىسى شاڭخەي رايونىدا چېمپىيونلۇققا ئېرىشكەن، بېيجىڭدا ئۆتكۈزۈلگەن مەملىكەت بويىچە ئىنتېگرال مۇسابىقىسىدە يەككە تاياقتا 129 نومۇر ئېلىپ، يەككە تاياقتا ئەڭ يۇقىرى نومۇر ئېلىش رېكورتى ياراتقان «لەي لى لوڭقىسى» خەلقئارا بىليارت مۇسابىقىسىدىمۇ 128 نومۇر بىلەن يەككە تاياقتا يۇقىرى نومۇر ئېلىش مۇكاپاتىغا ئېرىشكەن.

1998-يىلى شەنشى شىئەندە ئۆتكۈزۈلگەن مەملىكەتلىك بىليارت ماھىرلىرى مۇسابىقىسىدە ئىككىنچى بولغان، پاكىستان دۇنيا كەسپىي بىليارت مۇسابىقىسى ئاسىيا تاللاش مۇسابىقىسىدە تۆت كۈچلۈك قاتارىغا كىرگەن، ئەنگىلىيەدە ئۆتكۈزۈلگەن كەسپىي بىليارت مۇسابىقىسىدە 96 كۈچلۈك قاتارىغا كىرگەن.

2000-يىلى دۇنيا كەسپىي بىليارت مۇسابىقىسى ئاسىيا سەييارە مۇسابىقىسىدە ئىككىنچىلىككە ئېرىشكەن.

1996-يىلى مەملىكەت بويىچە بىليارت ماھىرلىرى ئومۇمىي رەت تەرتىپىدە  2-بولغان.

1997-يىلى مەملىكەت بويىچە بىليارت ماھىرلىرى ئومۇمىي رەت  تەرتىپىدە 3-بولغان.

1998-يىلى مەملىكەت بويىچە بىليارت ماھىرلىرى ئومۇمىي رەت  تەرتىپىدە 6-بولغان.

1997-يىلى شىنجاڭ ئۇيغۇر ئاپتونوم رايونلۇق بىليارتچىلار جەمئىيىتىنىڭ باش كاتىپلىقىغا تەيىنلەنگەن.

1998-يىلى شىنجاڭ ئۈرۈمچى شەھىرى بىليارتچىلار جەمئىيىتىنىڭ مۇئاۋىن رەئىسلىكىگە تەيىنلەنگەن.

قاسىم تۇرسۇن

كېيىن قاسىم تۇرسۇن سالامەتلىكى ياخشى بولماسلىق تۈپەيلى مۇسابىقىلەرگە قاتناشمغان، ئەمما كېسىلىنى داۋالىتىش جەريانىدا بىليارت كەسپىگە بولغان ئوتتەك قىزغىنلىقىنىڭ تۈرتكىسىدە بىليارتچىلىق ئىشلىرىنىڭ تەرەققىياتىغا تۆھپە قوشۇشنى ئۇنتۇپ قالماي، يۇرتىدا تېرىنىرلىق قىلىپ، نەچچە يىل ئىچىدە كۆپلىگەن قالتىس ئوقۇغۇچىلارنى يېتىشتۈرۈپ چىققان، يېقىنقى يىللاردىن بۇيان ئاپتونوم رايونىمىزدا كۆزگە كۆرۈنۈۋاتقان ياش ماھىر پەرۇق دەل قاسىم تۇرسۇننىڭ شاگىرتلىرىنىڭ بىرى.^[0]