تېرە قىچىشىش

تېرە قىچىشىشتېرە قىچىشىش – بەدەندىكى خىلىتلارنىڭ تەڭپۇڭسىزلىنىشى، قۇۋۋىتى تەبىئىي ۋە قۇۋۋىتى نەفسانىينىڭ بۇزۇلىشى بىلەن تېرە سەزگۈرلىكى ئېشىپ كېتىپ ئومۇمى بەدەن ياكى يەرلىك ئورۇندىكى تېرىلەرنىڭ زىيادە غىدىقلىنىشىدىن ئىبارەت. تېرە كىسەللىكلىرىدە ئەڭ كۆپ ئۇچرايدىغان مۇھىم بىر ئالامەتتىن ئىبارەت.

سەۋەبى

تېرە قىچىشىش 1. قان خىلىتىنىڭ ئۇفۇنەتلىنىشىدىن بولىدۇ.

2. سەپرا خىلىتىنىڭ غەيرى تەبىئىگە ئۆزگۈرىشىدىن بولىدۇ.

3.سەۋدا خىلىتىنىڭ غەيرى تەبىئىگە ئۆزگۈرىشىدىن بولىدۇ.

4. ھەسساسسىيەت سەۋەبىدىن بولىدۇ.

 كلىنىك ئىپادىسى تېرە قىچىشىش چەكلىك دائىرلىك تېرە قىچىشىش ۋە كەڭ دائىرىلىك تېرە قىچىشىش دەپ ئىككىگە بۆلىنىدۇ.

 پۈتۈن بەدەن خاراكتىرلىك تېرە قىچىشىشتا بولسا بىمارنىڭ تېرىسى قىچىشىش بولىدۇ، بىر يەردىن يەنە بىر يەرگە يۆتكىلىدۇ، قىچىشىش دەرىجىسى ئوخشىمايدۇ. كۆپىنچە كېچىلىرى قىچىشىش ئېغىر بولىدۇ.تاتىلاپ قانىغاندىن كېيىن بىرئاز بېسىققاندەك سېزىم بولىدۇ. ياشانغانلاردا كۆپ بولىدۇ، غول قىسىملىرى ئەڭ كۆپ قىچىشىدۇ، سوغۇققا يولۇققاندا بەكرەك كۈچىيىدۇ.ئاخشىمى كىيىملىرىنى سالغاندا قىچىشىش باشلىنىدۇ، يوتا، دۈمبە، يىرىق، پاقالچاق قاتارلىق ئورۇنلار قىچىشىدۇ،تاتىلاپ قانىتىۋېتىدۇ. يەرلىك ئورۇندىكى قىچىشىشلار كۆپىنچە مەقئەت تەمرەتكىسى،كىچىك بالىلاردا مەددە قۇرۇت كېسىلى، ئاياللاردا جىنسى يول تامچە قۇرۇت كېسىلى، جىنسىي ئەزا تەمرەتكىسى، بىر قىسىم ئاياللار كېسەللىكلىرى سەۋەبىدىن يەرلىك ئورۇن تىرىلىرىدە قىچىشىش بولىدۇ. قىزىرىپ ئىششىش بولىدۇ، ئۇششاق مودۇرلار ئۆرلەپ كىتىدۇ. سوراپ تەكشۈرۈش قىچىىش پەيدا بولغان ۋاقىت، ئورۇن، داۋاملىشىش ۋاقتى،دەرىجىسى، دائىرسى، تىرە زەخمىلىنىش، قاناش، يىرىڭلاش، مودۇرلار پەيدا بولۇش، قىزىرىپ ئىششىش، تىرە رەڭگىدىكى ئۆزگۈرۈش ئەھۋالىنىڭ بار يوقلۇقى، ئوزۇقلۇنۇش ئەھۋالى، ئوزۇقلۇنۇش تەرتىبى، زىيادە ئاچچىق، زىيادە تاتلىق نەرسىلەرنى ئىستىمال قىلىش ئەھۋالىنىڭ بار-يوقلۇقى، تەمرەتكۈ، قىچىشقاق، تىرە ياللۇغى قاتارلىق كىسەللىكلەرنىڭ بار يوقلۇقى تەپسىلى سوراش لازىم.^[0]