كورلا نەشپۈتى

كورلا نەشپۇتى ئاپتۇنۇم رايۇنىمىزدىكى سۈپىتى ئەڭ ياخشى يەرلىك سورت بولۇپ ، جەنۇبىي شىنجاڭ ، ئىلى ، تۇرپاغ رايۇنلىرىدا ئۆستۇرۇلىدۇ . ئاساسلىقى كورلا ، ئاقسۇ رايۇنلىرىدا كەڭ كۆلەمدە ئۆستۈرۈلىدۇ ، شىياڭگاڭ ، تايلاند ، سىنگاپور ، كانادا قاتارلىق دۆلەتلەرگە ئىكىسپورت قىلىنىدۇ .

نەشپۈت ئالاھىدىلىكى بولسا ئۆتكۈر خۇش پۇراق ، تېرىسى نىپىز ،شىرنىسى كۆپ تاتلىق چۈچۈك ، ساپ تەملىك ، شىنجاڭدىكى ھەرخىل نەشپۈتلەرنىڭ ئالدىدا تۇرىدۇ . نەشپۈت ئىچىدە كورلا نەشپۈتىنىڭ مىقدارى چوڭ ، سۈپەتلىك . تېرىش كۆلىمى 24 مىڭ مو غا بارىدۇ ، يىللىق ئىشلەپچىقىرىش مىقدارى مىڭ توننىدىن ئاشىدۇ .

كورلا نەشپۇتىبۇ سورتنىڭ دەرەخ تاجى چوڭ 20 يىل بولغان دەرەخنىڭ ئېگىزلىكى بەش مېتىر ، دەرەخ تاجىنىڭ دىئامېتىرى3.6-2.4 مېتىر ، بىخلىنىشى كۈچلۈك ، شاخلىنىشى ئوتتۇراھال ، مېۋىگە كىرىشى بالدۇر ، ئادەتتە تىكىپ تۆت يىلدىن كېيىن مېۋىگە كىرىدۇ . ئاساسلىق قىسقا مېۋە شېخىدا مېۋە بولىدۇ ، ھەر يىللىق مەھسۇلات بىرىشى بىرقەدەر تۇراقلىق . بۇ خىل سورتنىڭ يۇپۇرمىقى تۇخۇمسىمان بولۇپ ، ئۇزۇنلۇقى 12 سانتىمتېر ، كەڭلىكى 6.5 سانتېمېتىر ،يوپۇرماق ساپاق ئۇزۇنلۇقى 3.5 سانتىمېتىر كېلىدۇ . مېۋە شەكلى ئىللىپىسسىمان يەككە مېۋە ئېغىرلىقى % 11.13 ، سۇ مىقدارى % 84.9 ئەتراپىدا ، سۈپىتى ناھايىتى ياخشى .

بۇ خىل سورت كورلا رايۇنىدا 3 - ئاينىڭ ئاخىرلىرى بىخلىنىپ ، 4 - ئاينىڭ ئوتتۇرلىرىدا چىچەكلەيدۇ ، 9 - ئاينىڭ ئوتتۇرلىرى پىشىدۇ ، 9 - ئاينىڭ ئاخىرلىرى يىغىۋىلىنىدۇ . ساقلاشقا ۋە توشۇشقا چىداملىق بولۇپ ، ياخشى ساقلىسا ، 2 - يىلى 3 - 4 - ئايلارغىچە بازارنى تەمىنلىگىلى بولىدۇ .

 نەشپۈت دەرىخنىنىڭ ئۆمرى ئۇزۇن بۇلىدۇ ، ئەڭ ئۇزۇن بولغاندا 200 يىلغا بارىدۇ . شىنجاڭ نەشپۈتق 1500 يىللىق پەرۋىش قىلىش تارىخىغا ئىگە ، « غەربى پايتەخت خاتىرلىرى » ، « ئۇلۇغ تاڭ دەۋرىدىكى غەربى يۇرت خاتىرلىرى » ئىچىدە خاتىرە قالدۇرغان . يېقىنقى يېلدا بەزىلەر « غەربگە ساياھەت» تىكى ئادەمگىياھ دەرىخى نەشپۈت دەرىخىنىڭ دېدۇكسىيەسى دىگەن .^[0]