قارا سۆڭەكلىك توخۇ

قارا سۆڭەكلىك توخۇ گۆشى تەركىبىدە ۋىتامىن B2، ۋىتامىن E، نىكوتىن كىسلاتاسى، شۇنىڭدەك تۆمۈر، فوسفور، كالتىسىي، ماگنىي، سىنىك، قاتارلىق مىنېرال ماددىلار بار.

قارا سۆڭەكلىك توخۇ تەركىبىدىكى تۆمۈرنىڭ مىقدارى پالەك تەركىبىدىكى تۆمۈر مىقدارىدىن تەخمىنەن 10ھەسسە يۇقىرى، سىنىك تەخمىنەن دادۇرنىڭكىدىن 3.3 ھەسسە يۇقىرى، ھەتتا تەركىبىدە سىنىك مىقدارى بىر قەدەر يۇقىرى دەپ قارىلىدىغان كالا جىگىرىنىڭكىدىن 1.2 ھەسسە يۇقىرى. 

قارا سۆڭەكلىك توخۇ گۆشى ئورگانىزىمنىڭ فىزئولوگىيىلىك ئىقتىدارىنى يۇقىرى كۆتۈرۈپ، قېرىشنى كېچىكتۈرىدۇ، مۇسكۇلى كۈچەيتىپ، سۆڭەكنى ساغلاملاشتۇرىدۇ، سۆڭەك شالاڭلىشىش، راخىت كېسىلى، ئاياللاردىكى تۆمۈر يېتىشمەسلىك خاراكتېرلىك قان ئازلىق قاتارلىق كېسەللەرنىڭ ئالدىنى ئېلىش-داۋالاشتا كۆرۈنەرلىك رولى بار.

قارا سۆڭەكلىك توخۇ گۆشى كېسەلدىن كېيىن، تۇغۇتتىن كېيىن قان ئازلىققا گىرىپتار بولغانلارغا قارىتا قاننى تولۇقلاش، ساقىيىشنى ئىلگىرى سۈرۈش رولىغا ئىگە.

قارا ئەتلىك توخۇ گۆشىنىڭ مەنپىلىكنى كۈچەيتىش، بۆرەكنى قۇۋۋەتلەندۈرۈش، ئۇرۇقنى تولۇقلاش، جىگەرگە مەنپەئەت يەتكۈزۈش، قىززتىمىنى ياندۇرۇش، زەئىپلىكنى قۇۋۋەتلەندۈرۈش رولى بار بولۇپ، ئادەم بەدىنىنىڭ ئىممۇنىتېت ئىقتىدارىنى تەڭشەيدۇ ۋە قېرىشقا قارشى تۇرىدۇ. 

قارا سۆڭەكلىك توخۇ گۆشىقارا سۆڭەكلىك توخۇ گۆشىنى سۆڭىكى بىلەن بىللە شورپا قايناتسا، بەدەننى قۇۋۋەتلەندۈرۈش ئۈنۈمى ئەڭ ياخشى بولىدۇ، ئۇنى دۈملەپ پىشۇرۇشتا ئەڭ ياخشىسى يۇقىرى بېسىملىق قازان ئىشلەتمەسلىك لازىم، قۇم پەس ئوتتا ئالدىرىماي قاينىتىپ دۈملىسە ئەڭ ياخشى بۇلىدۇ.

قارا ئەتلىك توخۇ گۆشى بەدەننى قۇۋۋەتلەندۈرىدىغان ئېسىل بۇيۇم بولسىمۇ، ئەمما كۆپ ئىستېمال قىلىنسا بەلغەم پەيدا قىلىپ، ئادەمنىڭ ئىسسىقىنى ئاشۇرۇۋېتىدۇ، ئىسسىق ھاسىل قىلىپ، يەلنى قوزغايدۇ، شۇڭا زۇكامداپ قىزىپ قالغانلار ياكى نەم ئىسسىقتىن بولغان ئىچكى دەرد تۈپەيلى تامىقى ئازىيىپ كەتكەنلەر، قورسىقى ئېسىلىدىغانلار قارا ئەتلىك توخۇ گۆشى ئىستېمال قىلماسلىقى لازىم.^[0]