كەتىرا چىنى

كەتىرابۇ پۇرچاق ئائىلىسىدىكى 50-80 سانتىمېتىر ئۆسىدىغان، كۆپ يىللىق سامان غوللۇق ئۆسۈملۈك شىنجاڭ كەتىراسىنىڭ يىلتىزى بولۇپ، قۇرۇتۇلغان يىلتىزى سىلىندىر شەكىللىك، يۇقىرى تەرىپى تومراق، تۆۋەن تەرىپى ئىنچىكىرەك، سىرتى كۈلرەڭگە مايىل سېرىق رەڭدە، تەمى سەل تاتلىق، پۇرىقى سۇس بولىدۇ، يىلتىزى كەتىرا چىنى نامىدا دورىغا ئىشلىتىلىدۇ.

چىقىش ئورنى

شىنجاڭ ئۇيغۇر ئاپتونوم رايونىنىڭ ئالتاي، ئاقسۇ، تارباغاتاي رايونلىرىدىن چىقىدۇ.

خىميىۋىلىك تەركىبى

يىلتىزىنىڭ تەركىبىدە دىھىدرو − دىمتوكىسى فلاۋۇن، ئۆت ئىشقارى (Choline)، ئاچچىق ماددا، قىزىلچا ئىشقارى (Betain)، ئامىنو كىسلاتاسى، قومۇش شېكىرى، ئۈزۈم شېكىرى، شىلىمشىق ماددا، ئاز مىقداردا يوپۇرماق كىسلاتاسى، كەندىر مېيى كىسلاتاسى قاتارلىقلار بار.

1.يۈرەك قان تومۇرلارغا بولغان تەسىرى: يۈرەك كلاپانلىرىنىڭ قىسقىرىشىنى كۈچەيتىش، تاجسىمان قىزىل قان تومۇرى، يۈرەك قان − تومۇرىنى ھەم پۈتۈن بەدەندىكى قان − تومۇر ئۇچلىرىنى كېڭەيتىش، تېرە قان ئايلىنىشىنى ياخشىلاش، قان بېسىمىنى تۆۋەنلىتىش، سۈيدۈكنى راۋان قىلىش، بالىياتقۇنى قىسقارتىش تەسىرى بار.

2.باكتېرىيىلەرنى تورمۇزلاش رولىغا ئىگە: تولغاق تاياقچە باكتېرىيىسى،كۆيدۈرگە تاياقچە باكتېرىيىسى، A تىپلىق قان ئېرىتكۈچى زەنجىرسىمان شارچە باكتېرىيىسى، خولېرا تاياقچە باكتېرىيىسى، ئۆپكە ياللۇغى جۈپ شارچە باكتېرىيىسى، ئالتۇن رەڭلىك ئۈزۈمسىمان شارچە باكتېرىيىسى، لىمون رەڭلىك ئۈزۈمسىمان شارچە باكتېرىيىسى قاتارلىقلارنى تورمۇزلايدۇ.

ئىششىق ياندۇرۇش، تېرىنى يۇمران قىلىش، جاراھەت پۈتتۈرۈش، گۆش ئۈندۈرۈش، سۈيدۈك ۋە ھەيزنى راۋانلاشتۇرۇش، تەرلەشنى توختىتىش، ئىششىق ياندۇرۇش، ئىچىنى توختىتىش، ھەر خىل چىقۇقلارنى ئورنىغا كەلتۈرۈش خۇسۇسىيىتىگە ئىگە.

ئەكىس تەسىرى

ئۈچەيدە توسۇلۇش پەيدا قىلىدۇ.

تۈزەتكۈچىسى

بادام يېغى

ئورۇنباسارى

كەتىرا

ۋەكىل خاراكتېرلىك پىششىق دورا ياسالمىسى

شەربىتى ئەنجىباھار

كۆپ تەرلەش، ئۇزۇنغا سوزۇلغان ئىچ سۈرۈش، سوڭى چىقىپ قېلىش، بالىياتقۇ چىقۇقى، سوزۇلما خاراكتېرلىك بۆرەك جامى ياللۇغى، سۈت بېزى ياللۇغى، سوزۇلما خاراكتېرلىك يارا، ھەر خىل ئىششىق، ئۇزۇنغىچە ئېغىز ئالمىغان غەلۋىرەك، ھەيز توختاپ قېلىش قاتارلىقلارغا ئىشلىتىلىدۇ.

1. كەتىراچىنىدىن15 گرامنى 9 گرام قانتېپەر، 6 گرام پەرپىيۇن بىلەن قوشۇپ قاينىتىپ ئىچسە،سوڭى چىقىپ قېلىش ۋە بالىياتقۇ چىقۇقىغا پايدا قىلىدۇ.

 2. كەتىراچىنىدىن15 گرام ئېلىپ،15 گرام كەرەپشە ئۇرۇقى،5 دانە چوڭ چىلان قوشۇپ قاينىتىپ ئىچسە، يەڭگىل ئىششىقلارنى ياندۇرىدۇ.

مىقدارى

15 ~ 8 گرامغىچە.

كۈزدە مېۋىسى يىغىۋېلىنپ قۇرۇتۇپ ساقلىنىدۇ.^[0]