قانتېپەر

چۈشەندۈرۈشى

قانتېپەرقانتېپەر بولسە 50~100 سانتىمېتىر ئەتراپىدا ئۆسىدىغان قوڭغۇراق گۈل ئائىلىسىدىكى كۆپ يىللىق سامان غوللۇق ئۆسۈملۈك 

شىنجاڭ قانتېپەرى (بۇ ئۆسۈملۈكنىڭ خەلقىمىز ئارسىدا يەن «تۈرسۈلداق» ھەم «سۇغۇر سېسىقئوتى» دېگەن نامىمۇ بار)بولۇپ، بۇ ئۆسۈملۈكنىڭ يىلتىزى «قانتېپەر» نامىدا دورىغا ئىشلىتىلىدۇ.تاغ جىلغىلىرى ۋە تاغ باغرىدىكى ئورمانلىقلاردا ئۆسىدۇ، شىنجاڭ ئۇيغۇر ئاپتونوم رايونىدىكى تەڭرىتاغلىرى، ئالتاي تاغلىرى ۋە قارىقۇم تاغلىرىدىن چىقىدۇ.

قان تولۇقلاش، ئۆپكە، كاناينى قۇۋۋەتلەش، تال ۋە ئاشقازاننى قۇۋۋەتلەش، بەدەننى قۇۋۋەتلەش، ئۇسسۇزلۇق پەسەيتىش.

خاس تەسىرى 

قان خىلىتىنى كۆپەيتكۈچى دورا.

ئەكىس تەسىرى

ئىسسىق مىزاجلارنىڭ بېشىنى ئاغرىتىدۇ.

فارماكولوگىيلىك تەسىرى

قانتېپەر1. قاندىكى قىزىل قان ھۈجەيرىلىرىنى كۆپەيىش، قان ئايلىنىشنى راۋانلاشتۇرۇش، قان بېسىمىنى تۆۋەنلىتىش.

2. ھەزىمنى ياخشىلاش تەسىرى بار.

3. (تەننى) بەدەننى كۈچلەندۇرۇش تەسىرى بار. كىچىك چاشقان تەجىربىسىدە بۇ خىل ئۈنۈمى ئىسپاتلانغان.

4. ئۇيقۇغا بولغان تەسىرى . كىچىك چاشقان تەجىربىسىدىن ئۇنىڭ مەركىزى نېرۋا سېستىمىسىغا تەسىرى ئارقىلىق ئوخلاش ۋاختىنى قىسقارتىدىغانلىقى ئىسپاتلانغان

سوپۇنلار، قەنتلەر، خلاۋونلار، سىتروئىدلار، ئۇچۇچان ماي، بىئولوگىيىلىك ئىشقار، پالماتىك كىسلاتا قاتارلىق ئامىنو كىسلاتاسى تۆمۈر(Fe)، سىنىك(Zn)، مىس(Cu) قاتارلىقلار.

1. شېكەر50 گرام، قانتېپەر 60 گرام، قاينىتىپ ئىچسە، قان كۆپەيتىپ يۈرەكنى قۇۋۋەتلەيدۇ.

2. قانتېپەر، زىرە 10 گرام، بەدىيان، پىننە، جۈۋىنە 7 گرامدىن ئېلىپ چايلىق تەييارلاپ ئىچسە، ئاشقازاننى قۇۋۋەتلەيدۇ

دورىلىق ئورنى

ئۆسۈملۈكنىڭ يىلتىزى

مىقدارى

30~ 20 گرام

تۈزەتكۈچىسى

چىلان

ئورۇنباسارى

ئادەمگىياھ

ھەبۇبى كېر، ماتىدىل ھاپات

قان ئازلىق، تال ۋە ئاشقازان ئاجىزلىقى، بالىلاردىكى ئىشتېھاسىزلىق قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تىبابىتى خام دورىلار ئىلمى 1  (شىنجاڭ تېببي ئۇنۋېرسېتىتى تولۇق كۇرۇس نۇسخسى).^[0]