يەرمەدىكى

يەرمەدىكىيەرمەدىكى بولسا يەرمەدىكى  ئائىلىسىدىكى كۆپ يىللىق سامان غوللۇق ئۆسۈملۈك  يەرمەدىكى بولۇپ، بۇ ئۆسۈملۈكنىڭ پۈتۈن چۆپى «تاراسىس» ياكى «يەرمەدىكى» نامىدا دورىغا ئىشلىتىلىدۇ.قۇرۇتۇلغان چۆپى ياپىلاق سىلىندىر شەكىللىك ياكى بىر ئۇچى ئىنچىكە،سىرتقى يۈزى قىزىل خورما رەڭ ۋە توق قوڭۇر رەڭلىك، ئازراق پۇراقلىق،  تەمى ئاچچىق ھەم قېرىق،

خۇسۇسىيتى

تەبىئەتنى قۇۋۋەتلەش، چوڭ تەرەتنى راۋانلاشتۇرۇش، قان كۆپەيتىش، تەر توختىتىش، ياللۇغ قايتۇرۇش، جىگەر، ئاشقازان ۋە باھنى قۇۋۋەتلەش، بەدەندىكى قاتتىقلىقنى تارقىتىش، ھاردۇق چىقىرىش، پەي ۋە مۇسكۇللارنى چىڭىتىش، كۆزنى قۇۋۋەتلەش، ھۆللۈكلەرنى قۇرۇتۇش خۇسۇسىيىتىگە ئىگە.

خاس تەسىرى

تەبىئەتنى قۇۋۋەتلىگۈچى دورىلار.

ئەكىس تەسىرى

ئەزانى تۇيغۇسىز قىلىدۇ، پالەچ ۋە شوك كەلتۈرۈپ چىقىرىدۇ، توسالغۇ پەيدا قىلىدۇ، كۆپ يېسە، قان سىيدۈرىدۇ، بۇنى تۇخۇم ياكى گۆش بىلەن قوشۇپ يېمەسلىك لازىم.  يەرمەدىكىنىڭ زەھەرلىكىنى يەپ قالسا، سوغۇق تەرلەيدۇ، گالنى بوغىدۇ، بىھوش قىلىدۇ، ئاشقازاننى ئېغىرلاشتۇرۇۋېتىدۇ.

فارماكولوگىيلىك تەسىرى

ئاشقازان− ئۈچەي يوللىرىنى راۋانلاشتۇرۇپ، تەرەت ھەيدەش، بەدەننىڭ ئىممۇنىت كۈچىنى ئاشۇرۇش، ئىچكى ئاجرىتىش سىستېمىسىنى كۈچەيتىش، ئوكسىدلىنىشقا قارشى تۇرۇش، قېرىشنى كېچىكتۈرۈش، قان ئايلىنىشنى ياخشىلاش قاتارلىق تەسىرى بار.

ئۆنۈملۈك تەركىبى

بۇنـىڭ تـەركىـبـىـدە ئانـتوسـىيـانـىـن (Anthocyanin)، تىـرتېـرپـېنوئـىد ساپونىـن (Triterpendid saponoin)، تانـنـىـن،  −L پىـرولـىـن (L-Prolnine) قاتارلىقلار بار.

يەرمەدىكى1.يەرمەدىكىنىڭ قۇرۇتۇلغىنىنى مۇۋاپىق مىقداردا ئېلىپ سوقۇپ بېلىق يېلىمى بىلەن قوشۇپ چاپسا، دوۋساق ياللۇغى، سېرىقئەت يىرتىلىش ۋە كىندىك چىقۇقى قاتارلىقلارغا پايدا قىلىدۇ.

2. يەر مەدىكىنىڭ ھۆلىنى سىقىپ سۈيىنى چىقىرىپ كۆزگە تېمىتسا، كۆزنى قۇۋۋەتلەيدۇ، كۆز چۆرىسىدىكى قوتۇرنى ۋە كۆزدىكى ئاقنى ئالىدۇ، كۆزگە سۇ چۈشۈشنى توسايدۇ، بولۇپمۇ سۈرمىنى بۇنىڭ سۈيى بىلەن چەككىلەپ، ئاندىن ئىشلەتسە، مەنپەئىتى تېخىمۇ ياخشى بولىدۇ.

3. يەرمەدىكىنى يېڭى سېغىلغان ئۆچكە سۈتى بىلەن  ياكى كالا سۈتى قېتىقىدىن تەييارلانغان دۇغىنىڭ سۈيى بىلەن قوشۇپ ئىچسە، ئاشقازان ۋە جىگەر ئاجىزلىقى ئۈچۈن پايدا قىلىدۇ.

دورىلىق ئورنى 

قۇرۇتۇلغان پۇتۇن  چۆپى.

مىقدارى 

6 گرام.

ساقلاش

ئارىلاشمىلىرىنى چىقىرىۋېتىپ ئاپتاپتاقۇرۇپ قۇرغاق ئورۇندا ساقلىنىدۇ.

تۈەتكۈچىسى

ئاچچىقسۇ، قىچا، تۇز، سېرىقچېچەك.

ئورۇنباسارى 

موزا، ئەرەب يېلىمى، ئاقاقىيا،

سۇپۇپى سۆئلەپ

كېسەللىك مىسالى

باھ ۋە ئاشقازان ئاجىزلىقى، جىگەر قېتىشىش، ئىچى سۈرۈش، قاناش، دوۋساق ياللۇغى، چىقۇق، كىندىك چىقۇقى، كۆرۈش كۈچى ئاجىزلىقى، كۆز چۆرىسىدىكى قوتۇر، كۆزگە ئاق چۈشۈش، كۆزگە سۇ چۈشۈش قاتارلىقلارغا ئىشلىتىلىدۇ.

كېلىش مەنبەسى (ئەسەر)

ئۇيغۇر تېباىتى خام دورىلار ئىلمى1 (تولۇق كۇرۇس نۇسخسى) .^[0]