ئارغامچا

ئارغامچا — ئىنچىكىرەك ۋە قىسقىراق ھالەتتە ئېشىپ تەييارلىنىدۇ. ئارغامچىنىڭ يۇڭ ئارغامچا، پاختا ئارغامچا، تاسما ئارغامچا ۋە كەندىر ئارغامچا قاتارلىق تۈرلىرى بار. ئارغامچا ئاساسەن چۇلۋۇر، گالباغ، بۇجا، يەلكىباغ قىلىشقا ئىشلىتىلىدۇ.

ئۇيغۇر خەلقىنىڭ تۇرمۇش ۋە ئىشلەپچىقىرىش ئەمەلىيىتىدە كەندىر سويپىقى، ياۋا كەندىر سويپىقى، قىل، قىلچىق، موي، ئۆچكە چۇپۇرى، ئاتنىڭ يال قۇيرۇقى، قوتازنىڭ يال قۇيرۇقى، تۆگە يۇڭى، قوي يۇڭى، چىغ، شال، زىغىر پاخاللىرىدا تۈرلۈك ئارقان، توشۇڭ، ئارغامچا، تانا، كۇلا، شوينا يىپلارنى ئېشىپ ئىشلىتىپ كەلگەن.

ھازىرلاردا ئارغامچىنىڭ تۈرى ئىنتايىن كۆپ، شەكلىمۇ ھەرخىل، ئىشلىتىش ئورنىمۇ نۇرغۇن.