تۇخۇم نەشپۈت

تۇخۇم نەشپۈت كورلا ، ئاقسۇ ، قەشقەر ، ئىلى ۋە تۇرپان قاتارلىق رايۇنلاردا ئۆستۈرىلىدۇ . دەرەخنىڭ ياش نوتىللىرى كۈچلۈك ، ئەركىن راۋاجلىنىدۇ . مېۋە شاخچىلىرى شاخ غولى ۋە ئاساسىي غولدا تارقىلىپ قىسقا ، شالاڭ شەكىللىنىدۇ ، غولدىن تار بۇلۇڭ شاخ ئايرىيدۇ . مېۋە چۈشكەندىن كېيىن شاخلىرى ئىگىلىپ كېڭىيىدۇ . 

بىر گۇل تىزمىسىدا 1 - 3 دانە مېۋە چۈشىدۇ . يوپۇرماقلىرى بىر قەدەر قېلىن . يوپۇرمىقىنىڭ شەكلى دۇگىلەك ، ئۇچى ئۇشلۇق ، چۆرىسى ھەرە چىشسىمان كىلىدۇ . كۆچىتى تىكىلىپ 4 - 5 يىلدا مېۋىگە كىرىدۇ . بۇ سورت 9 - ئاي ئىچىدە پىشىدۇ ، مەھسۇلاتى يۇقىرى ، 40 يىل بولغان دەرىخىمۇ يىلغا بىر توننىدىن كۆپ مېۋە بىرىدۇ . سوغۇققا چىدامچانلىقى ئوتتۇراھال . 

شەكلى ۋە تەمى 

مېۋىسىنىڭ شەكلى تۇخۇمسىمان ، ئېغىرلىقى 100 گرام ئەتراپىدا ، پوستى ئوتتۇرا ھال قېلىن ، ئەسلى رەڭگى يېشىل سېرىق ، ساقلىنىش جەريانىدا ، توم سېرىق ھالەتكە ئۆزگىرىدۇ . ئېتى چۈرۈك ، تەمى تاتلىق ، شېرىن ، سۇلۇق ، خۇشبۇي پۇرايدۇ ،، مېۋە ساپىقى ئۇزۇن ، سۈپىتى ياخشى .^[0]