چۆل يالپۇزى

چۆل يالپۇزى  بولسا كاپۇكسىمان گۈللۈكلەر ئائىلىسىدىكى كۆپ يىللىق سامان غوللۇق ئۆسۈمـلۈك قىـزىـل يىلتىـزلىق چۆل يالپـۇزى (Labiatae ) نىڭ يـىلتىـزى بۇلۇپ، كۈزدە ئۆسۈملۈكنىڭ يىلتىزىنى كولاپ ئېلىپ ئارىلاشمىلىرىنى چىقىرىپ تاشلاپ يېغۋىلىنىدۇ.ئېلىمىزنىڭ شىمالىي، شەرقىي ۋە جەنۇبىي قىسىملىرىدىكى ئۆلكىلەردىن چىقىدۇ.

يۈرەكـنـى قـۇۋۋەتلـەش، يالـلـۇغ قايتـۇرۇش، قـان بېـسىمـىنى چۈشـۈرۈش، ئۇيـۇپ قالـغـان قانـنى تارقىـتىـپ، ئاغرىق توختـىتىش، كۆڭۈلنى تىنىچلاندۇرۇش، جىگەر ۋە تالنى كۈچلەندۈرۈش، مېڭىنى قۇۋۋەتلەش خۇسۇسىيىتى بار.

خاس تەسىرى

ئىششىق، ياللۇغ ۋە قىزىتما قايتۇرغۇچى دورا.

ئەكىس تەسىرى

ھامىلىدار ئاياللارغا ئېھتىيات بىلەن ئىشلىتىش لازىم. بۇ دورىنى مارالقۇلاق بىلەن بىرگە ئىشلىتىشكە بولمايدۇ.

قان تومۇرلارنى كېڭەيتىپ، قان بېسىمىنى چۈشـۈرىدۇ. قاندىـكى ماينـى ئېـرىتىـدۇ، مەركىزىـي نېـرۋا سىـستېمىـسـىنى تىنىچلاندۇرىدۇ، ياللۇغ قايتۇرىدۇ. قان تولۇقلايدۇ.

ئاساسلىق تەركىبى تانسىنونون (Tan Shinone)، چۆل يالپۇزى كېتون (ketone)، تانسىيول (Tan Shinol) ۋە باشقا ۋىتامىنلار بار.

1. ئاپتاپپەرەس گۈلى ۋە زاراڭزا گۈلىدىن 30 گرامدىن، چۆل يالپۇزىنىڭ يىلتىزىدىن 10 گرام، كۈنجۈتتىن 20 گرام ئېلىپ،  دورىلارنى قاينىتىپ، ئىچسە، ھېيىزنى راۋان قىلىدۇ.

2. ئاق سەندەلدىن، بىنەپشىدىن 7 گرام ، چۆل يالپۇزىنىڭ يىلتىزىدىن 10 گرام ئېلىپ، بۇ دورىلارنى دەملەپ ئىچسە، قان بېسىمىنى چۈشۈرىدۇ.

دورىلىق ئورنى

ئۆسۈمـلۈك يـىلتىـزى

مىقدارى

20 ~ 12 گرامغىچە.

ساقلاش

قۇرۇتۇپ ساقلىنىدۇ.

ئورۇنباسارى

ئاپتاپپەرەس گۈلى

تۈزەتكۈچىسى

ھەسەل، خۇنسىياۋشان

ىھېيىز قالايمىقانلىشىش،بەل، پۇتلار ئاغرىش، قان نوكچىسى توسۇلۇپ قېلىش خاراكتېرىدىكى قان تومۇر ياللۇغى، ئاغرىتىپ ھېيىز كېلىش، ھېيىز تۇتۇلۇش، يۇقىرى قان بېسىمى كېسەللىكى، جىگەر ياللۇغى، جىگەر، تال يوغىناپ كېتىش، قان ئۇيۇپ، يەل تۇرۇپ قېلىش، ئاشقازان ئاغرىش، سۈت بېزى ياللۇغى، لىمفا بېزى ياللۇغى، نېرۋا ئاجىزلىقى، باش ئاغرىش، باش قېيىش، ئۇيقۇسىزلىق، ئىچى تىتىلداپ ئۇخلىيالماسلىق قاتارلىقلارغا ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى ئىككىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]