ئىسسىق ئۆتۈپ كېتىش

ئىسسىق ئۆتۈپ كېتىشسەۋەبى: بۇ كېسەللىك، كۈچلۈك كۈن نۇرى ياكى يۇقىرى تېمپېراتۇرىلىق شارائىتتا ئۇزاق مۇددەت مەشغۇلات قىلىش، ئىچكەن سۇيۇقلۇقى ئاز بولۇش، ئىچى سۈرۈپ ياكى قاتتىق تەرلەپ سۇ يوقىتىش سەۋەبىدىن كېلىپ چىقىدۇ.

ئالامىتى: تەرلەش، بەدەن ماغدۇرسىزلىنىش، باش ئاغرىش، بەزىلەردە ئىچى سۈرۈپ كېتىش، ئۇسساش، باش قېيىپ كۆز قاراڭغۇلىشىپ، يۈز تېرىسى قارىداپ، تېمپېراتۇرىسى ئۆرلەپ قىزىتىش، قاتتىق بىئارام بولۇش، سۈيدۈك يوقىلىش، قان بېسىمى تۆۋەنلەش، بەزىدە ھوشسىزلىنىش قاتارلىق ئالامەتلەر بىلەن ئىپادىلىنىدۇ.

1-رېتسېپ 

تەركىبى: قىزىل لەيلىگۈل 30 گىرام، گۈلى بىنەپشە 50 گىرام، نېلۇپەر 20 گىرام، لىمون ئۈچ گىرام، سۇ بىر لىتىر.

تەييارلاش ئۇسۇلى: دورىلارنى سۇدا قاينىتىپ سۈزۈپ، سۈيىگە لىموننى سېلىپ ئېرىتىپ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا بەش گىرامدىن ئىچىلىدۇ.

2-رېتسېپ

تەركىبى: قىزىلگۈل، ھەمىشىباھار، تاۋۇز ئۇرۇقى مېغىزى، ئەنجۈر شىپا تېنى، ئاق لەيلى، ئاق ئۈجمە يوپۇرمىقى، تەرەنجىبىن 20 گىرامدىن، سېرىق ھېلىلە، قارىئۆرۈك 21 گىرامدىن. سۇ مۇۋاپىق مىقداردا.

تەييارلاش ئۇسۇلى: دورىلارنى چالا سوقۇپ، سۇدا نەمدە تەييارلىنىدۇ.

ئىشلىتىش مىقدارى: كۈنىگە 2 ~ 3 قېتىم، ھەر قېتىمدا بەش گىرامدىن ئىستېمال قىلىنىدۇ.

3-رېتسېپ

تەركىبى: يۇمغاقسۈت ئۇرۇقى 50 گىرام، ئاق لەيلى ئۇرۇقى 30 گىرام، سىركە 5.0 لىتىر، ئاق شېكەر بىر كىلوگرام، سۇ تۆت كىلوگرام.

تەييارلاش ئۇسۇلى: دورىلارنى سۇدا قاينىتىپ، تىرىپلىرىنى سۈزۈۋېتىپ، سۈيىگە شېكەرنى سېلىپ تەييارلىنىدۇ.

ئىشلىتىش مىقدارى: كۈنىگە ئۈچ قېتىم، ھەر قېتىمدا 4 ~ 5 گىرامدىن ئىستېمال قىلىنىدۇ.