تېرېشكوۋا

 ۋاليېنتىنا تېرېشكوۋا دۇنيادىكى تۈنجى بولۇپ ئالەم بوشلۇقىغا چىققان ئايال ئالەم ئۇچقۇچىسى. ئۇ 1963-يىلى 6-ئاينىڭ 16-كۈنى، « شەرىق _ » VI ناملىق ئالەم كېمىسى بىلەن بىللە ئالەم بوشلۇقىدا سەپ تۈزۈپ ئۇچۇش ۋەزىپىسىنى تاماملىغان، ئۈچ كىچە-كۈندۇز ئۇچۇپ، يەر شارىنى 48 قىتىم ئايلانغان، ئۇچۇش مۇساپىسى تەخمىنەن 2 مىليۇن كىلومېتىرغا يەتكەن، بىيومېدىتسىنا ۋە پەن-تېخنىكىلىق كۆزىتىش پىلانلىرىنى ئورۇنلىغان ھەمدە 6-ئاينىڭ 19-كۈنى يەر شارىغا بىخەتەر قايتىپ كەلگەن.

تېرېشكوۋا 1937 -يىلى  تۇغۇلغان بولۇپ، كىچىك ۋاقتىدا بوشلۇقتا ئۇچۇشنى ئارزۇ قىلاتتى، خىزمەتكە چىققاندىن كېيىن بىر تەرەپتىن مەكتەپكە بىرىپ ئۆگىنىش قىلسا، يەنە بىر تەرەپتىن ئاۋىئاتىسىيە كولۇبىنىڭ پاراشوت بىلەن سەكرەش پائالىيىتىگە قاتنىشقان. 1962-يىلى قاتتىق تاللاشلاردىن ئۆتۈپ ئاخىرى ئالەم ئۇچقۇچىلىرى قاتارىغا كىرگەن. روسىيە ھۆكىمىتى ئۇنىڭ دۇنيا ئالەم قاتنىشى ئىشلىرىغا قوشقان تۆھپىسىنى تەغدىرلەش ئۈچۈن لېنىن ئوردىنى ۋە چايكوۋىسكى مېدالىنى بەرگەن.

خەلىقئارا ئاۋىئاتسىيە بىرلەشمىسى ئۇنىڭغا « كائىنات » ئالتۇن قالقان مىدالىنى بەردى. خەلىقئارا ئاياللار بىرلەشمىسى ئۇنى مۇئاۋىن رەئىسلىككە سايلىغان. ئاسترونومىيە ساھەسىدىكىلەر ئاي شارىنىڭ ئارقا تەرىپىدىكى ھالقىسىمان تاغنى ئۇنىڭ نامى بىلەن ئاتىغان.

تېرېشكوۋا 1963-يىلى 8-ئايدا يەنە ئالەم ئۇچقۇچىسى نېكولايىف بىلەن توي قىلىپ، دۇنيادىكى تۈنجى ئالەم ئۇچقۇچىلىرى ئائىلىسىنى قۇرغان.