SWOT ئانالىزى

SWOT ئانالىزى مەلۇم شىركەت، مەھسۇلات، سانائەت ياكى شەخس ئۈچۈن ئىشلىتىلسە بولىدۇ. يەنى بۇ ئانالىز مەلۇم تۈرنى ياكى مەبلەغ سېلىش ۋە ياكى سودىنىڭ نىشانىغا يېتىشنى ئەمەلگە ئاشۇرۇش جەريانىدىكى ئىچكى ۋە تاشقى ئامىللارنى، يەنى ئىچكى ۋە تاشقى جەھەتتىكى پايدىلىق ياكى پايدىسىز ئامىللارنى ئېنىق قىلىش ئۈچۈن ئىشلىتىلىدۇ. 

ئىچكى ئامىللار 

Strengths (كۈچلۈكلۈك)-تۈرنىڭ ياكى سودىنىڭ ئەمەلگە ئېشىشى ياكى ئىلگىرىلىشى ئۈچۈن ئىچكى جەھەتتىن ئاكتىپ تەسىرى بولىدىغان ئامىللار.

weaknesses (ئاجىزلىق) -تۈرنىڭ ياكى سودىنىڭ ئەمەلگە ئېشىشى ياكى ئىلگىرىلىشى ئۈچۈن ئىچكى جەھەتتىن پاسسىپ ياكى مەنپىىي تەسىرى بولىدىغان ئامىللار.

تاشقى ئامىللار

opportunities (پۇرسەت)-ساھەدىكى تۈرنىڭ ياكى سودىنىڭ ئەمەلگە ئېشىشى ياكى ئىلگىرىلىشى ئۈچۈن ئارتۇقچىلىقلىرىنى جارى قىلدۇرۇشقا ياردىمى بولىدىغان ئامىللار.

threats (تەھدىت)-ساھەدىكى تۈرنىڭ ياكى سودىنىڭ ئەمەلگە ئېشىشى ياكى ئىلگىرىلىشى ئۈچۈن ئاۋارىچىلىق ياكى قىيىنچىلىق پەيدا قىلىدىغان ئامىللار.

SWOT ئانالىزى بىزنى يۇقىرىدىكى تۆت ئامىلنى ئانالىز قىلىش ئارقىلىق، بىزنىڭ قىلماقچى بولغان تۈرىمىزنىڭ ياكى سودىمىزنىڭ ۋە ياكى تىجارىتىمىزنىڭ يەتكىلى بولىدىغان ياكى بولمايدىغانلىقىغا ھۆكۈم قىلىشىمىزغا ياردەم بېرىدۇ.

SWOT ئانالىزىنى ئىشلەتكۈچى چوقۇم مۇشۇ تۆت كاتېگورىيە ئۈچۈن مۇۋاپىق سوئاللارنى سورىشى ۋە شۇ ئارقىلىق ئىشلەتكىلى بولىدىغان ۋە ئىشقا يارايدىغان جاۋابقا ئېرىشىشى كېرەك. شۇندىلا قىلغان ئانالىزنىڭ نەتىجىسى كارغا يارىغۇدەك بولىدۇ ھەم شۇ تۈرنىڭ ياكى مەھسۇلاتنىڭ ۋە ياكى سودىنىڭ (رىقابەت ئۈستۈنلىكى) نى بايقاپ چىققىلى بولىدۇ.